تظبيط 128 يتكلف كام؟؟؟؟؟؟؟

**abo sandy** · 29-04-2014 01:10 PM

السلام عليكم
عايز اعدل 128 وعايز اعرف من الخبراء الموضوع ممكن يتكلف فى حدود كام
.. الجنوط والكاوتش العريض
.. الاكصدامات الواطية والعتب والتنفيخ
.. الزجاج كله يبقى كهربا والزراير تبقى فى البيبان ووحدة تحكم فى باب السواق ووحدة رفع مع السنت
.. عايز اغير التابلوه بتابلوه عربية حديثة ويبقى نفس المقاس عشان ينفع يركب ليها هيبقى بقا تابلوه اى عربية وهيبقى فى حدود كام
.. عايز اغير الكراسى واجيبلها كراسى حديثة من الى بتضم على الى بيقهد عليها
.. وطقم صوت كويس
.. وعايز ارشها رشة نظافة حلوة
.. ز.عايز اغيرلها الفوانيس واعملهم زى بى ام دبليو واعمل شغل اضاءة كويس

ياريت بقا حد من الخبراء الى هندهم فكرة يقولى الحاجات او التعديلات دى كلها تتكلف فى حدود كام
ورجااااااااااااااء بلاش حد يقولى حرام المصاريف دى كلها وهاتلك واحدة حديثة احسن
انا بقا بقا بسال على التكلفة عشان اشوف التعديلات الى هعملها هتناسب ظروفى ولا لئة

وعايز اعرف فى حد بيعمل الكلام ده فى المنصورة ولا لئة والى عارف حد يا ريت يديلى عنوانه او تليفونه
وبشكر اى حد هيديلى معلومة تفدنى

**amr011111** · 29-04-2014 01:26 PM

أول حاجه المفروض تعملها انك تحل الموتور وتروح لسمكرى يلحمك اى شرخ ولو بسيط وتغير ركبتين بالمره لان دول أماكن بتبقى فيها البارومه والصدأ

وبرضه تشوف العلب الخلفيه وتفك فرش الأرضيه وتشوف الدواسات
لان الاماكن ديه معروفه انها بيكثر فيها الصدأ
بعد كده تخلى السمكرى يعملك رفارف جلد ( مش فاكر اسمها بالظبط ) بس هى بتتحط بين الرفرف والعجله بحيث ان الطينه متمسكش فى جسم العربيه والتكلفه للشغل اللى فوق حسب الموجود فى العربيه

بالنسبه لرش العربيه خارجياً هيتكلف فى حدود من 700 ل 1000 جنيه

شغل التنفيخ على حسب برضه الشغل اللى هيتعمل
بالنسبه للتابلوه التابلوه اللى بيركب عليها هوه تابلوه الاوبل كورسا

وبالنسبه للكراسى على حسب الميزانيه ومهم انك تجيب الكراسى للسمكرى الاول يمكن تحتاج تعديل فى القواعد