الموضوع: ..:: مناقشة واقتراحات حول سرقة اللوجو الخاص بسيارات تويوتا ::..

ابو مازن الغالى
احيييك على انك اخدت الخطوة الجميله وبدات فعلا فى تثبيت اللوجو بنفسك بس كانت عايزة منك كام صورة كدة علشان الفائدة تعم ع كل الناس بس مفيش ادنى مشكله خالص وان شاء الله متعوضه
بس فية شوية ملحوظات علشان اكمل الصورة لكل الناس

1 - طريقة فك اللوجو من العربية زى ما قال ابو مازن فعلا دى الطريقة الصحيحة من جوة لبره وليس العكس لان الحرامى لما بيفكها من بره لان طبعا مش هيعرف يفتح الكبوت بيكسر ريشة من ريش الكلبسات لان بيجبها غصبن عنها .. او يكون حرامى فنان شوية ويجيبها من اليمين الاول وبعد كدة الشمال وانت واقف امام السياره
لان الكلبسات بتاعه اللوجو كلها مستقيمه مفيش الا الريشة الشمال وانت واقف فى مواجهه اللوجو الامامى الى في كلبس مستقيم وكمان معاه زاوية قايمه متعامدة عليه علشان ميطردش اللوجود لبره وكانها دعامه الوجود ميروحش ويجى (( يعنى يبقى وان واى فقط )) (( one way only ))
فلو حضرتك هتفك من االخارج يبقى هتبقى من يمين اللوجو الاول وبعد كدة الشمال
ولو حضرتك هتفك من الداخل هيبقى سنه يمين وسنه شمال لحد ما يطلع بالسلامه ان شاء الله


2 - اهم نقطة ونفسى الناس تاخد بالها منها وانت بتلزق بلاش تلزق الكلبسات بلاش بلاش بلاش بلاش
طيب لية لية لية ؟؟؟؟؟

اولا الكلبسات دى بتدخل فى مجال ضيق وبيدخل فيه الكلبس بالضغط فا انا مش حابب اى مادة لازق عليه علشان مش ينطر اللوجو لبره جسم الشبكه
ثانيا الكلبسات دى لو لقدر الله اللوجو اتحاول سرقته ومقدرش الحرامى يسرقة واتكسر اللوجو لقدر الله فبالتالى انت هتضطر تشيل اللوجو من مكانه فهيتشال معاك الجسم بتاع اللوجو الى لازق فى الشبكه بمعناااااه ودى مش مشكله المهم يطلع انما لو حضرتك لازقت الكلبسات فاستحاله انك تقدر تشيلها من مكانها ولو نفع وشيلتها من مكانها عمره ما المكان الى بينام فية الكلبس يرجع زى الاول تانى والمكان دة طبعا فى الشبكه نفسها وهتضطر اسفا تغير الشبكه كاملا


ثالثا : دايما فى اى مجال للشغل خلى الشغل الى فية استخدام للايدى البشرية عكسى يعنى اية (( revesable manner )) يعنى بالمعنى البلدى يبقى فى طريقين يستحمل جميع الخيارات يعنى ::

انا بلزق اللوجو ليه ؟؟؟ علشان ميتسرقش
طيب لو حصل بعد اللزق وبقى فية محاولة سرقه ؟؟ حل من اتنين يا يزهق ويمشى او وهو بيطلع يكسر اللوجو نفسه
طيب لو اللوجو اتسرق ؟؟ اقدر اطلع جسم اللوجو بمفك (( علشان ملزوق وماسك جامد )) وبدال الكلبسات مش لازقها ازقها من جوة تتطرد بره وشكرا



الخلاصة من كل الكلام الى انا قولته دة اية
طلع اللوجو
اللوجو من الداخل مجوف فية مكان تحط لازق وش وظهر فية
اللوجو متجيش ناحية الكلبسات باى لازق مهما كان
اللوجو بعد ما حطيت لازق وش وظهر فى التجويف الى موجود فى اطار دائرة التويوتا زود فى المنتصف والاطراف اللزق المستخدم سواء ايبوكسى او 3m او uhu



اتمنى الافادة للجميع واى استفسار انا تحت امركم