محتارة فى الماروتى

**lidosasa** · 27-04-2014 02:52 PM

المشاركة الأصلية كتبت بواسطة م أحمد

شوفى فيات 128 موديلاتألفينات او اواخر تسعينات
بمقارنتها بالماروتى ينتج التالى......
صالون : اكبر
ثبات : اكبر
أمان : مش هتلاقى عربية ميكروباص تهز عربيتك بالهوا بتاعها زى ما بيحصل للماروتى
شنطة : مفيش مقارنة اساسا
صيانة : طوب الارض و زلطه شغال فى ال128

ال 128 تناسب اسرة - استخدمى معها بنزين 92 علشان ما تقرفكيش فى موضوع الكاربيراتير و تنظيفه (ما تبطلش منك) لو استخدمتى 80

الشىء الوحيد و الوحيد فقط أكرر و الوحيد فقط اللى يخلينى افضل ماروتى انه لو كان فيها تكييف

انا شوفت ماروتى ركنة غلط جنب نقابة المهندسين ، السايس عدلها بايده !!!

مع إحترامى الكامل للفيات ومالكيها لكن مفيش وجه مقارنة بينهم وخصوصاً فى نقطة الأعطال الماروتى تكسب

**م أحمد** · 27-04-2014 04:14 PM

المشاركة الأصلية كتبت بواسطة ameros

١٢٨ ثبات!!!!!!!!!!!!!!! شنطه!!!!!!!!!!!!!! وسع!!!!!!!!!!!!!!! زلطة!!!!!!!!!!!!!!!!!
يا باشا ارجوك فهمني حضرتك بتتكلم عن فيات ١٢٨ صح؟؟؟؟؟؟؟؟؟
انا فاكر مره رفعت العربيه دي من ورا من اكصداماتها وكانت مع حد من صحابي الحقيقه عربيه اصلا غلطة انتاجيه عظمي يا باشا دا شاسيهها بيفتح منضرب الهوا فيه
وملهاش ثبات اصلا وفراملها اي كلام
المارتي برقبتها طبعا

ممكن اسال حضرتك الشاسيه بيفتح منين ؟

انا رديت على الموضوع و بعدين قلت اشوف ردود تانية اتنشرت و لا ايه لقيت كم الردود لصالح الماروتى و اتارينى وقعت فى قسم سوزوكى و انا مش واخد بالى

كل النقاط اللى قلتها فى ال128 نقاط "مقارنة" بسيارة تانية و هى الماروتى و" ليست على الإطلاق "و لا اتزحزح عن رأيى فيها مع كامل تقديرى و احترامى لمالكيها ووجهة نظرهم فى مميزات السيارة ، و لصاحبة الاستشارة أخذ ما تراه من الأراء

انا معايا العربية دى لمدة 4 سنين استخدام جبلى و مسافة الشاسيه بين نقطتى المساعدين 99 سم لم تتغير

**shiko85** · 27-04-2014 04:25 PM

المشاركة الأصلية كتبت بواسطة سمسمه24

شكرا على رد حضرتك ولو صينى يبقا ايه

جيلى فروته و يفضل 2005 او 2006 مش 2004
لو حالتها كويسه جدا تعمل من 20 لــ 22
(كانت معايا موديل 2006 ماشيه 70 الف تقريبا و اتباعت 2012 بـ 19 و كانت حاله جيده بس كانت عايزه رش اكصدام امامى فقط )
تكييف - 4 زجاج كهرباء - مرايات كهرباء - سنترال لوك - جنوط - فوج لايت
‫

**سمسمه24** · 27-04-2014 05:01 PM

طيب وبالنسبة لقطع غيار الجيلى فروته هل متوفرة زى الماروتى ورخيصه ولا ايه نظامها

**shiko85** · 27-04-2014 05:16 PM

المشاركة الأصلية كتبت بواسطة سمسمه24

طيب وبالنسبة لقطع غيار الجيلى فروته هل متوفرة زى الماروتى ورخيصه ولا ايه نظامها

متوفره بس مش هقدر احكم على سعرها مقارنه بالماروتى علشان انا مش عارف اسعار قطع غيار الماروتى
على العموم انا كل اللى غيرته فالــ 6 سنين
2 مساعد امامى - ديسك و اسطوانه و بليه دبرياج (سوء استخدام) - قواعد ماتور - فلاتر و بوجيهات
و لو حضرتك مهتمه بالفكره ممكن تسألى فمنتدى السيارات الصينى لان اكيد الأسعار اختلفت من سنتين بس عايز اقول لحضرتك حاجه للأمانه اللى حاجه اللى بتتغير بتتنسى خالص بمعنى ان القطعه بتركب مره و مش كل شويه تتغير