الموضوع: رايكم فى الماروتى عشان عاوزاشتريها

السلام عليكم ياشباب ايه الأخبار يارب يكون كله تمام

الحقيقه انا كنت عاوزاجيب عربيه وانا معايا مقدم 17 18 الف كده ومعايا القسط لحد 400 فى الشهر ,, انا لسه طالب فى كليه هندسه ومحتاجها عشان الكليه والكورسات و الحوارات الفارغه دى ,, و لما سالت لقيت احسن حاجه هى الماروتى او انى اجيب مستعمل و ازود شويه اخليهم 20 الف مثلا ولا حاجه

خصوصا انى سالت فى المصريه وقالى بالمواصفات دى ماروتى هى انسب حاجه خصوصا وانى مشوار الكليه فى اليوم 25 كيلو رايح و زيهم جاى و شويه لف و مشاوير الكورسات وكده يعنى استخدام قليل فهى اترشحت من الناحيه دى + طبعا الظروف الأقتصاديه اللى شرحتهالكو فوق

و بينى وبينكم انا كاره فكره المستعمل عشان حوارات الميكانيكيه و الكهربائيه و الكلام ده انا مش هابقى فاضيله اصلا فالزيرو احسنلى و كده مفيش غير الماروتى

فانا كنت عاوز اعرف رايكم و هل هى كويسه فعلا و لا فيها مشاكل ,, انا قريت كل مواضيع الماروتى اللى هنا تقريبا وبجد وصلتلى عنها فكره كويسه جدا بس عاوز اراء الخبره فى مشاكلها ممكن تبقى ايه او كده و ياريت يكون ناس جربوها و يقولولى عليها

و متشكر جداااا و اسف للتطويل كده

و السلام عليكم و رحمه الله