موضوع للافاده محاوله تثبيت

**MohammedAladel** · 27-04-2014 05:02 PM

ربنا يعوض عليك ...والله السلاح برضه يخوف ... ممكن تودى نفسك فى داهية حتى لو كنت بتدافع عن نفسك من واحد بلطجى بيتهجم عليك ويطلع البلطجى شهيد وإنت إرهابى ... خليك كدا أحسن

**Hany Saad** · 27-04-2014 06:03 PM

أحمد بيه...الحمد لله انك بخير و اهلك كلهم بخير و دى اهم حاجة....
انا عارف ان فى المواقف دى الواحد دمه بيفور و يكون عايز ياكل اللى قدامه و خصوصاً ان معاك ابنك و اسرتك فدافع الحماية بيكون مضاعف فى هذه الحالة و اعتقد البلطجية بيلعبوا كويس على النقطة دى......
للأسف البلد بقت رايحة فى ستين الف داهية و قانون الغاب و البقاء للأقوى هو العرف المطبق حالياً
لسه يوم ٢٢ ابريل مهندس كمبيوتر محترم ( م/ محمود النجار) تم تثبته و قتله على طريق السخنة ( طريق الجيش) الساعة ٢:٣٠ بعد الظهر اثناء ذهابه لحضور اجتماع خاص بشركته!!!!!!
ربنا يحفظ الجميع و يعدى الوقت ده على خير
و الف سلامة على حضرتك و على الأسرة الكريمة

تحياتى

**ahmedelfeky** · 27-04-2014 06:06 PM

المشاركة الأصلية كتبت بواسطة abofandy

يالله
الف حمد الله ع سلامتك
احنا فعلا بقينا فى غابة مش فى بلد
حسبى الله ونعم الوكيل فى الظالم والمفترى

بالنسبة لترخيص الطبنجة فمش عملية سهله خالص
انا حاولت كتير وكنت مستعد اشرب الى يخلص الورق شاى بالياسمين وفى الاخر كل المحاولات بائت بالفشل
كنت مفكر انه ترخيص هيخلص طلع له ورق اثبتات ملكية معينة ولازم يبقى عندك عقارات بمقدار معين وفلوس فى البنك وحاجات كتير كدة .. ع العموم امشى فى الترخيص بردة ممكن حظك بقى احسن من حظى

والف حمد الله ع سلامتك وسلامه العائلة الكريمه

الله يسلمك يا دكتور وربنا يحفظنا جمعيا وينتقم من الناس المؤذيه دي

**ahmedelfeky** · 27-04-2014 06:07 PM

المشاركة الأصلية كتبت بواسطة msamirahmed87

الحمد لله على سلامتك بس فعلا المواقف اللي زي دي الواحد ما بيقدرش يمسك نفسه

هنعمل ايه بس

**ahmedelfeky** · 27-04-2014 06:09 PM

المشاركة الأصلية كتبت بواسطة mhkorayem

ربنا يسترها معاك والحمد لله أنك بخير
وربنا يرحمنا بقى من الاشكال دي

ربنا ياخدهم دول حيوانات لايمتوا للبني ادميين باي صله

**ahmedelfeky** · 27-04-2014 06:10 PM

المشاركة الأصلية كتبت بواسطة mohamed.hany

الف سلامة عليك و ربنا نجاك .

انا انصحك بلاش موضوع المسدس ده سواء صوت او مسدس حقيقي , عشان انت هتطلعه عشان تهوش لكن اللي قدامك مش هيفهم كدة ولو هو معاه مسدس هيطلعه و مش هيهوش .

ربنا يسترها عليك

عندك حق في دي يا بشمهندس محمد فعلا حتي لو معاه مطواه هيضرب بيها ضربه موت

**ahmedelfeky** · 27-04-2014 06:12 PM

المشاركة الأصلية كتبت بواسطة yasser100

اوعوا حد يرخص طبنجه او يشبل سلاح او يظهره فى المواقف اللى زى دى . هايدبح من غير تفاهم . اى حرامى او مسجل مش بيكون فى نيته قتلك . هو مش عايز مصيبه اكتر من انه يسرقك لو اظهرت اى سلاح هاتتقتل على طول حتى لو ما سرقكش و حصلت مع ناس اعرفهم و اتقتل و اتسرق برضه برغم انه كان معاه سلاح . و حمد الله على سلامتك

الله يسلمك يا ياسر بيه وربنا يسترها علينا جميعا

**ahmedelfeky** · 27-04-2014 06:17 PM

المشاركة الأصلية كتبت بواسطة Hany Saad

أحمد بيه...الحمد لله انك بخير و اهلك كلهم بخير و دى اهم حاجة....
انا عارف ان فى المواقف دى الواحد دمه بيفور و يكون عايز ياكل اللى قدامه و خصوصاً ان معاك ابنك و اسرتك فدافع الحماية بيكون مضاعف فى هذه الحالة و اعتقد البلطجية بيلعبوا كويس على النقطة دى......
للأسف البلد بقت رايحة فى ستين الف داهية و قانون الغاب و البقاء للأقوى هو العرف المطبق حالياً
لسه يوم ٢٢ ابريل مهندس كمبيوتر محترم ( م/ محمود النجار) تم تثبته و قتله على طريق السخنة ( طريق الجيش) الساعة ٢:٣٠ بعد الظهر اثناء ذهابه لحضور اجتماع خاص بشركته!!!!!!
ربنا يحفظ الجميع و يعدى الوقت ده على خير
و الف سلامة على حضرتك و على الأسرة الكريمة

تحياتى

والله يا بشمهندس هاني الواحد بيرجع من اي مشوار كارهه حياته الناس بقت وحشه اوي انا اي مره
بنزل فيها لازم اشوف مش اخطاء اخرين دي محاولات قتل من الاخرين خصوصا سواقين النص نقل والميكروباص

اللي قتل مهندس محمود ده مثواه جهنم ان شاء الله وفعلا القيامه قربت تقوم الناس مابقاش في اسوء منها
ربنا يهدي الجميع

الحمد لله انا كويس والعربيه كويسه مفيهاش اي حاجه غير خبطه بسيطه ف الباب الفلوانس
اصيله ياريس