تسعيير السيارات المستعملة الجزء السادس

**Dr_A_Mahmoud** · 15-09-2014 12:02 AM

فيرنا كاملة مانيوال 2009 .. 1600cc .. رشه حزام نظافة ... فابريكة من جوة وسقف وشنطة وكبوت فابريكة ... بها خدوش خارجيه محتاجة حزام نظافه تانى .. رخصة ساريه باسمى مالك اول للسيارة حتى 7/2015 .. عداد 79000كم .. الموتور بحاله جيدة جدا بس كان عامل جوان وش سلندر من سنتين بس من ساعتها ماشيه كويس بدون مشاكل..تكييف ممتاز

**mah907** · 15-09-2014 12:29 AM

شريف بيك

سكودا 2010 لون اسود
فبريكة بالكامل
الفئة اللي الكاست فيها عادي مش تاتش
وفيها جنوط وفتحة سقف
عداد 66000 كم
رخصة سنة
الحالة العامة ممتازة من الداخل والخارج

العيب الوحيد هو فيها حوالي 4 نقرات مكان ظلط وقع عليها تقريبا

فيها 4 نقرات صغيرة في اماكن متفرقة فقط عادية جدا وصغيرة

العربية تساوي كام ياشريف بيك

**Higoodnice** · 15-09-2014 01:11 PM

تسعير اوبل أستر ٢٠٠٧ا ماشيه ٧٥ الف رشه جنبين نظافه
هاي لين من غير فتح سقف
وشكرا

**mohanad hani** · 16-09-2014 04:39 AM

هيونداي إكسيل ١٩٩٦ كاملة مانيول ماشية ١٩٦٠٠٠
تكيف جديد ،باور، ٤ زجاج كهرباء، سنتر و إنذار
فرش جلد و حالة الصالون ممتازة.
فبريكة دواخل لكن رشة جزء بسيط من الشنطة ٢٠x٢٠ cm بسبب حادث
رشة من برا و مفيهاش خربوش.
زجاج أمامي جديد و كاوتش حاله كويسة جداً
العربية مع أول مالك من الزيرو
مش محتاجة أي مصاريف.

**heart_sugar** · 16-09-2014 09:47 AM

السلام عليكم
عايز ابيع
اكسنت rb 2012 أول فئة العربية فابريكا بحاله الجديدة (كسر زيرو)
العربية ماشية 33 الف كيلو
الصيانات بالتوكيل كل 5 الف
تم تغير المساعدين بمساعدين هارد وتركيب فوانيس شبورة بالتوكيل أيضا
الكراسي جلد
اطلب فيها كام
شكرا لحضرتك مقدما

**lolo_roaa** · 16-09-2014 12:36 PM

شكرا استاذ شريف مكن تساعدينى فى تسعير عربيتى
ماركة السيارة كيا بيكانتو
طراز السيارة اتوماتيك
موديل السيارة 2010
سعة المحرك ال سي سي 1100
حالة الدهان الداخلي والاساسيات والدواخل فابريقة الكابوت والشنطة والابواب اصلية
حالة الدهان الخارجي فابريقة بالكامل بها تجاريح او خرابيش و هذه الخرابيش تستدعي الدهان انا كنت عملت حادثه والاكصدام الخلفى اتكسر ولحمته والشنطه كان فيهامشكله واترديت
عداد الكيلومتر 90000

حالة الموتور والميكانيكا ممتازه مفيهاش جاجه وكل الصيانات فى لاتوكيل
حالة الكهرباء ممتازه
حالة الصالون ممتازه
حالة الكاوتش و الزجاج جديد
الحالة العامة للسيارة وهل محتاجة مصاريف ام لا محتاجه رش من الخارج

**fedozzz** · 18-09-2014 01:04 AM

فيرنا اوتوماتيك 2014 عداد 25000 كم فبريقة جوة و برة لو 2013 و العداد 40000كم؟؟

**MostafaofEgypt** · 18-09-2014 10:00 AM

السيد الأستاذ شريف

برجاء تسعير سيارتى وذلك لعرضها للبيع وبياناتها كالاتى:

ماركة السيارة
ميتسوبيشى لانسر

موديل السيارة
1998

سعة المحرك ال سي سي
1300 مانيوال

حالة الدهان
السيارة فبريكة دواخل بالكامل و رشة حزام نضافة و بها تجريح فى جزء بسيط فى الكبوت فوق العلامة

عداد الكيلومتر
179,500

كماليات السيارة
كاملة زجاج كهرباء سنتر وإنذار وولف مفتاحين

حالة الموتور والميكانيكا
الميكانيكا يتم متابعتها بصفة دورية (تم تغيير سير كاتينة عند 178,000 مع السيور و الفلاتر و تيل الفرامل و زيت الموتور)

حالة الكهرباء
بدون أى مشاكل وتم تركيب سيستم تكييف كامل و ضمانه حتى إبريل 2015

حالة الصالون
صالون الفابريكة لم يتم لمسة وفوقة فرش جلد والنظافة بصفة دورية

حالة الكاوتش و الزجاج
الزجاج بة شرخ صغير تم معالجتة عند دكتور خالد و معة ضمان مدى الحياة و محتاجة طقم كاوتش جديد

الحالة العامة للسيارة وهل محتاجة مصاريف ام لا
حالة عامة جيدة جدا غير عادية (سيارة عائلية) يوجد قاعدة فتيس جديدة تم شراؤها للتغيير و فقط تحتاج طقم كاوتش - رخصة حتى أغسطس 2015 - تانى مالك من الفابريكة

وشكرا

**ads** · 20-09-2014 12:44 AM

ماركة السيارة متسوبيشى
طراز السيارة لانسر
موديل السيارة 2006
سعة المحرك ال سي سي 1300

حالة الموتور والميكانيكا

الماتور معمر قبل كده وفيه سبيكه دلوقتى وعايز مكنه استيراد

الفتيس اوتوماتيك وتم اصلاحه قبل كده ولسه فيه مشاكل وعايز يتغير بواحد استيراد

علبة الدريكسيون بايظه وتم عمل اصلاح ليها عند الاطرش فى معروف ولسه بايظه وعايزه تتغير بواحده استيراد

العفشه فيها بعض المشاكل وعايز تتظبط فيها مساعدين بايظين وجلب مقصات
حالة الكهرباء جيده
حالة الصالون جيد

العربية رشه كلها معادا السقف والدواخل سليمه معادا الشنطه فيها خبطه من جوه ومردوده على البارد وجوده الدهان سيئه
حالة الكاوتش محتاج يتغير

اسعار الاجزاء الاستيراد :
الماتور شورت بلوك 5000 جنيه
الفتيس الاوتوماتيك 3000 جنيه
علبة الدريكسيون 2500 جنيه

ده غير المصنعيات والزيوت ومصروفات التركيب و العطله

ارجو من حضرتك تسعير العربيه

ولكم جزيل الشكر

**elansary141** · 20-09-2014 01:19 AM

اوبل فيكترا موديل 1999 الموتور الاسود 1600 سى سى مانيوال - ثانى مالك لانها كانت مرفوعة 5 سنين فابريقة بره وجوة ماعدا بعض الاجزاء مرشوشة نظافة عشان الفحص .. قواعد موتور وفتيس وسيور وفلاتر وبوجيهات من شهرين .. جنوط اسبور - زينون - 2 زجاج كهرباء - طقم كاوتش جديد - بطارية جديدة