يحدث في كوكب دبي الشقيق (جدد رخصة سيارتك فى 50 ثانية !!)

يحدث في كوكب دبي الشقيق
جدد رخصة سيارتك فى 50 ثانية !!

بقلم : Ebaid Mohamed

http://nileup.com/up/uploads/nilemotors_13987682551.jpg

من كام شهر الشيخ محمد بن راشد حاكم دبي اجتمع مع كل مسؤولين الحكومة من المدراء المتوسطين للكبار ومنع اي أسئلة مترتبة وطلب من الناس تسأله وتقوله افكارها واقترحاتها لتطوير البلد...ايه بيعملوه يكملوه....ايه ما بيعملوهوش يبدأوا يعملوه...وايه حاجة بتتعمل يبطلوا يعملوها...زي think tank حكومي برعاية حاكم الامارة بدون خطوط حمراء

احد النقط الي خرجوا بيها من المؤتمر ان في خلال 3 سنين لازم كل خدمة في دبي تبقى ليها ذراع اليكتروني...ومش موقع عالانترنت بس والكلام بتاع 2001 ده..انما بمبدأ كله بـ applications

النهاردة روحت لثالث مرة اجدد رخصة العربية في دبي والمرتين الي فاتوا خلصت العملية في حوالي عشر دقائق وتقريبا الحكومة حست ان ده وقت للمواطنين يمكن توفيره. دخلت لقيت المكنة الي تحت دي. حطيت رقم العربية وتاريخ ميلادي طلعلي شاشة بتقولي ادفع فلوس كام حطيت الفلوس نزلتلي منها رخصة العربية الجديدة بتاريخ جديد كل ده في 50 ثانية ..بصيت يمين وشمال ..ايه يا جدعان ...اعمل ايه بعد كدة...ماهو اه تطور وكل حاجة بس مش نص دقيقة برضه..لقيت سيدة بتقولي أخي خلاص كدة الرخصة الجديدة...تحب مساعدة تاني؟ بصيتلها باستغراب وقلت لا شكرا ومشيت..

كمية الاغتصاب العصبي والنفسي والوقت المهدر والملايين الي بتترمي في الزبالة في مصر وبتقص من عمر الناس الي ياخدوا ملف من الطيران ويطلعوا بيه على الدراسة ويختموه من العاشر وينزلوا بيه السادس في العتبة ويعملوا فحص في رابعة ويستلموا الرخصة من مرور مدينة نصر فس منظومة اخطبوطية بشعة هدفها توظيف عشر عاطلين ممكن يقوم بوظيفتهم شخص واحد على حساب صحة ومجهود واعصاب ملايين هي فكرة سادية بكل المقاييس..

واذا كان الهدف من العشرين موظف الموزعين باختامهم على اطراف القاهرة هو توفير فرص عمل...طيب قولوا مرتباتهم كام وهاتوا المكنة دي وخلوا الناس تخلص حاجتها في دقيقة بنفس سعر مصاريف وقعدة ورشاوي ومواصلات العشرين مشوار و قللوا الزحمة والاكتئاب والإحباط

:argue1:

فى مصر أم الدنيا ... اللى بقت قد الدنيا
حضارة 7000 سنة

:help1:

[img3]http://img845.imageshack.us/img845/525/c2za.jpg[/img3]

[img3]http://img842.imageshack.us/img842/9011/hpuc.jpg[/img3]

تجربتى الزفت الأخيرة مع المرور

http://www.nilemotors.net/Nile/371786-a.html

يا نهار اسود
دا احنا مش عايشيين
دا في واحد صاحبي قعد يرخص في عربيته 3 ايام
يوم فحص ورفع بصمه طبعا بعد ما خلص كانت الخزنه قفلت
ويوم وقف في طابور الخزنه دفع
واستلم الرخصه في اليوم الثالت
تقوم تقولي 50 ثانيه
كل الي اقدر اقوله
انا عايز اطلب لجوء سياسي واقتصادي ومعيشي لكوكب دبي

بس هو السؤال هو دبي دي في نفس المجره عندنا
يعني الناس الي عايشين وبيمشو الدوله والمسؤولين هناك بشر زينا برضو
ولا كائنات فضائيه

طبعا بنسبه للمسؤولين عندنا اكيد دول كائنات فضائيه

ربنا معانا علي بنشوفه

أحب اضيف

ان الموضوع ده مش وليد يوم وليلة ولكن تخطيط منذ عدة سنوات

الموضوع بدأ ببطاقة الهوية الإمارتية بالشريحة الذكية

وبعد كده بالبطاقة تقدر تستخدمها علشان تسحب من الصراف الالى ، تجدد رخصة العربية ، تسافر بيها كجواز سفر .... الخ من الاستخدامات

طبعا قواعد بيانات جبارة ونظام ربط بين التراخيص والهوية والبنوك .... الخ

طبعا الامارات مطبق فيها النظام ده مش دبي بس

طب مصر

مصر مفيهاش قاعدة بيانات واحدة سليمة

يعنى تقدر تحددد عدد اللى شاغلين فى الحكومة

لا

تعرف كل واحد بيقبض كام

لا

طب علشان نعمل الموضوع ده

مش اختراع ، العالم كله عملها مش نجيب حاجة جديدة

الفكرة انك يكون عندك رؤية وإرادة على التغيير

فى غياب الرؤية ، وانك تشوف كنس الشارع ولم الزبالة ودهان الرصيف قمة التقدم والنظام

يبقى فيه مشكلة حقيقية فى مصر

مصر كل حاجة فيها عفا عليها الزمن ، ماشيين بقوانيين وانظمة عمل من قديم الازل

لم تحدث ولا تواكب الزيادة السكنية ولا العصر اللى احنا عايشين فيه

المركزية الشديدة

افتح اى موقع توظيف ، 90% من الوظائف فى القاهرة

لازم رؤية وإرادة على التغيير وللأسف غير متوفر ولا هيتوفر

لان كل نظام هيجى ، اهم حاجة الرغيف المدعم بشلن ومصر بتاخد كاس الامم الافريقية

يبقى احنا كده مطمنين على مصر

مكرر ياباشا

http://www.nilemotors.net/Nile/418505-a.html

حسبى الله ونعم الوكيل :d