نصيحة في شراء اكسنت 2015

**mummy_47** · 28-04-2014 01:34 PM

حضرتك بتقول انك بتمشي في حفر ومطبات ومناطق ريفية...اعتقد سيارة سيدان وزيرو كمان مش هتبقى مفيدة وهتتعبك وهتغير عفشة على طول....انت محتاج سيارة 4x4 او كروس اوفر 4x2 .....
شوارع مصر كلها حرام فيها الزيرو ..عشان الواحد ميزعلش لو قابل بلاعة في الطريق بدون مناسبة...او قابل مطب عشوائي يدمر الشاسية ...او بقايا مخلفات بناء تقع على العربية وانت راكن ...او واحد بحمار او بتكتك او بترسيكل يحزملك العربية شكل سيريالي ويقولك معلش يا باشا مش قصدي.. العتب على الحمار.. او ممكن حجر عيل كان بيلعب بيه ..وغير كل ده وده..وانت على الدائري تقابلك زلطه من مقطورة تدمرلك الزجاج او ...او ..او ..حضرتك ليسه متعلم السواقه جديد ..راي شخصي..جرب مستعمل الاول لمدة سنتين فقط ..وحافظ على فلوسك او لو مصمم هات كسر زيرو هتوفرلك مش اقل من 20 الى 25 الف ج
وربنا يستر على الجميع

**sssss6001** · 01-06-2014 08:15 PM

انا حجزت عربيه دى واستلمت اشتريت عربيه من توكيل غبور يوم 14-5-2014 عربيه نيو اكسنت ار بى 2015 وليقت مشكله كبيره فيه ياريت حد يدلينى اعمل ايه واتصرف ازى مشكله التكيف العربيه مش كويس ضعيف جدا لحجم العربيه طبعا روحت التوكيل وافاد الفنى مسئول عن صيانه انى هو تكيف كده قولت له امال العربيه الفيرنا مش كده ولا النتر قال دى حاجه ودى حاجه اعمل ايه حزين جدا على سياره وخصوص انه كورى مش تقفلى مصر لو حد عنده مشكله دى ياريت نتوصل عشان نعرف نتصرف معا توكيل اللى خايف منه ان يطلع مكيف صينى ربنا يستر لانى كورى عمره معمل حاجه مش كويسه وده رقمى 01006056381

**sssss6001** · 10-06-2014 11:47 PM

عربيه مش كويسه تكيف فيه مش كويس موديل2015 ورحت توكيل مفيش فايده ابعد عنها

**mummy_47** · 11-06-2014 10:29 AM

المشاركة الأصلية كتبت بواسطة sssss6001

انا حجزت عربيه دى واستلمت اشتريت عربيه من توكيل غبور يوم 14-5-2014 عربيه نيو اكسنت ار بى 2015 وليقت مشكله كبيره فيه ياريت حد يدلينى اعمل ايه واتصرف ازى مشكله التكيف العربيه مش كويس ضعيف جدا لحجم العربيه طبعا روحت التوكيل وافاد الفنى مسئول عن صيانه انى هو تكيف كده قولت له امال العربيه الفيرنا مش كده ولا النتر قال دى حاجه ودى حاجه اعمل ايه حزين جدا على سياره وخصوص انه كورى مش تقفلى مصر لو حد عنده مشكله دى ياريت نتوصل عشان نعرف نتصرف معا توكيل اللى خايف منه ان يطلع مكيف صينى ربنا يستر لانى كورى عمره معمل حاجه مش كويسه وده رقمى 01006056381

عشان احنا مبتعلمش من اخطاء الاخرين اللي سبقونا واشتروا واتعاملوا مع التوكيل اللي مش بيحترم عملائة ونرجع نشتري نفس العربيات وبنفس المشاكل او ازيد كمان ....لازم نفهم ان خدمة ما بعد البيع اهم من البيع نفسه ...لكن ارجع اقول لحضرتك اللي حصل حصل وقدر الله وماشاء فعل ومتزعلش..
مفيش غير م. هاني مركز سبيد هو اللي هيقدر يوجهك صح (ت:01060900088 )

**ruaa** · 30-07-2015 02:48 AM

لوسمحت بعد الفتره دي ايه رايكو في العربيه علشان كنت بفكر اشتريها والكﻻم دا خوفني..وايه انسب حاجه في الفئه السعريه دي

**mif** · 01-09-2015 02:26 PM

اكسنت مازالت الافضل كسيارة عاءلية و مدينة و شغل و سفر
و مالهاش منافس (باقية المنافسين يا قطع غيار غالية جدا جدا جدا يا اما استهلاك بنزين مبالغ جدا )
بس مش للجري و الشد و الحرق و الغرز

**مامون القاضى** · 24-04-2016 05:31 PM

لو ان ردى متاخر جدا بس انا اشتريت عربية اكسنت 2016 لبنتى وبصراحة العربية معقولة جدا على قد سعرها بس العيوب فيها انها خفيفة للغاية وخاصة بعد 120 وغير امنة وللاسف لما اشتريت العربية وجدت انه لا يمكن التحكم فى وضعية عجلة القيادة لدرجة انى ذهلت ازاى عربية 2016 ولا يوجد فيها. ( الاوبشن ده موجود فى اواخر السبعينات.) بس الحق يقال كان فى عيب فى راديو العربية قام التوكيل بتغيره فورا وبدون اى مشاكل. الصيانة لحد الان رائعة. سحب العربية فوق الممتاز . صالون السيارة اوسع من المتوقع بالنسبة لحجمها الكلى.
معرفش سعرها كام دلوقتى بس انصح بالاكسنت