الموضوع: رايكم فى الماروتى عشان عاوزاشتريها

من كلام واخبرة الاعضاء اللى معاهم العربية هى فعلا احسن اختيار ليك بس فى قوانين خاصة للعربية دى بالذات يعنى مثلا ما تفكرش تضرب امركانى بيها ده اولا ثانيا ما تشدش بيها وانت محمل عشان ده على حساب الموتور ثالثا ما تفكرش تركب تكييف عشان لو فكرت تركب تكييف هتقتل الموتور وهتحس انك ركب موتوسيكل ..
اكتر من كده مافيش هى طبعا عربية جميلة وصغيرة عشان الزحمة والركنة وكده طبعا هى لو انت هتركبها لوحدك هيبقى تمام عشان الحمولة بتأثر على العربية وطبعا قطع غيرها متوفرة جدا ورخيصة جدا جدا وصيانتها سهلة ...
توكل على الله واستخير ...
اخوك يوسف

متشكر جداااا ليك يا يوسف على ردك و انا فعلا صليت استخاره و هتوكل على الله و هيجبها بكره ان شاء الله و طبعا معاك جدا فى حوارات ان مفيش امركانى ولا التهبيل ده و فعلا اغلب الوقت هابقى سايقها لوحدى اومع واحد كمان ,,



شكرا ليك يا محمد ع الرد و فعلا هى انسب حاجه زى ما قلت , بس الألتو عيبها انها قطع غيارها غاليه حبتين ومش موجوده زى الماروتى فناس كتير قالت ان الماروتى احسن فى الوضع ده


وجزاكم الله خيرا

انا هجبلك من النهايه يا سيدى الماروتى عربيه جميله جدا سهله جدا وسريعه وسط البلد فى التنقل وبسم الله ماشاء الله بتستحمل جدا انا معايا ولسه جايبها من شهرين والله العربيه زى العسل جدا وبخصوص الاستاذ نبيل الالتو مش احسن ولو سالت هيقولولك كده برده ان نسبة مبيعات الماروتى اكبر من الالتو مع ان اختلاف السعر بسيط ولذلك فى الفتره الاخيره سعرها ارفتع ويرجع السبب الاصلى كالاتى ان الالتو محاورها ضيقة بالنسبة للماروتى وده اكبر سبب والماروتى اجمد منها شويه ده مش تحيز بس ده كان الجواب لما سالت اجيب انهى فيهم ....

الماروتي عربية أقتصادية وجميلة وسعرها ممتاز بس عايزة استخدام حنين شوية بس
انا رأي بلاش تقسيط عشان:
1- في شك انه يكون حرام
2- هتفضل 5 سنين تدفع في الأقساط (يعني لو عاوز تتجوز أو عايز تجيب اي حاجة مش هتعرف)
3- هتلاقي نفسك دفعت تمن العربية مرة ونص عليي الأقل
4- بعد الخمس سنين لما تيجي تبيع العربية هتلاقي الفلوس اللي معاك متجبش اي حاجة

انا رأي دور علي 127 حالة كويسة أو ماروتي فوق 95 أو 128 بس تزود ألفين كمان

والله المستعان