بسم الله الرحمن الرحيم

لحد كده حلو

أول مانقول، ياهيونداوية وبالذات النيوأكسنتاوية، عايز أغير إطارات العربية بتاعتي، طبعا كله هايقول: "كويس، ماتغيره هو حد مانعك؟!"

لكن مين هايحس باللي أنا فيه غير اللي كان في نفس ""حيــــرتــــي"" يوم ماقرر يغير الإطارات.

أنا من نص شهر كده وبدور في المواقع وبالذات منتدانا الجميل عن: أنواع الإطارات وصناعتها ومعلوماتها ونقشاتها وصوتها وليونتها وفراملهااااااااااااا

طبعا لقيت كلام عكس عكاس وخلف خلاف وعلى كل لون ياباتيستا

السؤااااااااال الآن:

أنهي موديل في أنهي إطار تنصحوني بيه مع العلم إنه:

1- الطرق أغلبها مطبات ونقر ومكسر (أرياف).
2- الفرامل مع كومهو سوليس اللي في العربية زيت الزفت بمعنى الكلمة زحفت مره عملت حادثه بسببها، فعايز تحسين طبعا.
3- بحب الجري بس مش شقي أوي يعني (120-140-أقصى حاجة 160 عملتها مره واحده)، طبعا دا لما يكون فيه طريق ينفع لكده.
4- بحب الأصلي اللي مش غالي هههههه
5- المقاس الأصلي واللي مش هاغيره إن شاء الله هو
14/185/65 لنيو أكسنت 2010.

واللي عنده إفادة يقولها وهنيالك يافاعل الخير.