طالما ان هناك اناس غيتها هي خدش السيارات بمسمار او مفك و ان هذه الظاهرة منتشرة في طول مصر و عرضها
فما هي انسب وسيلة لحماية سيارتك من التجريح و الخدش ؟
ارجو من السادة الاعضاء التفضل باقتراحاتهم و ارائهم :thinking:
و لكم جزيل الشكر
عرض للطباعة
طالما ان هناك اناس غيتها هي خدش السيارات بمسمار او مفك و ان هذه الظاهرة منتشرة في طول مصر و عرضها
فما هي انسب وسيلة لحماية سيارتك من التجريح و الخدش ؟
ارجو من السادة الاعضاء التفضل باقتراحاتهم و ارائهم :thinking:
و لكم جزيل الشكر
لازم تغطى العربية بغطاء كويس يغطيها كلها بدون على قدر الأمكان ما يبان نوع العربية !
او انك دائما تدور على جراج تركنها فية
و بصراحة انا بعمل بالأقتراح الأول لأن التانى فى مصر مينفعش تنفيذة
مينفعش الحل الوحيد انك تطلع بيها البيت عندك وتنزل بيها الصبح
بص انا حاطط عربيتي في جراج والله لقيتها في مرة متجرحة في الاكصدام اكلم الراجل يحلفلي 100يمين ان محدش قرب منها
من الاخر التجريح ده اسمه ختم جودة الشوراع المصرية يعني لازم تتجرح
الناس فى مصر عنيها وحشة جدااااااااا و عندنا عادة مش موجودة الا فى المحروسة ان لازم اى حد معدى بعربية لازم اى حد يبص على العربية و على اللى راكب و يفنطوه و بعدين يقرو شوية عالعربية بعدين يدورو على واحد تانى
لو الكلام هزار و فرفشه من باب قله الحيله يبقي تاخدها معاك البيت و تنيمها في حضنك
اما علي الواقع فده مرير و مفيش فابده
فراعنه اولاد فراعنه و الفرعنه تسري في عروقهم و هوايه الكتابه علي الجدران تطورت لتواكب العصر و تحولت الي الكتابه علي الالواح المتحركه( عربيه سيادتك) و ذلك لجعل الاعمال الفنيه تتمتع بأعلي نسبه مشاهده
انا بغطي العربية وده اقتراح فعلا كويس
ياجماعة ماهي تغطية العربية غالبا هتبقي بالليل بس وانت طالع بيتك وهتنام لكن طول اليوم بئي وانتي ماشي بيها مش معقول ركنت عند واحد صاحبك تقعد معاه شوية هتغطيها لحد ماتنزل-ركنت العربية ونزلت تشتري حاجة مش معقول هتغطيها لحد ماترجع -وهكذا بئي انا شايف ان مفيش حل
1- الحرص على تغطية السيارة حتى لو قصرت مدة تركها فى الشارع.
2- البحث عن جراج مناسب قريب من المنزل لركن السايرة فيه.
3- تجنب الركن امام المحلات و المتاجر بمختلف انواعها (طبعا لان ده بيثير صاحب المحل و ممكن يعمل اى حاجة فى العربية من غيظه).
4- تجنب الركن امام ابواب العمارات لنفس السبب السابق لكن بالنسبة للبيه البواب و اصحاب العمارة و السكان.
5- عدم التحرك بالسيارة فى المشاوير القريبة او المشاوير الممكن استخدام مواصلات فيها.
6- تجنب ترك السيارة فى الشمس لفترات طويلة.
7- ترضية سياس السيارات و اعطائهم ما يطلبون (لذات السبب المكتوب فى البندين الثالث و الرابع).
8- البعد عن الركن فى مناطق تجمعات الشباب و الاطفال , و نقل السيارة فورا فى حالة تجمعهم حولها.
9- الحرص دائما على ان يكون غطاء السيارة شديد القذارة عشان ما تغريش حد يقعد عليها او يلعب فيها.
10- فى حالة الركن فى الشارع بجوار البيت و ليس فى جراج الحرص على ان يكون الركن فى مكان ممكن تراه من البلكونة او الشباك علشان تشيك على العربية كل شوية.
على فكرة انا بعمل كل دة و اكتر و برده العربية بتتجرح!!!!!!!!!!!!!!!!!!!!.
كلكوا بتقولوا نغطي العربيه
طيب وإيه رايكوا في اللي مغطي العربية وركنها قدام عساكر شرطه كمان وينزل يلاقي الغطى متقطع شرايح
واللي مقطعه عامله بشكل ديكوري على العربية بنظام شرائح من نصف العربيه الأمامي كله
البيه كان بيتفنن في تقطيع الغطى !! وكل شريحة عرضها حوالي ٣ سم
ومع ذلك بردو جرح العربية نفسها !
أنا شايف إن أفضل حل انك تبني جراج خاص لنفسك زي اليابان
لازم تجيب الجراج اللي هتركن فيه العربيه قبل ما يسمح ليك بشراء عربيه من أساسه
وده طبعاً مستحيل لمعظم مالكي السيارات في مصر
ويا بخت أصحاب السيارات القديمة بدون ECU علشان بكل سهوله ممكن يكهرب العربيه ويا ويله اللي يقرب منها لكن للأسف مينفعش في العربيات الحديثه
Thanks
Eng.Sherif Shaker
أعوذ بالله .. بجد الموضوع ده يسمم الدم انا دايما لما بنزل وأكون مش مغطي العربيه الاقيها متخربشه والله حتي في مارينا مش عارف ده نحس ولا ايه مع ان عربيتي فيرنا يعني مش بي ام ولا بورش يعني عاديه مش مثيره للأحقاد اوي بس زيرو ويمكن هو ده السبب ان لما واحد مريض يشوف عربيه جديده كده وبتلمع وفوانسها بتلمع ولانج يروح يعلم عليها عشان يشل صاحبها .. والله بجد الموضوع ده مؤذي فعلا بحس اني انا اللي اتعورت مش العربيه لأني دافع فيها دم قلبي بس الناس مش مقدره كده ... بجد الواحد كل يوم بيكره البلد دي وبيعد الأيام والليالي عشان يطلع منها .. للأسف مهما كان معاك فلوس في مصر برده مش هترتاح فيها أبدا .. شوارع مكسره ناس حاقده موظفين يجيبو السكر زحمه وقرف فقر وبطاله , سرقه ونهب بجد مبقتش بلد يتعاش فيها للأسف .
.
ECU الكنترول يونيت اللي بتتحكم في موتور العربيه من حيث نسب الهواء والبنزين والشراره الكهربائيه ولها وظائف تانيه عديده
Thanks
Eng.Sherif Shaker
بما ان الشيء بالشيء يذكر
انا افتكرت حاجه كنت قريتها او سمعتها زمان
سمعت ان في نظام تأمين للعربيات المرسيدس
لو الحرامي اقتحم العربيه القزاز بيقل و العربيه بتحبسه جواها مع سريان تيار كهربائي قوي في جسم العربيه لحبسه بداخلها
ممكن الاعضاء يأكدو او ينفو الموضوع ده
و الله اعلم
طيب لو سلمنا بان الخدوش و تجريح العربية ده امر مسلم به حتي لو عملنا كل الاحتياطات اللازمة واللي مش لازمة يبقي فيه حاجة كمان نسيتوا تقولوها و هي :
اننا نرش العربية كل شهر و نجدد دهانها علشان تبقي نظيفة و براقة و هو بدل الغسيل في المحطات
:cute::cute::cute:
المكتوب مكتوب
انا ساكن في العاشر والدنيا وسعه
بس الاطفال هما اساس المشكله
بيخربو كل شيئ حتي فوانيس نور الشوارع بيلعبو عليها نشان واللي يكسر الفانوس هو الكسبان
الحل معروف يا جماعة وبدون حرق دم
نبيع العربيات كلها خالص للى متعودين يخربشوا ونبدا احنا نخربش لهم ونشوف هما حيعملوا ايه ساعتها وبعدين نرجع العربيات ونعمل اللى هما حيعملوه
ههههههههههههههههههههههههه ههههههههههههههههههههههههه ه
انا رأى
- استعمال غطاء محترم للعربيه يكون سميك ولا يلم تراب ويغطيها كلهاوان تغطيها فى اى حته ولا تكسل
- يكون فيها جهاز انذار
- استعمل قطعه قماش طريه لعدم جرح العربيه عند تنظيفها ,
- لا تجعل السايس ينظف بالقماش اللى معاه اشترى انت واحده "فى انواع فى كارفور كويسه " جلد غزال
- لما تكون العربيه متربه لا تمسح بالقماشه حاول تذيل التراب بالمياه اولا "ولو الغطاء نوعه كويس فده هايمنع التراب"
تغطيها ولما تركن بالليل تغطيها فى جراج .. يعنى اختيار 1 و 2 مع بعض
.....وبكده يبقى حتقلل الخدوش ... لكن ماينفعش ما تتخدش ده انت فى مصر .....
-----
والله العظيم مفيش فايده
طول ما فى بشر بالنوعيه دى
وغالبا بقى ده طبع أغلب المصريين
شوفوا خارج مصر المصريين بيعملوا فى بعض أيه
مش عارف ليه أحنا شعب مؤذى نكره بعضنا للدرجه دى
حتى لو جبت لون فضى .. فى طريقة تانية .. وهى نقر العربية بمفك ....
-
كده او كده لازم يعكننوا علينا
هو انك متشتريش عربية في مصر .... عشان ترييح الناس
أنااستلمت العربية مبارح من عند السمكري , كان فيها خبطة عند العتب و طبعا رشيت العتب كله في الجنبينو ماشي خايف علي العربية و جاي بركن قدام المكتب و اذا بالامن سايب حجارة جنب الرصيف علشان ال ايه بيحجز بيها مكان و ستر ربنا الكاوتش الامامي هو اللي صد فيها
طبعا نزلت من العربية و شلت الحجارة رميتها بعيد و كان نفسي اكسرها علي دماغه بس مسكت نفسي
المهم اتحرق دمي علي الصبح لان فلوس الاصلاح لسه مابردتش
ربنا يستر
مفيش فايدة والله بجد :(
انا ركناها فى جراج خاص و بغطيها و مش بخرج كتير اصلا غير فى المعادى و برده متنيلة متجرحة و التجريحات كمان وصلت للصاج يعني حتى الكومباوند و الكلام دة منفعش معاها :non4:
حتى لو عملت كل ده برده هتتجرح
ده شر لابد منه
يا جماعه انا فعلا اتعقدت من الموضوع ده انا جربت كل حاجه وفعلا لاقيت ان فى بلدنا مافيش حل غير انى اكهرب العربيه على 220 بسلك انزله من البلكونه
حصلى نفس الشى تمام مع العلم انى راكنه فى جراج فيه اكثر من 500 سياره وعامله على حسابى مظله خاصه للعربيه عشان الشمس
برضوا بموس اتقطع الغطاء قلت مش مهم قطعه فى الجمب
من يومين كلب فى الجراج عجبه يقعد على الاسبويلر كم نطه وكم محاوله خلى الغطاء شرائح شرائح فى حجم الكلينكس :k41:
مفيش فايده فى مصر حتى الكلاب ضددنا :D:D:D
طيب العربية اتخربشت خلاص
في حل بأى لمعالجة الخدوش دي غير رشها؟؟؟
طيب شوفتوا اخر مهزلة في المرور , النهاردة و هما بيركبوا اللوحات الجديدة اتضح ان الثقوب الموجودة فيها مش علي نفس مقاسات اماكن التثبيت اللي في العربية , ايه الحل ؟؟
بيخرموا البودي بتاع العربية علشان يركبوا اللوحات الجديدة
كارثة ياحضرات
مفيش فايده
أنت ريح نفسك و تقبل الموضوع ده
مافيش غير حل واحد بس .................. كهرب العربيه :D:D:D
جراج خاص بأه وخلاص طالما كل ده بيحصل لو حتي في مغطيها انا خالي كان عامل كد تحت بيته
[grade="800080 800080 800080 800080 800080"]يا جماعة أنا بجد بدات أفكر في موضوع كهربة العربية لحمايتها من اي متطفل يحاول يلمسها , أيه رأيكوا ؟؟[/grade]
العربية بتاعت بقيت خريطة بجد
ربنا يسترها بقى انا تعبت بجد
من كل مابشوف الخرابيش دى :(
بجد بقت حاجة مقرفة عالصبح كده جانى البواب يبشرنى انه فيه عربية راكنة قدام عربيتى وداخلة فى الشنطة ومفتوحة وكاسرة الاكصدام والفانوس كمان مدغدغ والكلام ده كان بالليل حضرته كان مسطول وجاله قلب يطلع ينام كده
حسبى الله ونعم الوكيل واللخ لايبارك له ابدا
قواوا لى اعمل ايه ؟