موضوع ممتاز اتعلمت منه و هتابعه على طول
شكرا ليك على الافاده
موضوع ممتاز اتعلمت منه و هتابعه على طول
شكرا ليك على الافاده
باشا انا من يومين كدة كنت راجع من شبرا للعبور والعربية كانت ماشية عادى جدا ومرة واحدة سمعت صوت فرقعة ولاقيت نور التابلوة والكونتاكنت مفيفش خالص كهرباء واصللهم وقعدت ساعة ونصف فى الشاعرع ادور على العيب موصلتش لحاجة المهم الكلام دة كان الصبح بدرى قوى
وبعد الظهر نزلت روحت جبت كهربائى وبص عاليها لاقى السلك العمومى بتاع المارش كان فاصل وربكو اشتغلت وبقت زى الفل
امبارح الاثنين كان بجيب حاجات وبلف لا قيت العربية نتشت نتشة غريبة اوى والنور فصل واشتغل والعربية قطعت وكانت سخنة فركنت على جنب وسبت المروحة شغالة شوية وبردت العربية وجيت اكمل ماشى مشيت دقيقتين وبدات تانى تقطع والنور يفصل ويشتغل بصيت على الوصلة اللى الكهرباءى ركبها وشيلتها وركبتها تانى بردو نفس الكلام
اسف للاطالة ولاكن عشمان برد يرحنى
عربيتى 127 فيورا موديل1985 ايطالى
ليس للحرارة دخل ولا تقلق ف الموضوع بسيط هو محصور بين الموبينه انها لما بتسخن بتقطع او ان الوصلة بتاعة الدنمو غير جيدة الفيشة فقي الغالب بتتهز وانت ماشي وبص بردو علي الفيش الي في باقي الحوض واكد عليها لانها ممكن تكون مهزوزة ودي هتخليلك النور يطفي ويولع لاكن التنتيشة تاتي فقط من الكاربيراتو او من الموبينه او من الاسبراتير وانا استثني الكاربيراتير يتبقي الاشعال ( موبينه واسبراتير) و الدينامو بس كدا شوف الفيشة ودور العربية وحرك فيها بايدك لو حدث اي خلل في السيارة اثناء الحركة العيب من الفيشة وهتغيرها بس ولو ما حدثش يبقي موبينه
كلام سليم في معظمه.... بس عايز أوضح بعض النقط في الاقتباسات اللي تحت .. واللي يمكن يكون عاملة لبس لبعض الناس:
الحرارة 90 دي مش درجة حرارة الاحتراق... دي درجة حرارة مياه التبريد... اللي بتسخن نتيجة الحرارة اللي طالعة من الاحتراق.
والمفروض نحافظ على درجة حرارة المية في حدود الـ90 درجة مئوية علشان نحافظ على كفاءة الاحتراق داخل السلندر عالية..
طيب لو درجة الحرارة نزلت.. إيه اللي بيخلي الاحتراق يبقى وحش؟؟؟
ببساطة كده... جدران السلندر ووش السلندر هتسحب الحرارة الناتجة من العادم...
طيب إيه المشكلة؟؟
العادم عبارة عن غاز... والغاز بيتمدد وينكمش بشكل أكبر بكتير جدا جدا من أي مادة تانية... وانكماش الغاز معناه ضغط أقل... والضغط الأقل معناه قوة أقل على البستم... يعني قوة الموتور انخفضت.
وعلشان تاخد أداء معقول لازم نزود كمية الغاز... يعني لازم نحرق بنزين أكتر ... يعني نسبة الوقود بقت أكتر من المعتاد مع وجود نفس كمية الهوا المعتادة...
وتبقى النتيجة إن ناتج الاحتراق يبيقى فيه بنزين لسه ما اتحرقش بشكل كامل .. وده اللي بيخلي العربية تهبب.
دورة التبريد هي عبارة عن مجاري وخراطيم بتمشي فيها المية علشان تبرد الحرارة الزايدة اللي طالعة من الاحتراق في السلندر.... وسموها دورة علشان الخطوات بتاعتها متكررة (اكتساب حرارة من السلندرات والموتور - انتقال إلى الرادياتير - فقد الحرارة في الرادياتير - نقل إلى الموتور.. .. ثم اكتساب الحرارة مرة أخرى وهكذا)
وأجزاء دورة التبريد مكونة من الآتي:
1- مجاري المياه والخراطيم (الحاوية للمياه)
2- طلمبة مياه (علشان الدورة تشتغل)
3- رادياتير (علشان يبرد المية السخنة)
4- مروحة الرادياتير (علشان استمرار التبريد في حالة لو كان تيار الهوا الطبيعي مش كفاية)
5- محبس حراري أو "ثرموستات الكوعة" (علشان المحافظة على درجة حرارة ثابتة للمية)
6- حساس حرارة "ثرموستات كهربي أو ميكانيكي" (لتشغيل المروحة)
7- غطاء الرادياتير "أو القربة في بعض السيارات اللي ما فيهاش غطا رادياتير" (علشان تنفيس الضغط الزيادة في دايرة التبريد)
8- خزان مياه "القربة" (علشان تخزين المية اللي خارجة في حالة ارتفاع الضغط)
9- حساس عداد الحرارة (علشان تعرف درجة الحرارة كويسة ولا لأ)
دورة التبريد الصغرى (جوه الموتور بس ... بدون الرادياتير) بتبقى شغالة باستمرار مادام طلمبة المية شغالة... والطلمبة شغالة طول ما الموتور داير... ولما درجة حرارة المية توصل إلى 80-90.. ثرموستات الكوعة بيفتح علشان يودي المية للرادياتير علشان تتبرد
ثرموستات الكوعة بيفتح مع درجة الحرارة.. مش الضغط... لإن فكرته قائمة على التمدد الحراري.. ومالوش دعوة بالضغط نهائي... ده كمان مش محتاج أي كنترول كهربائي.
لو عايز تعرف أكتر عن ثرموستات الكوعة ممكن تدخل على الموضوعين دول:
http://www.nilemotors.net/Nile/410256-a.html
http://www.nilemotors.net/Nile/328708-a.html
الخواجة اللي عمل موتور العربية اختار أنواع معينة من المعادن متوافقة مع بعض.... وحسب حساباته بحيث إن المعادن دي لما تسخن وتتمدد تقفل الخلوصات ما بين الأجزاء وبعضها وتحكم عملية الاحتراق وما تخليش الضغط يهرب..
كمان في الأجزاء البعيدة عن السلندر.. بيبقى معمول حساب التمدد لإنها بتأثر على انتظام الحركة.
لما بتغير بأجزاء غير أصلية... تمدد الأجزاء دي هو اللي ممكن يكون مختلف .. أو بمعنى أصح... مش ماشي مع باقي الأجزاء اللي موجودة في الموتور.. بس ممكن جدا تكون ماشية مع موتور تاني بيستخدم مواد مختلقة تمشي معاه.
مسألة إن الأجزاء تستحمل الضغط مش هي المشكلة.... لو حضرتك جبت أي جزء معدني واديته سمك أكتر من 3 أو 4 مم هيستحمل الضغط بمنتهى السهولة.
الموضوع كمان مش مجرد حرارة وضغط... وزن الأجزاء الجديدة (البستم والبيل بالذات) عامل أساسي في عمر الموتور بعد العمرة... وكل ما كانت الأجزاء خفيفة تقدر تاخد أداء أحسن.
أفضل شيء لضبط التاكيهات هو ضبطها على الساخن (مش على البارد زي ما هو معروف)
لإن الأجزاء المعدنية بتكون اتمددت للوضع الحقيقي للتشغيل.. باعتبار إن درجة حرارة التشغيل ثابتة بفضل ثرموستات الكوعة
ولو الصانع كان بيقول إن الضبط يكون على البارد.. فده لازم يكون في درجة حرارة معينة.. غالبا بتبقى 20 درجة مئوية... وده معناه إنك لازم تظبط عربيتك في مكان مكيف.
كفاءة التبريد بتبقى أساسا جاية من استخدام رادياتير أكبر أو كفاءته أحسن من ناحية تصميمه بـ3-مواسير مثلا أو تكون المساحة المعرضة للهواء تكون أكبر.
أم بالنسبة للطلمة... فسرعة أي طلمبة هتبقى ثابتة بدون تغيير باستثناء تغيير دوران الموتور.. لإنها متوصلة بشكل مباشر على السير الأمامي...
كل الموضوع هو استخدام طلمبة ليها ريش داخلية أكبر أو أكتر.. وبالتالي تيار المية هيبقى أسرع.
على فكرة... كفاءة التبريد لو بقت أكبر مفيش منها أي مشكلة طول ما ثرموستات الكوعة سليم.
اولا احب اشكرك لمرورك وانا فاتح الموضوع للنقاش مش قايل ان دي مسلمات
ثانيا عاوز اقولك حاجة بص يا باشا انا قرات كلامك كذا مررة وما وجدتش انه ينفي كلامي بالعكس دا بيئيده وهو في مضمونه تفسير دقيق لكلامي و ما فيش حاجة غير درجة الحرارة الي انا شايفها اختلفت معايا في بداية تعديلك وفي النص التاني هو هو كلامي اولا درجة الحرارة المقسة هي درجة حرارة وش السلندر تمام لاكن الي بيقيس المياه دا الحساس بتاع المروحة او العداد الي بيجي بيركب برا التابلوه حلو الكلام كدا وكلامك عن الغاز المتمدد ما انا قولت ان البنزين مش هيحترق كويس غير لما تبقي في حرارة مناسبه طيب انا هديلك مثال يجهله الكثرين عاروف وقود الطائرات لا يشتعل وهو في درجه الحرارة العادية حتي لو القيت بيه عود ثقاب مشتعل سينطفئ ومثال تاني الموتور الديزيل لا يعمل اصلا الا بحاجتين 1- حرارة 2- ضغط فاهمني لو مافيش حرارة وضغط عالي مش هينفجر ف هي حرارة مناسبة لغرفة الحريق وحرارة مناسبة لتمدد سبيكه المعدن وحرارة مناسبة لتسيل الزيت وهي حرارة مناسبة علشان المياه ما تغليش وتتبخر
اولا اقبل تحياتي على الموضوع هو ممتاز بل اكثر
ثانيا انا عربيتي بتسخن لدرجة ان بلاقي مية القربة بتغلي والريداتير ناقص واوقات بيكون فاضي
مع العلم اني شيكت على الريداتير ونضفته وغيرت الخراطيم وشيكت على طرمبة المية
هل ده جوان وش السلندر
ولا ثرموستات الكوعه
ولا وش السلندر نفسه
وايه الدلالات عليها
اسف على الاطالة
وتحياتي مرة تانية