بصراحة أحلى حاجة فى رينو ان قسم رينو فى رأيي هو القسم الأنشط فى المنتدى وبهذه المناسبة وبما أنى فى حيرة وتردد واختيار قرار الشراء كنت عايز تقييم فعلى ومحايد عن التكييف فى الفلوانس خصوصا ان الجو بقاله أسبوعين حر واعتقد دى فرصة كويسة للحكم على التكييف
عرض للطباعة
بصراحة أحلى حاجة فى رينو ان قسم رينو فى رأيي هو القسم الأنشط فى المنتدى وبهذه المناسبة وبما أنى فى حيرة وتردد واختيار قرار الشراء كنت عايز تقييم فعلى ومحايد عن التكييف فى الفلوانس خصوصا ان الجو بقاله أسبوعين حر واعتقد دى فرصة كويسة للحكم على التكييف
تكمل فلوانس فيس لفت نهاية مايو عام كامل باذن الله وانا فى قناعة ورضا بمستوى واداء التكييف ولا يؤثر على سحب السيارة وذلك بمنتهى الحيادية علما بان سيارتى السابقة كانت نيسان :praying:
على فكرة : كدا يبقى تانى صيف تم تجربة التكييف خلاله للحكم بموضوعيه على ادائه :tumb:
لغاية دلوقتى ما اعرفش لسه ما كملتش بها ال 1000 كم بس موضوع التكييف ده بيكون نسبى من شخص للتانى , يعنى كتير انا و مراتى لما بنكون فعربيه و مشغلين التكييف هيه بتكون حرانه و انا مبسوط فى نفس درجة الحراره , انا بالنسبه لى يكون التكييف اوكيه لو مش عرقان و ملطف الجو و فيه ناس لازم تحس به انه بيجمد , من الاخر هيه عمليه نسبيه و تكييف الفلوينس نيسان مع الموتور و الفتيس , الاهم انه ما يأثرش على سحب الموتور , يعنى الالمانى فى التكييف مش قوى و العربيه بتتقل جامد مع التكييف و صوت الموتور و المروحه بيكون فظيع
بصوايارجاله
انا صاحبي معاه كرولا 2010 ومعايا في شرم
لما بنكون انا وهو في الشمس مفيش فرق بين العربيتين
انهارده الظهر درجه الحرارة هتكون 38 او 40 هجرب تاني واقولكو
أنا نازل من ميجان ii...أقدر أقولك أن تكييف الميجان ii مروحة بالنسبة لتكييف الفلوانس فيس ليفت سواء من ناحية التبريد نفسه أو من ناحية سرعة التبريد....مع العلم أن عربيتى لون أسود و التجربة مبنية على سواقة فى القاهرة....
فعلاً تكييف فوق الممتاز....الأيام دى مضبطة على 22 درجة فقط علماً بأن الحرارة الخارجية 35
تحياتى
ان قلت ان انا فعلا قارنت ومفيش فرق يذكر بين العربيتين
بس هو سرعة مروحة التيوتا في القصوى اعلى من سرعة الفلوانس غير كده انا عندي احساس ان الكمبروسر واحد
انا قولت ان هجرب العربيه في حر شرم الشيخ وفعلا درجة الحراره المسجله في التابلوه 35
وكنت مشغل المروحه على تاني سرعه
وبكرة التسقيع على اخرها
وكنت مستريح مفيش اي مشاكل
ولو عليت المروحة على اعلى حاجه بحس بسقعه عند صوابعي وخدي وممكن اصدع وده مشكلة شخصيع عندي من الهواء الساقع المباشر
بس التعليق الأهم هو اني لما بشغل التكيف على اي سرعه مش بلاحظ اي تغيير في ال rpm او سحب العربية بيتغير او اي حاجه نهائي
ولا اكني عملت حاجه
بس لو نزلت من العربيه والتكييف شغال بحس بصوت الكباس عالي اوي
بس من جوه مالوش صوت
اتمنى اكون وصلتلكو اللي عندي