جعل نور الصالون لا ينطفئ مع الباب مباشرة وتأخيره وجعله ينطفئ سنة بسنة

أولا هذا الموضوع هو مجهود العضو samatyوأنا قمت بتنسيقه ونشره لتعم الفائدة فجزاه الله خيرا

جعل نور الصالون لا ينطفئ مع الباب مباشرة وتأخيره وجعله ينطفئ سنة بسنة

أولا المكونات المطلوبة :

1- ترانزيستور bd242 وهذه صورته :

http://im52.gulfup.com/BMgNm7.jpg

على فكرة حرف ال c اللي موجود على الترانزيستور الكبير bd242c
ده بيرمز لأعلى فولت بيشتغل فيه الترانزيستور
لو ما لقيتش حرف أو لقيت a أو b مفيش مشكلة الكل هيشتغل طالما الدايرة هتشغلها في العربية


2- ترانزيستور a733 وهذه صورته :

http://im52.gulfup.com/IRqWZ8.jpg

3- مكثف 1000uF/16v وهذه صورته :

http://im70.gulfup.com/dbt9XP.jpg

4- دايود سيليكون 1 أمبير وهذه صورته :

http://im70.gulfup.com/Q6Gg3g.gif

طريقة التوصيل

دلوقتي وقت الجد
طبعا المكونات اللي فاتت رخيصة ( 3 جنيهات وربع) من أي محل الكترونيات
نيجي للتركيب
هفترض إنك مالكش أي خبرة بالالكترونيات أو التعامل معاها وبالتالي هنخلي العملية سهلة جدا

طبعا أي مبتدئ الكترونيات ممكن يعمل الدايرة بطريقة أفضل لكن في النهاية هيطلع نفس الأداء

دلوقتي امسك الترانزيستور الكبير ( bd242 ) كأنك بتقرا الكتابة اللي عليه هتلاقي ليه 3 رجول (ابعدهم عن بعض )
ونفس الحكاية بالنسبة للترانزيستور الصغير ( a733 )
حط الترانزيستور الصغير قدام الترانزيستور الكبير
لف الرجل اللي في النص بتاع الترانزيستور الصغير ( رقم 2 ) على الرجل اللي في النص بتاع الترازيستور الكبير ( رقم 2 )
كرر نفس العملية مع الرجلين الشمال ( لف الرجل الشمال بتاع الترانزيستور الصغير (رقم 3 ) على الرجل الشمال بتاع الترانزيستور الكبير (رقم 3) )
ابعد الرجل اليمين بتاع الترانزيستور الصغير ( رقم 1 ) عن الرجل اليمين بتاع الترانزيستور الكبير ( رقم 1 )

المكثف هتلاقي ليه رجلين واحدة أطول من التانية والقصيرة مكتور قبالها علامة (-)
الدايود هتلاقي له رجلين بس كل رجل في ناحية وفيه رجل منهم جنبها خط أبيض (الرجل اللي فوق)
هنمسك الرجل بتاع الدايود اللي جنبها خط أبيض مع الرجل الطويلة بتاع المكثف مع الرجل اليمين بتاع الترانزيستور الصغير ( رقم 1 ) ونلفهم على بعض
قص كل الرجلين الطويلة بمقص

متخليش حاجة لامسة التانية

دلوقتي عندنا الرجل اليمين بتاع الترانزيستور الكبير ( رقم 1 ) دي هنوصل فيها حتة سلك حمرا صغيرا ونوصلها بسلك نور الصالون اللي جاي من الباب أو المفتاح
والرجل القصيرة بتاع المكثف هنوصل بيها حتة سلك سودا صغيرة ونوصلها بأي أرضي في العربية
دلوقتي هتلاقي عندك رجل للدايود لسه مش واصلة بحاجة
دي هتوصلها بالرجل اليمين ( رقم 1 ) بتاع الترانزيستور الكبير ( bd242 ) اللي وصلنا فيها السلك الاحمر
كمان رجل المكثف القصيرة اللي وصلنا بيها السلك الأسود هتتوصل برضه بالرجلين اللي في النص اللي هما ( رقم 2 ) من كل ترانزيستور

لف شريط لحام عازل حول الشغل بتاعك من غير ضغط علشان ما تعملش قفلة

افتح باب العربية واقفله وبص لنور الصالون

طيب لو عايز تخليها تشتغل مع الريموت ؟؟

الترانزيستور الكبير هتجيب bd241

الترانزيستور الصغير هتجيب c1815

هتفصل رجل الدايود من الأرجل الوسطانية اللي فيها السلك الأحمر وتوصلها مع سلك فتح السنتر


تم تثبيت الموضوع بواسطتي
مشرف القسم
1أ مشرف ساحة ورشة نايل موتورز

شغل كبير ومجهود رائع وجزاك الله كل خير وسوف اقوم بتنفيذه قريبا ................

رائع

مجهود يستحق التقدير
تحياتى

تسلم ايديك ع الشرح المبسط

الله يفتح عليك وعليه

هايل ...................

شغل عالى

شرح رائع جدا ومبسط
ده انا اللى مبفهمش اى حاجه فى العربيات فهمت
هوه حضرتك مبتديش دروس خصوصيه ههههههه

اقتباس:

---

المشاركة الأصلية كتبت بواسطة needforspeed88

شرح رائع جدا ومبسط
ده انا اللى مبفهمش اى حاجه فى العربيات فهمت
هوه حضرتك مبتديش دروس خصوصيه ههههههه

---

عندك نيد فور سبيد 2 ؟؟؟؟؟

الله ينور
شغل رائع ومجهود جبار
بس كنت عاوز استفسر عن حاجة صغيرة
المفروض ان اما الباب بيتفتح بيدى ارضى للدايرة فالنور بينور
واما الباب يتقفل الارضى بيفصل بس النور بيفضل منور عشان الدايرة دى والمكثف
حضرتك قلت لو عاوز اشغلها مع الريموت هاخد وصلة من السلك اللى بيفتح السنتر عشان ده بيدى ارضى
فاما افتح السنتر الارضى يوصل للدايرة فينور نور الصالون
بس المشكلة ان الارضى اللى بيطلع من فتح السنتر مبيفصلش الا اما ارجع اقفل السنتر تانى من الريموت
معنى كده ان نور الصالون هيفضل منور على طول
ايه الحل للمشكلة دى ؟

مفيش صور بتظهر قدامى خااااااااالص

الله ينور

مشكوووووور والله يعطيك الف عافيه
بس لو كان في صور للتوضيح

مجهود رائع جدا جزاك الله خيرا

ياااااه تسلم ايدك والله كنت لسة بدور على حاجة كده

الله ينور

السلام عليكم ورحمة الله ..
بارك الله فيك وجزاك خير جزاء..ولكن بتهيالي فيه غلطه صغيره ..او انا مش فاهم.
الفرده اللي هي خارجه من الطرف الاول في الترانزوستر الكبير..زي ما حضرتك قلت نوصله مع الفرده اللي جايه من زرار الباب.. (وحضرتك عارف اكيد انها فرده ارضي )يعني نفترض حسب ما انا فاهم انه هي دي الفرده اللي هاتاخد اشاره من الباب انه اتفتح وتنور نور الصالون..وبعدين التركيبه اللي حضرتك قلت عليها هي اللي هاتعمل شغل لما نقفل الباب النور يخفت شويه شويه لحد ما يغلق خالص..طيب الفرده اللي رايحه للفانوس نفسه نوصلها فين :) ..



السؤال بتاع الاخ مومو 44...بعد اذن صاحب الموضوع
حد علمي والله اعلم ..انه مجرد ما يرفع او ينزل المسوجر خلاص مفيش ولا ارضي ولا كهرباء في الاسلاك اللي رايحة للمكنه اللي بترفع وتنزل المسوجر..نسيت اسمها :)
الاخ صاحب الموضوع مشاركتي لغرض الفهم والاستيعاب ليس اكثر...وبارك الله فيك.

دي هتوصلها بالرجل اليمين ( رقم 1 ) بتاع الترانزيستور الكبير ( bd242 ) اللي وصلنا فيها السلك الاحمر

هتفصل رجل الدايود من الأرجل الوسطانية اللي فيها السلك الأحمر وتوصلها مع سلك فتح السنتر


حضرتك تقصد نفصلها من الرجل رقم واحد في الترانزوستر الكبير...ونوصلها بالفرده الارضي اللي رايحه للمكنه وقت فتح السنتر؟

موضوع راااائع

موفق يا باشا

موضوع راااائع

السلام عليكم ورحمة الله.


يا باشا...ياريت لو وقتك يسمح
ترد علي استفسارنا..
وجزاك الله خير جزاء..

الدائرة عملتها بالحرف و مش شغالة

الله ينور عليك

موضوع رائع

اقتباس:

---

المشاركة الأصلية كتبت بواسطة م أحمد

الدائرة عملتها بالحرف و مش شغالة

---

السلام عليكم ورحمة الله ...
عمرها ما هاتشتغل لو انا فاهم صح..التوصيله بتاعت الارضي العمومي والفرده اللي رايحه ع الفرده اللي رايحه لنور الصالون ..مش موضحه بالظبط...
يعني المفروض اقطع السلك اللي رايح علي نور الصالون من عند زرار الباب ..طيب ما في 3 زراير غيرها علي كل باب..
معلش ياريت الاخ الفاضل صاحب الموضوع يفهمنا بس الفقره دي ويوضحها شويه ..
وبارك الله فيه سلفاً

يرجى من صاحب الموضوع الرد على الاستفسارات

أورفع الموضوع من الموضوعات المثبتة وتوفير الجهد و الوقت على الناس خاصة بعد وجود هذا الموضوع القديم و احقيته من اكثر من طريق فى الاثبات

http://www.nilemotors.net/Nile/18201...post3873053261

انا لو هعمل الافلام دى كلها علشان ابطىء سرعة النور وهو بيطفى جزء من الثانية زى ماشوفت كدا يبقى معلش انا كدا بضيع وقتى :d

شكرا

كلام جميل الكلام دة ينفع لاى عربيه حتى 131 فيات

هل ما زال الموضوع نشط اريد طرح اسئله ولم اجد اجابات من صاحب الموضوع على استفسارات سابقه

عاوز انفذ ده بس بالطريقه اللي هي التحكم بالريموت والناس بتقول فيه حاجه غلط ف الدائره ايه التصحيح المفترض اعمله

هو الكلام دة صح ؟؟ حد جربة واشتغل يعني ؟؟

تم عمل الدائرة بالحرف الواحد ولكن للاسف لا تعمل وصاحب الموضوع لايرد على الاستفسارات نرجو معرفة رابط الموضوع الاصلى لان الموضوع ده منقول و واضح انه ناقص حاجات كتير ... يعنى مثلا لم يتم الاشارة الى مخرج الدائرة اللى هو اللمبه تتوصل فين كما لم يتم الاشارة الى قطبية المدخل والتى لابد ان تكون + لان الترانزستور يشترط ذلك ...
نرجو رابط الموضوع الاصلى حتى نتمكن من التواصل مع صاحب الموضوع الاصلى ودى صورة الدائرة اللى انا عملتها :
http://s12.postimg.org/b21mfpvot/IMAG0381_320x182.jpg
http://s12.postimg.org/i2l0ur831/IMAG0382_182x320.jpg

جزاك الله خيرا على مجهودك بس الصور مش ظاهرة

الدايرة دي اختراعي
وعملتها اكتر من 30 مرة في عربيات مختلفة وكلها شغالة
انا من المنصورة
وبعمل دواير واوبشن كتير للعربيات
دواير بسيطة ومش مكلفة
اللي عايز أي حاجة انا تحت أمره

الاخ ماجد سامي
الدايرة بتاعتك
الخطأ عندك في توصيل المكثف

انا عملت دايرة تانية خالص والحمد لله نجحت وشغاله تمام عن طريق ريلاي 12 فولت خمسة رجل و مكثف 24 فولت 10000 ميكروفراد ، وميزتها ان حجمها صغير جدا وركبتها ومش باينة في العربية وبتأخر النور 7 ثوان تقريبا ولما جربت اركب 2 مكثف كانت بتتأخر 14 ثانية
بس اللي ناقصني كنت عايز اللمبة تطفي بمجرد فتح الكونتاكت حتي ولو تمر ال 7 ثوان ، وشكرا لاهتمامك

بالريلاي والمكثف عملت تاخير بس بدون dead light
بالنسبة للطفي مع الكونتاك ابعت رسمة للتوصيلة اللي انت عاملها وانا اقوللك تعمل فيها ايه علشان تطفي مع الكونتاك