الفطار في الشغـل مفيد ولا مضـــر بالعمـــــــــل !!

**Y a r i s** · 30-04-2014 02:37 PM

الفطار في الشـغل مفيد ... ولا مضر بالعمل !

كتيرررررر بروح لأي مصلحة حكومية ... وأقول الحمدالله مفيش زحمة النهرده يعني هخلص بدري بدري وأروح أعمل حاجة تانية ... أتافجئ أن الموظفين مش موجودين ... وأقول يانهر أزرق ده انا جي بدري مخصووص علشان أخلص بدري ... قوم ألاقي الموظفين مش موجودين حسبي الله عليكي بلد ... وأسئل أي حد من المواطنين الصالحين الي واقفين أقولهم أومال فين الموظفين ... وألاقي الجواب ... جوة في الأوضة دي خمسة كده بيفطروا وهيطلعوا على طول ...وألاقيهم فارشين أوراق المواطنين وقاعدين جوا على المكتب عمالين يلغوا طبعاً أنتا تبقى واقف بره بالنص ساعه وبالساعه على رجلك مستنيهم لما يخلصوا وعمال تتحسبن عليهم يقوموا هما يشفوك بتبصلهم كده بأستنكار فتلاقي الموظف يقولك أتفضل ( يعني أتفضل معانا كول ) وحتى ميتسناش أنك تشكروا لا يقوم رازع الباب بتاع الؤوضة في وشك ووش المواطنين على طول علشان فاكر أن الناس واقفه بصالوا في اللقمة الي بياكلها ميعرفوش أن الناس زهقت من كتر الوقفة .

@@@@@@@

الصورة دي من تصويري ... فطار رايح لموظفين في الشغل الصبح
في مدينة 6 أكتوبر

الغريب ... أن حتى موظفين القطاع الخاص بقو يعملوا كده ... أنتا ممكن تخش توكيل مشهور وتلاقي الموظفين قاعدين بيفطروا وأول ما يخش عميل عليهم يبتدوا يتعازموا وتبص تلاقي كل موظف يقول لزميلو (( روح يا أحمد شوف الزبون عاوز أيييييييييييييه !! )) - يعني الزبون هيكون عاوز أيه - عاوز سلامتك يا خويااا !!

المهم : هــــــــل الفطــــار الصبح في العمل مفيد كونه أنوا بيقوي روابط الاخوة والصداقة في العمل ويسود روح المحبة بين الموظفـــــــــــــــــــ ـين في الشغل .

ولا : الفطـار في الشغل يـــــــــضـر من وقت العمـــــل وينقص من مصلحة العمـــــــــــــل .

@@@@@@@@@
وتحيــــــــاتـي

**hani945** · 30-04-2014 03:22 PM

أنا اختيارى كان نعم
لأن يا أستاذ ياريس زى ما انت عارف إن الموظفين ساعات بيشتغلوا شغل كتير قوى يعنى إنت عاوز إنه يسيب اللى فى إيده ويخلصلك شغلك

**الاستاذ** · 30-04-2014 03:30 PM

هو الطبيعى انى الانسان ينزل فاطر من بيتة يعنى
وبعدان ياكل فى ساعة الراحة الى بتبقى فى الشغل
ولما يرجع البيت يتعشى
دة المفروض يعنى

**cameeron** · 30-04-2014 03:37 PM

الفطار ده وجبة اساسية ومهمة جدا لكل واحد علشان يقدر يكمل نشاطه
بسسسسسسسسسسس تطبيقنا ليه اذا كان فى القطاع العام او الخاص حتى تطبيق وصل لانها بقت عزومة زى عزايم رمضان كل يوم الصبح و ممكن توصل لساعتين من وقت الشغل بيتطل فيهم

**Y a r i s** · 30-04-2014 03:50 PM

وبعدين خلي بالكم من نقطة. ... مواعيد عمل الحكومة اغلبها من الساعه ٨:٣٠ او ٩ صباحاً لغايت. ٢ الظهر. ... يعني بيشتغلوا. من ست لخمس ساعات. ده غير الخزنة الي كده كده بتقفل على الظهر واليوم شكراً على كده فهل يعقل كمان جايين يفطروا في الشغل. كده اليوم اتبقى ايه. منوا ده اذا افترضنا ان الموظف مش هيقوم من على مكتبوا يصلي الظهر كمان :)

**amr011111** · 30-04-2014 04:05 PM

بصرف النظر عن موضوع الفطار
ياريت انهم بعد ما بيفطروا بينجزوا ( إلا من رحم ربى )
روحت مره الشهر العقارى
الاقى موظفين كبار شغالين على الكمبيوتر وطبعاً متعلمين الكمبيوتر على كبر فتلاقى الحاجه اللى المفروض تتعمل فى دقيقتين تتعمل فى وقت اكتر وكل شويه تلاقيه وقف الشغل ليه الجهاز هنج ومستنى الأى تى ( وهوه غالباً بيبقى حد كان شغال فى سايبر وطبعاً بالنسبه لهم الخبير النمساوى )

النقطه التانيه
ان المفروض المصالح الحكوميه تشتغل أساساً فتره مسائيه لان مواعيد شغلهم من 9 لـ 2
ده مبينفعش معاه غير يوم اجازه وخاصة ان الموضوع ممكن ياخد اكتر من يوم

وبرضه المفروض متبقاش اجازتهم الاسبوعيه يوم سبت زى باقى الموظفين فى البلد علشان اللى عنده مصلحه يقدر يقضيها يوم السبت

**Elawany13** · 30-04-2014 04:35 PM

حاجه وسخه والله
أنا قبل الثورة غالبا كنت بتخانق مع الموظفين وبعلى صوتى لما بلاقى المنظر ده
تلاقى الموظف البارد التلم سايبك واقف قدامه وعمال يلغ فى الأكل ومفيش اى احساس
ومفكر انه من حقه ان يفطر وطز فى مصالح الناس اللى واقفه

آخر مرة كنت فى بنك وواحدة ست موظفة كبيرة قاعده على الكمبيوتر وحاطة سندويتشات الفول والطعمية قدامها وماسكة ساندوتش منهم وعمال يخر على صوابعها وهدومها وعماله تلحس فيهم وصوابعها متعاصة ومتنيله بنيلة وشغاله على الكيبورد اللى حالها يصعب على الكافر
كان منظر مقزز ومقرف
زراير الكيبور كلها عليها طبقات من القرف المتراكم خلال سنوات
تتكلم تقولك معلش 5 دقائق هفطر بس !!!!
بالهنا والشفا ومطرح ما يسرى يمرى ههههههههههههه

وياريت على الفطار وبس
ده بعد الفطار بيجهزوا الحصيره والفرشة علشان الصلاة
بعد كده صلاة السنة والفرض والتراويح كمان هههههههههه
بعد كده جرس المرواح بيضرب