الموضوع: Astra Cosmo 2014

السلام عليكم يا رجالة الأوبل.
أنا جيتلكو النهارده باسترا كوزمو 2014 لسه مستلمها من معرض المسلمي الساعة 12 الصبح.
العربية كان لسه ورق الافراج الجمركي رايحاله المعرض امبارح وكان لونها Dark Mahogany وبصراحة لفتت نظري جداً بالذات ان جنطها كان عامل زي بتاع الانسيجنيا بس 17.
و أنا أصلا كنت بدور علي عربية في رينج السعر ده بس تبقي مريحة جداً وثابتة ولازم تكون الماني طبعاًً(بصفتي راكب الاسترا 2004 لحد دلوقتي ومش عارف هابيهعها ولا ايه).
المهم العربية بسم الله ما شاء الله في منتهي الجمال, حسستنس ان الأسترا 2004 مش أوبل اللي عاملاها في فرق كبير ما بين الاتنين حقيقي وبالذات في الجودة الداخلية والنعومة العامة للموتور والفتيس.
طبعاً العربية لسه مكملتش يوم في مش هعرف اعمل تقرير علييها حالياً. بس أنا هقول كام حاجة لفتت نظري.
اولاً العربية طلع فيها VOICE RECOGNITION للبلوتوث. يعني دست علي زرار الفتح اللي في الدريكسيون لقيت واحدة بتتكلم في سماعات العربية بتقول(Please say PAIR if you want to pair an available bluetooth device) المهم أنا قلت صوتياً PAIR ودست علي زرار الفتح مرة تانية. كاتبتلي عالشاشة الحمرا PAIR CODE:1234 وعملت الحوار واشتغل زي الفل الحمد لله. بس الصوت بالنسبة للي بتصل بيه مش حلو أوي يعني تحس ان في زي صدي صوت خفيف كده.

ثانياً: الموتور صوته غريب بس انا قلت يمكن عشان التليين, وسحبها وحش طبعاً, بتحس بوزنها في السرعات الواطية.
و في رعشة غريبة بتحصل لما اكون عالP او N وادوس بنزين جامد سنة واسيب, العربية بترعش كلها كده لمل الموتور يهدي وقرب من الاستقرار.

ثالثاً, ودي اكبر حاجة زعلتني, العفشة.............ناشفة.!!!!!!, بس مش ناشفة أوي برضه هي بس بتحسسك بالنقر والحفر في العربية بس من غير صوت أو هبد بس العربية ناشفة(مش عارف ده بسبب أنها عايزة تتفك شوية عشان لسه زيرو ولا هي كده علي طول.) انا سقت العريبة دي التيربو بتاعها مع صديقي وكانت انعم منها ألف مرة ومحستش بأ]]]]]] حاجة في الشارع وكانت 2012 والكاوتش كونتينيتال؟ بتاعتي هانكوك. مش عارق برضه الكاوتش ليه دخل في النشوفيه ولا لأ.

رابعاً, مفيش عازل حراري تحت الكبوت والكبوت بيبقي سخن جداً جداًَ جداً لدرجة انك ممكن تتلسع لو حطيت أيدك عليه.
بس غير كده العربية جميلة وانا بحب اسوقهاو سواقتها سهلة وبتاخد ملفات علي ضيق كأنها اصغر من حجمها بكتير وعزلها فوق الممتاز حقيقي.
و حبة صور لعربيتي وجنبها أختها الأكبر.
بس مكنش معايا الكاميرا النظيفة فاصورتهم بالموبيل بقه معلش.

https://imageshack.com/i/nhuwtbj

https://imageshack.com/i/n6syycj

https://imageshack.com/i/ne7ierj

https://imageshack.com/i/nfypidj

المشاركة الأصلية كتبت بواسطة k.ossama

أول حاجة ألف مبروك

ااعفشة ناشفة أكيد من ضغط الكاوتش العالى حتلاقى اكتر من 40. خليه 32-35 حتلاقيها مش ناشفة خالص

الرعشة بتحصل على حسب نظافة البنزين وتحصل أكتر مع الموتور العادى على فكرة أكتر من التربو

منتظرين حضرتك فى الرابطة

http://www.nilemotors.net/nile/338067-j.html

الله يبارك في حضرتك.

هو بمناسبة البنزين العربية كانت بتسقف مني كتير في أول 20 كيلو كده بس بعد كده سكتت.

التيربو فعلا كانت انعم مني بكتير, العربية كانت دايرة مع صحبي في الزاحمة بس انا والله مكنت عارف انها دايرة كنت فكره بطلها عشان يوفر بنزين. مفيش ولا رعشة ولا صوت ولا أي حاجة خالص.