أنا شايف إن دي ميزة مش عيب ممكن تكون سيفتي أكتر لأن عمليا مستحيل تفتح الباب بالغلط وانت ماشي لكن لا قدر الله لو حصل حادثة أو حريق مثلا وحبيت تخرج من العربية بسرعة مش هتبقى مركز انك تفتح السنتر الأول وبعدين تفتح الباب هيبقى كل همك انك تفتح الباب مرة واحدة وتخرج يبقى كده سيفتي أكتر وأكثر سهولة من انك لازم تفتح السنتر الأول من الزرار اللي في نص التابلوه وبعدين تفتح الباب
زائد زي ما الرجالة قالوا البابين اللي ورا فيهم لوك أمان للأطفال في جنب الباب لما بيكون مفتوح وده يقدر يخليك تتحكم ان محدش من الاطفال اللي قاعدين ورا يقدر يفتح الباب من غير ما تفتح السنتر
أما موضوع زراير الازاز اللي في نص التابلوه والكلاكس اللي في الدراع صدقني هتتعود عليهم ومش ببالغ لو قلتلك انك ممكن تحب مكانهم أكتر من الأماكن بتاعة العربيات التانية :)