تقسيط السيارة بفائدة 3.2 %

السلام عليكم ورحمة الله وبركاته ..

أنا شوفت إعلان عن معرض سيارات إسمه الحاوى بيقدم عرض تقسيط السيارة بفاسدة 3.2 % ودورت وشوية لاقيت فى شركة اسمها الشركة المصرية وعرفت إنها أكبر موزع للسيارات فى مصر برضه بيقولوا إنهم بيقدموا تقسيط بفايدة 3.2 % أنا بصراحة ما تصلتش على نمرهم وقولت أسألكم يمكن يكون حد عارف الموضوع أحسن يطلعوا نصابين ولا حاجة ..

بالمرة بقى فى شركة شوفتها برضه بتقدم عرض 4.5 % بشرط تدفع مقدك 50 %

الله يخليكم إللى يعرف معلومة ما يبخلش علينا وأرجو المشاركة فى الموضوع لأهميته .. لان لو كلامهم طلع صح يبقى إتفتحلنا باب حلو يشيل هموم الواحد إللى عاوز يشترى ومتردد ..

جزاكم الله كل خير أرجو مشاركتكم ..

الكلام دة دعاية مش اكتر . . وانا روحت المصرية اللى فى المروة - الميرغنى وبصراحة اسعارهم غالية ومفيش اى حاجة من اللى بيقولوها فى الاعلانات دى

وأنا كان ليا تجربة بردو مع معرض وقرأت الاعلانه ف
أخبار السيارات ف الآهرام وبصراحة طلع مجرد دعاية .

كان صاحبى بيشترى عربية وسألت على النظام ده للمعرفة وهو انك بتدفع 50% من ثمن العربية مقدم وتستلمه تانى بعد 5-7 سنين وفى نفس الوقت تقسط ثمن العربية بالكامل (ايوه بالكامل)بالفايدة المذكورة

اصلا كل المعارض بتتعامل مع البنوك ومفيش بنك بيدى فايده ثابته اقل من 7 % لـ 9% ( تراكميه 12% وبتوصل لـ 14% )
فلما تلاقى عرض كده فيبقى دعايه ليس الا والا كانت كل المعارض عملته لانهم بيتعاملوا مع نفس البنوك

وأنصحك أنك تشترى من معرض يملك السياره ويبيعها لك

نصيحة أبعد عن المصرية ... أنا اشتريت عربية زيرو منهم ولاقتها رشة رفرف خلفي

اقتباس:

---

المشاركة الأصلية كتبت بواسطة m.al-hefnawy

نصيحة أبعد عن المصرية ... أنا اشتريت عربية زيرو منهم ولاقتها رشة رفرف خلفي

---

طيب الواحد يعمل ايه تانى

من فتره كنت قريت خبر زى دا بفايده 3.2 % وحبه كلام ومميزات كتير كدا تحسسك انك هتاخد العربيه ببلاش

فقلت اتصل ـ ولما اتصلت لقيت الاخ بيحسبلى بفايده 7% تقريباًَ ـ فقلتله على العرض المنشور ، قالى دا له نظام تانى ـ قولتله ايه نظامه ـ قالى حضرتك لازم تعمل وديعه بقيمه العربيه كامله فى البنك لحساب الشركه وبعدين تقسط العربيه معانا بفايده 3.2 % ولما تخلص قسط العربيه ترجعلك الوديعه تانى كامله ، فاستغربت جداً لانى لو معايا تمن العربيه كامل عمرى ما هفكر ف التقسيط بالفوايد التراكميه ـ يمكن انا فهمته غلط بس بصراحه المصريه دى دايما تنزل عروض وفى الاخر تطلع دعايا اعلانيه فقط

شكرا لكل الناس اللى شاركت برأيها .. انا برضه كنت شاكك وحاسس ان فيها ان ..

نصب في نصب ياباشا اقل فائده 7

كل ده كلام فاضى البنك المركزى هو اللى بيحدد نسبة الفايدة

إللى فهمته يا جماعة .. إن الموضوع مش موضوع نصب .. لكن الفايدة دى يشترطوا فيها إن يكون عندك وديعة فى البنك بقيمة السيارة .. هتقوللى مانا لو معايا تمن العربية هشتريها .. لأ .. فى ناس بتبقى مش عاوزة تكسر الوديعة وفى نفس الوقت تبقى عاوزة تقسط بضمان الوديعة .. عشان فوائد الوديعة ما تروحش عليهم ..

الكلام ده هيطلع غلط
وبلاش منهم فرأي

لازم نعرف ان كل البنوك بتخضع للبنك المركزى وبالتالى مينفعش حد يدى فايدة اقل مع نفسه كدة . واقل فايدة حوالى 8% وبشرط تحويل مرتب على البنك