الموضوع: ارجو الافادة العاجلة

السلام عليكم ورحمة الله وبركاته
عربيتى 127 مو 82 والعربيه بدات تستهلك زيت وتطلع بخرة الصبح يعنى خفت شوية المهم فيه يوم روحت كام مشوار كده وتانى يوم قولت ابص على زيت العربيه لقيتها يادوب معلمه فى المقاس ابتديت ازودلها زيت قديم وقولت لما تتعب اوى اعمل عمرة واشدها بالمره المهم شوفت هنا نصيحه انى احط زيت تعاون الازرق مع عبوة زيت شمبر مع فلتر وحطيت النهارده الزيت وغيرت الفلتر بس زيت الشنبر لسه يوم السبت ان شاء الله المهم بقه اللى ظهرلى ؟؟؟؟
بتاع الزيت غسل المكنه وكانت مرتله شويه لما دورتها زودتلها شويه ولقيت الاتى
1 - دخان ابيض كتييير خرج من الشكمان مع ان العربيه مكانتش لسه سخنت خالص وكان الكلام ده المغرب
2 - لما سخنت لقيت كمية ميه طالعه من الشكمان تنقيط بس كتير كان العربيه بقالها كتيير ما سخنتش مع العلم ان الزيت نازل اسود تمام والميه مش بتنقص
3 - دى بقه اهم حاجه وهى لما زودت للمكنه علشان تسخن فجأه سمعت صوت وكان فيه حديد بيحك فى بعضه بسرعه جامده عامل زى سير الدينامو لما يبقى مهوى جامد بتسمع صوت
زى برضه لما تبقى ماشى بسرعه جنب سور مش عارف اوصل المعنى اوى والمهم الصوت بيزيد لما ازود وتحس ان عدد لفات المكنه كانه زاد
دلوقتى مش عارف الصوت ده ايه المكنه شيعت خالص ولا ايه
طيب والميه اللى بتنزل دى ايه مش المفروض دى علامة صحة الماكينه ؟؟
نسيت اقول كمان انى من كام يوم طلعت بوجيه 2 لقيته مليان زيت وقاطع من كتر الزيت بس كان قبلها زودت زيت لحد ما زاد عن المقاس ولما غيرت البوجيه اتظبطت والبوجيه الجديد تمام وسن طويل برضه وما جرالوش حاجهظ
انا محتااار بجد ومش عارف اعمل ايه افيدونى
شكرا

نزول مياه من الشكمان فى عربيه قديمه مش حاجه كويسه
روح لميكانيكى تثق فيه لان ممكن تكون داخل على عمره موتور او لو. ربنا كرمك يكون موضوع جوانات محتاجه تغيير
والله اعلم