الموضوع: استشاره وسؤال .عايز رايكم فى الجراند بونتو

المشاركة الأصلية كتبت بواسطة HaNo_ELBeh

اذيكم يا اجمد اعضاء فى اغلى منتدى
انا كنت بسال على الفيات جراند بونتو 2014
ممكن اعرف ايه هى مميزات وعيوب العربيه
من حيث
قوه الموتور مع التكيف ومن غيره
وسائل الامان
صوت الموتور
اماكن التخزين داخل العربيه
هل العربيه ليها سوق فى مصر
هل العربيه امان على الطريق
كنت بقارن بينها وبين الدايهاتسو سيريون
ارجو الرد السريع للاهميه
تحياتى

أولا متضايقش ياباشا ان محدش رد عليك
المنتدى اصله بعافيه شويه
موتور العربيه حلو جدا والتكييف مبيأثرش عليه تاثير كبير
العربيه 1400 اه بس سافله
بالنسبه للأمان احب اقولك انك بتتكلم عن عربيه محترمه جدااااا اوروبى
يعنى الأمان ده اساس مش اوبشن زى الكورى
الموتور ناعم (كل العربيات الجديده ناعمه حضرتك مش راكب نص نقل) بس تقفيل العربيه حكااااايه ومحترم جدااا
مش فاهم موضوع اماكن التخزين ده
العربيه ليها سوق بس زيها زى اغلب العربيات الأوروبى اللى توكيلاتها مبوظه سمعتها ومظلومه بسببها
العربيه مش منتشره اوى زى الألنترا والكورى بشكل عام
وده بالنسبالى انا ميزه
واى مسمار هتحتاجه ليها هتلاقيه عند الكيلانى
العربيه امان جدا زى ما قولتلك قبل كده انت راكب اوروبى (ايطالى)
مفيش وجه مقارنه مابينهم( مع احترامى للسيريون)