طيب اخبار الزيت بتاع توتال مع حضرتك ايه
انا سمعت ان زيت موبيل بيخلى صوت المكنة عالى على ار بى ام منخفض
زيت توتال جبته بكام وهل حسيت بفرق بعد التغيير
تقبل تحياتى
عرض للطباعة
متابع
طيب انا داخل على صيانة 5000 كم هل اغامر بضمان ااموتور حتى لو كان من باب التهديد مع ان صوت الموتور عالى وحابب اغير لزيت تخليقى زى وولفر ،،، افيدونا ياقوم
محستش باي فارق يذكر ولسه صوت الموتور عالي بعد 100
توتال مش كتير بيشكرو فيه بس انا كنت تهت في موضوع الزيوت ده
فكنت في مشوار وقلت اول بنزينة هقابلها هشتري منها الزيت وقبلتني توتال فاشتريتو وريحت دماغي
بس اللي بيشكرو فيه فعلا زيت شل بس اهم حاجة تخلي بالك من المضروب
زيت توتال ب 290 جنية التخليقي
متتااابع
أنا عملت كدة فعلاً
بالنسبة لي أنا أكدت على المهندس (وكان أدام الناس كلها عشان اتجمّعوا) هل هيخرج المحرك من الضمان؟ فقال لأ فأكدت عليه تاني عشان أسمّعهم وتالت.. خليته يقولها أدامهم 3 مرات عشان الناس تعرف إن مفيش خوف من تغيير نوع الزيت.. وعموماً أوافقك بشدة إنه إتفاق فعلاً بين التوكيلات وشركات الزيوت المحلية.
هو في حد في الدنيا يحط زيت زي موبيل وان اللي درجته 20-50 لموتور زيرو؟؟؟؟؟؟؟؟؟؟؟؟؟؟؟ ده عقل؟؟؟.. ده كدة بتفحت الموتور وعاوز تجيب أجله قريب.. طب أقسم بالله لقيت مرة في مزيتة علبة موبيل دلفاك بتاعة مواتير الجاز مرسوم عليها التريلا الكبيرة دي ودرجته برضه 20-50..
يا باشا استخير وتوكل على الله، أنا غيرت لوولف 40-5 بعد صيانة الـ5000 على طول. وبصراحة فرق لا تتخيله.. قبل كدة كنت حاسس إني سايق كراكة زراعية وصوت الموتور على 2.5 rpm كان بيخليني أنقل عشان عاااااااااااااااااااالي أوي..
دلوقتي مبسمعش صوت الموتور غير بعد الـ 3 rpm وبيفضل صوته مريح لحد 4 كمان..
وأنا واحد منهم
خسارة يا باشا.. لو تتعب نفسك شوية وتقرأ عن الزيوت هنا في المنتدى هترتاح كتير بعدها وانت سايق.. مبدأياً إبعد عن الزيوت المحلية لسهولة الغش فيها، خليك في المستورد (وولف، وولفر، فالفولين،..) ومن وكيله المعتمد لضمان عدم الغش إن شاء الله، ثم اختار الدرجة المناسبة (5-40 أو 5-30) زي ما الكتالوج بيقول وغير وشوف بنفسك. سعر وولف كان 300ج ولو كنت قلتله أنا تبع نايل موتورز كان حسبهولي بـ 290ج
بص هو من ناحية إن صوت الموتور بيرتفع إبتداءً من 100كم وحتى 120كم ثم يعاود الإنخفاض تاني مع زيادة السرعة فوق 120كم ويبقى في معدله الطبيعي؛ ده حاجة موجودة في كل البي واي دي اللي بموتور 1600، وقتلت بحثاً ولها أسباب كتيرة خلاصتها (لا تسأل كيف إنها إرادة الله) لكن القصة إنك لما بتحط زيت كويس ودرجته مناسبة للموتور الصوت بيهدى خاااااالص وبتحس فعلاً إن الموتور مستريح، وحتى لما توصل لسرعة 120كم والصوت يعلى مبيبقاش مزعج ولا ملفت للنظر زي قبل كدة (ده عن تجربة)..
كلام سليم فعلاً، لكنه من العوامل اللي بتقدر تحدد بيها حالة الزيت في المكنة ومدى راحة المكنة معاه.