اجيب مرسيدس 200 معدل w123 ولا استني شويه و اجيب زلموكه w124 هل الفرق كبير في الاداء

**meshoo_mk** · 12-05-2014 05:15 PM

هي من حيث الحسد فربنا يستر بقي

**maiasn2000** · 22-05-2014 01:16 AM

ياعزيزي ابعد عن ال 280 قطع غيار قليله وغاليه جدا والضريبه مش 1400 الضريبه 2800 والتجديد شامل بيصرف 3150 جنيه غير البنزين غول فيه
ال 200 الضريبه والتجديد بيعمل 550 في السنه والاستهلاك في البنزين معقول جدا وقطع الغيار زي الرز و رخيصه والعربيه تحفه انا ركبت المعدل من 77 لحد موديل 85 كله طعم واحد وبعدهتا الزلموكه 200 85 بس المهم تدور علي عربيه سليمه جدا وبيتي جدا اللي عندي تعبت قوي لحد مالقيتها هي 85 فابريقه بالكامل بره وجوه وكان فيها رفرف شمال امامي مخدوش في الداير بتاعه خربوش شكله وحش قوي اضريت ارشه لحد مالاقي رفرف شمال فابريقه وكانت مرفوعه 18 سنه واللي ركبها كان شغله جنب بيته ب حوالي ربع ساعه وعدادها عامل 115 الف كم بس دور علي حاله زي دي هاتعرف طعم الزلموكه بجد

**meshoo_mk** · 22-05-2014 02:11 PM

المشاركة الأصلية كتبت بواسطة maiasn2000

ياعزيزي ابعد عن ال 280 قطع غيار قليله وغاليه جدا والضريبه مش 1400 الضريبه 2800 والتجديد شامل بيصرف 3150 جنيه غير البنزين غول فيه
ال 200 الضريبه والتجديد بيعمل 550 في السنه والاستهلاك في البنزين معقول جدا وقطع الغيار زي الرز و رخيصه والعربيه تحفه انا ركبت المعدل من 77 لحد موديل 85 كله طعم واحد وبعدهتا الزلموكه 200 85 بس المهم تدور علي عربيه سليمه جدا وبيتي جدا اللي عندي تعبت قوي لحد مالقيتها هي 85 فابريقه بالكامل بره وجوه وكان فيها رفرف شمال امامي مخدوش في الداير بتاعه خربوش شكله وحش قوي اضريت ارشه لحد مالاقي رفرف شمال فابريقه وكانت مرفوعه 18 سنه واللي ركبها كان شغله جنب بيته ب حوالي ربع ساعه وعدادها عامل 115 الف كم بس دور علي حاله زي دي هاتعرف طعم الزلموكه بجد

طبعا اولا شكرا علي ردك و اهتمامك
ثانيا : هل حضرتك جربت ال 280 ؟ يعتي هل كلامك مبني علي تجربه ولا عن سمع ؟
اللي انا اعرفه ان التجديد بيكلف 1400 في السنه و ده ممكن تتأكد منه من اي حد معاه العربية ممكن تكون تقصد تجديد سنتين .
هل حضرتك مثلا تعرف حد معاه العربيه و مش بيلاقي قطع غيار لان بردوا لما سألت اكتر من واحد عرفت ان قطع غيارها موجوده و ارخص من الزلمكه كمان.
بالنسبه لاستهلاك البنزين انا عارف انا استهلاكها عالي لكن بردوا متنساش انها انجكشن مش كربيراتير هي استهلاكها الطبيعي حوالي 150 كيلو في الصفيحة لكن لو مش مظبوطه بيكون الاستهلاك اعلي و بيتم ظبطه عن طريق موزع البنزين او الرشاشات.
يعني مثلا ال 230 في الزلمكه تقريبا نفس الضريبه و نفس استهلاك البنزين (ده بالنسبه للكربيراتير) و سعرها اعلي من ال se280 و اداء اقل.
اما الزلمكه 200 الحاله الكويسه بيكون سعرها عالي قوي يعني مثلا زياده خمسين الف عن se280 و بردوا اداء اقل طيب ما هو الخمسين الف دول هيوفرولي فرق مصاريف التجديد لمده خمسين سنه ..... صح ؟

**cobraa** · 04-06-2014 11:13 AM

ايه الاخبار هل من جديد فى المعلومات اللى اتقالت ولا لا

**meshoo_mk** · 04-06-2014 08:20 PM

المشاركة الأصلية كتبت بواسطة cobraa

ايه الاخبار هل من جديد فى المعلومات اللى اتقالت ولا لا

يا باشا كتر خيرك انك متابع
انا خلاص عربنت علي 280 بس هاخدها الشهر الجاي و بعدها ان شاء الله هعمل موضوع تقرير كامل عن العربيه و انا الحمد لله اخدت القرار بعد تفكير كتييييييييير.

**cobraa** · 08-06-2014 11:29 PM

الف الف مبروك وربنا يديك خيرها باذن الله ويكفيك شرها وانا الحمد لله برضو ربنا رزقنى 200 معدل 84 و هعمل فيها شوية حاجات وهحاول انزل بتقرير برضو لانى ملاحظ ان رجالة المرسيدس مش بيحبوا يتكلموا كتير

**meshoo_mk** · 25-06-2014 12:47 PM

المشاركة الأصلية كتبت بواسطة cobraa

الف الف مبروك وربنا يديك خيرها باذن الله ويكفيك شرها وانا الحمد لله برضو ربنا رزقنى 200 معدل 84 و هعمل فيها شوية حاجات وهحاول انزل بتقرير برضو لانى ملاحظ ان رجالة المرسيدس مش بيحبوا يتكلموا كتير

الله يبارك فيك يا باشا و مبروك عليك انت كمان و يا رب تكون وش الخير عليك و في انتظار التقرير بتاعك بفارغ الصبر...
بس يا ريت تقولنا ملاحظاتك الاولية عن العربيه لغاية ما تعمل التقرير