مشكلتنا الاساسية ان الغاية بقت تبرر الوسيلة و الغاية نفسها بقت مصلحتي
Sent from my GT-N7000 using Forum Runner
مشكلتنا الاساسية ان الغاية بقت تبرر الوسيلة و الغاية نفسها بقت مصلحتي
Sent from my GT-N7000 using Forum Runner
انا بجد نفسى نعرف قيمة دينا و قيمة بلدنا
نفسى نعرف ان دينا هو فى الاصل دين معاملات ثم دين عبادات مش العكس
نفسى نعرف ان ربنا حط حدود على معاملات البشر و محطش حدود على العبادات لان ربنا وحده هو الى بيحكم على الايمان او الكفر
نفسى نعرف ان كل المسلم على المسلم حرام دمه و ماله و عرضه
نفسى نعرف ان ربنا امرنا بالقسط و العدل مع غير المسلمين و احنا لا نطبقه على انفسنا
نفسى نعرف ان ربنا انعم علينا ببلد جميلة و بخير كتير و لكن ظلمنا انفسنا و دمرنا بلدنا
نفسى نعرف ان كتير من الاجانب يتمنوا يعيشوا فى مصر و لكن بيكرهوا المصريين مش علشان مسلمين لا علشان معندهمش اخلاق
نفس نعرف ان احنا اذا لم نتق الله فى نعمه فسوف تزول فالله لا ينصر قرية ظالم اهلها
انا بقول الكلام ده و انا معنديش مشاكل مادية لانى تعبت جدا فى حياتى علشان ابنى نفسى و ربنا باركلى فى رزقى و لكن بقوله علشان ان شايف للاسف المستقبل و متخيل عقاب ربنا لو استمرينا نتدهور فى اخلاقنا بالطريقة دى و نعمل كل حاجة تغضب ربنا عادى جدا و نحللها كمان و نشوفها عادى
بره فيه كل حاجة مباحة تحت مبدا الحرية الى هما حربوا علشانه كتير جدا و لكن الى عايز يتمسك بدينه مسلم مسيحى يهودى و حتى بوذى هيعمل كده بكل سهولة قنوات التليفزيون المجانية هناك المعيار فيها انها تصلح لسن ١٢ سنة فاقل و اى حاجة خارجة ممنوعة و الى عايز بقى يتفرج على افلام للكبار فقط او خارجة يشترك فى قنوات غالية جدا و المضحك انها تتبعت فى السر علشان مايتفضحش حتى ادام ساعى البريد
احنا هنا بقى بنتنافس فى فك شفرات القنوات دى علشان نشوفها ببلاش
البغاء هناك ممنوع الا فى شوارع معينة و صعب جدا تشوف حد من اهل البلد فى الشوارع دى معظمهم اجانب و تعالوا شوفوا العرب هناك هما الى بيشتغلوا فى الشوارع دى و للاسف بنات عربيات كتير بيشتغلوا هناك كمان
ليه تشوف اهالى ماليزيا او اندونسيا قمة فى الالتزام و التدين و العمل و تشوف العرب و المصريين بالشكل ده الا من رحم ربى و شفت مسلمين من روسيا الاتحادية الى كانت بلاد الكفر و الالحاد فى وقت من الاوقات و الله كنت بابكى من تدينهم و اخلاقهم
هل المشكلة في حكامنا ام فى تعليمنا ام فى التربية ام فى القانون ام فى منظومة الاخلاق مش عارف بالضبط
للاسف سمعتنا بقت سابقانا فى كل مكان و بلاد كتير وقفت تاشيرات المصريين مهما كان مستواهم الاجتماعى
تعالوا شوفوا المصريين فى ايطاليا و روسيا بيعملوا ايه طبعا مش الكل بس كتير جدا و النصيحة الذهبية هناك ابعد عن المصرى و العربى تماما اما اهل الخليج فهم صيدة سهلة لانهم ماشيين ورا غرائزهم و بيستغلوهم تمام فى الاماكن المشبوهة
ها هذا ما امرنا به دينا
انا هنهى الكلام فى الموضوع و اسف على لهجتى الحادة بس و الله انا فاض بيا و وكلت امرى لله و ربنا يرحمنا جميعا و لا ياخذنا بما فعله قومنا
انتا تعبتني نفسيا
وكرهتني في البلد
Mfe
:fun_10_9_134[1]:
mfe
كلام حضرتك واقعى وصادم جدا واثر فيا جدا.. بس دى الحقيقه وزى ماحضرتك قلت اننا اتعودنا ومبقيناش بناخد بالنا من المصايب دى كلها .. ربنا يلطف بينا ..
الاخلاق ملهاش علاقه بالدين
في ناس كتير معارضه معرفه ناس ملحده مثلا او حتي مسيحيه عشان مقتنعين ان اي حد غير مسلم يبقي مش محترم
مع اني مبشوفش التعامل باحترام الا مع غير العرب و المسلمين
ياريت المسلمين عموما يرجعوا لدينهم لاننا بنقدم مثال زي الزفت للاسلام لغير المسلمين
"انما بعثت لأتمم كارم الاخلاق " صدق رسول الله صلى الله عليه وسلم يعنى الكفار كان عندهم بعض الاخلاق
واحنا ضيعنا الاخلاق و ضيعنا الدين
حتى عنوان موضوعى " احنا فعلا معندناش اخلاق " و انعدام الاخلاق دا فى المجتمع المصرى عموما ,, مش مسلمين بس ,, مسلمين و مسيحين و معظم الى على ارض مصر
ايه ده.
الواحد هيبكى على حالنا
انا كتبت عن تجربة شخصية و اسف فعلا لكل من صدم بس هى كانت الحقيقة
انا لو متفرقش معايا البلد دى كنت سبتها من زمان و لكن دايما بقول انا قدرى ابقى مصرى بلدى اللى بحبها و نفسى اتباهى بيها
المهم منظمومة الاخلاق تنبع من قيم معينة فى كل شعب
شعوب من الدين و شعوب من الثقافة. المتوارثة و شعوب من القانون الصارم المطبق على الجميع
احنا كمصريين كانت تنبع من الدين و الدين فى مصر اصبح مظهر و عادة فى حد ذاته ليس اكثر و الجهل به اصبح اكثر بكثير من العلم به مش عارف ده كان مخطط و لا طبيعى بس هو الى حصل
انا كنت بحاول ابين للناس جوهر الاسلام اما كنت بره مصر طبعا للناس الى كانت عايزة تفهم لان فى ناس كتير اصلا الكلام معاها خسارة و لكن كل جهودى ضاعت هباء حتى مع زوجتى نفسها و ده علشان الى بيسمع و يقرا و يقتنع يجيى يشوف السلوك يجيله صدمة نفسية و عقلية بجد مش هزار
و مجتمع المصريين المتزوجين من اجانب فى مصر فيه الاف من القصص زى و اسوء منى
ان بشكر الاخ الفاضل الى فتح الموضوع و حكى القصة بتاعة البنت اليابانية و الى انا شفت مئات القصص زيها بس هقول قصة واحدة شفتها فى الغردقة و حاولت اساعد صاحبتها انا و مراتى بقدر الامكان
الحكاية كانت بنت المانية متوسطة الحال اتعرفت على شاب مصرى من النت و عرض عليها تيجى مصر
البنت جت و طبعا الباشا اقنعها انه بيموت فيها بس حالته على قده و ميقدرش ياجرلها شقة ، ما علينا ادته فلوس ياجر شقة. و بعد كام شهر عرض عليها الجواز و طبعا هى من طيبتها وافقت و عمل معاها عقد جواز صورى عند محامى و فهمها انه عقد رسمى
طبعا البنت باعت بيتها فى المانيا و اشترت شقة فى الغردقة باسمها و فرشتها و بقيت الفلوس فتحت بيها محل فى الشيراتون ، ملحوظة هى كانت فاهمة كده لان الباشا جوزها هو الى مضاها على العقود بالعربى ووداها الشهر العقارى تسجل العقود
فجاة الباشا اختفى قلها انه مسافى لاهله فى محافظة فى الدلتا و اختفى و التليفون اتقفل للابد
المفاجاة كانت الشقة كانت متاجرة و العقد كان باسمها و المحل كذلك و شغلة الشهر العقارى كانت صحة توقيع على العقد و اثبات تاريخ
المفاجاة الثانية الباشا اخد كل الفلوس و سابلها ٢٠٠ دولار لا غير اخد حتى كل حاجة غالية عندها
تخيلوا معايا البنت الى مبقاش عندها بيت فى المانيا و لا شغل و لازم تدفع الايجار
لغاية كدة و عادى واحد نصاب و خلاص بس المشكلة بجد كانت فى ردود فعل الناس الى حواليها و اسيبكم تتخيلوا
انا البنت دى عرفت مراتى من موقع اجنبى للاجانب المقيمين فى الغردقة و انا عرضت عليها المساعدة باى طريقة خاصة انى اجيد الالمانية و لكن صدمتها من المصريين كانت بشعة و فى الاخر مراتى ساعدتها للسفر و سافرت و راحت حكت قصتها فى التليفزيون هناك و شتمت فى كل المصريين بشكل بشع و اقسم بالله بقت فى برامج فى التلفزيون الالمانى و الروسى تحذر من الزواج من مصريين طبعا كل ده مش مهم المهم احنا ادام نفسنا و تعاملتنا مع بعض و ادى امثلة
كام مرة واحد اشترى شقة و اتنصب عليه
كام مرة واحد اشترى عربية و اتنصب عليه
كام مرة واحد راح يحج و اتنصب عليه
كام مرة واحد راح لميكانيكى و اتنصب عليه
كام مرة واحد راح يشترى حاجة و اتنصب عليه
جميل بس احنا اتعودنا بقينا نبدا بسوء الظن الى ان يثبت العكس بقينا حذرين و اتعودنا ندقق و نتفتح عنينا و نسال و رغم كده لسة برضة بيتنصب علينا
طب كام مرة واحد اتشتم من سواق تاكسى او ميكروباس بالفاظ بشعة و قال يعنى هيه الشتيمة بتلزق ليؤثر السلامة خاصة لو كان معاه حد من اهله و كام مرة حد فينا اشتم من بياع او اتخانق معاه
اهم حاجة ان احنا اتعودنا و بقى ده الطبيعى بس هما متعودوش و مش هيتعودوا ابدا
كل الى انا قولته ده مش سلوك بشر عندهم ده سلوك همج بس عندنا بقى سلوك بشرى جدا نشوفه و اتعودنا عليه زى كده ما اتعودنا على الدم و القتل و مبقاش يفرق معانا مين الى مات و لا مات امتى و ازاى بس هما البلد ممكن تتقلب عندهم علشان واحد بس و مات غلط كمان
كفاية كدا علشان صلاة الفجر و اسف مرة ثانية لكل المصدوم من كلامى و شكر خاص لصاحب الموضوع انه ادانى فرصة اعبر عن الى جوايا
الواحد حزين على كل كلمه ومن غير اسف ده واقع ولو فى قصص تانيه للعبره اسردها بعد اذنك ....على كده جيل اوكا واورتيجا هيعمل ايه لانها فى وجهه نظرى راجعه للتربيه الخطأ تربيه ثم تربيه ثم تربيهاقتباس:
المشاركة الأصلية كتبت بواسطة mfe
اللى اتربى عمره ما يعمل كده
اراهن الولد اللى نصب على البنت لا يتعدى سواق المايكروباص السوقى فى محافظته الاصليه
بمناسبة اخلاق المصريين (اخلاقنا)
متعودة لو راكبة ميكروباص وجنبي طفل بدور في الشنطة على اي حاجة تبسطة بسكوتة بونبوناية او حتى لعبة صغيرة
لو بشتري فاكهة وجنبي بياعة لحاجة تاني بسيطة زي بتاع الجرجير بروح مدياها حاجة من الفاكهة تحلي بوقها
لو في محل ممكن اطلع باكو بسكويت للبياعة
بحس انها حاجات بسيطة بتفرح اللي قدامي ولو فقير ربنا اكيد هيجازيني عليها
لما قريب من حوالي اسبوع راجعة من برة بموز وراكنة الشنط في الارض لحد مفتح البوابة لقيت شاب غلبان بيلم ازازيز بلاستيك من الارض
قلت اديله موزتين يحلي بيهم بقه
راح عمل حركة تيت ولمس ايدي وبصيت له اشوفه قاصد ولا غصبا عنه لقيته قاصد روحت باصله بقرف فسألني معندكيش حاجات خردة روحت رده بقرف
حلفت في نفسي منا مكرراها تاني
هاهاها
حضرتك عملتى زى مراتى كانت طيبة قوى مرة خدت منى ٥٠ جنيه علشان تديهم لست غلبانة و كانت تنبسط قوى اما حد يدعليها رغم انها مش فاهمة حاجة بس الطيبة دى جرؤت علينا كلاب السكك بعد كده و الناس الى كانت بتعطف عليها و بتساعدها هما الى سرقونا و تهجموا عليها مرة علشان مكنش معاها فلوس تديهم
نصيحة للاسف بعض الشباب رجال و نساء اتربوا على كم من الحقد و الغل يكفى العالم كله و كل ما تديهم الحقد و الغل بيزيد رغم انهم بيبينوا عكس كده لغاية ما تيجى الفرصة و يطلعوا الحقد و الغل ده فى اى حاجة بقى زى سرقة ضرب تحرش الى يقدروا عليه
استاذى الوقائع الى شفتها كتير و لكن ان قصدى بس انى كنت احذر و اضرب امثلة بسيطة لما شهدته فى اربع سنوات فى مصر. انا يمكن فوجئت علشان قضيت عشر سنوات بره مصر و لما كنت بزور مصر كان بالكتير اسبوع او عشرة ايام مبين عزومات و فسح و فنادق و غالبا مكنتش حتى بسوق
بس اما عشت حسيت انى مجيتش مصر من ١٠٠ سنة مثلا انا مبقتش مصدق ان التدهور ده ممكن يحصل فى عشر سنين بس لان احنا مكناش كده خالص و احنا شباب لا انا و لا حد من اصحابى و لا حد من الى عرفتهم و لا فى الكلية و لا فى الشغل و لا فى الجيران
فجاة لقيت كل حاجة اتغيرت ايه الى حصل مش عارف
أي مصري تجيله فرصة للسفر ميفكرش لحظة
وإبقى إنزل لأهلك أجازات
لو متزوج من أجنبية ومش هتعرف تعيش في مصر إتصرف وروح قطر
من ضوء زيارتي لها
بلد عربي إسلامي أوروبي
مفيهاش إنحلال دبي ولا إنغلاق السعودية ولا إضمحلال الأخلاق المصري
وفي النهاية عربية إسلامية
يعيش بها كل جنسيات العالم
أنا شايفها الموطن المثالي للأجنبي المسلم
نظافة مرور شرطة أمن تعامل حكومي صحة ( كله ينافس المستوى الأوروبي )
الواحد هنا في مصر بطل ينزل الشارع إلا للضرورة
إنحطاط أخلاقي في كل المستويات
بخصوص النصب
مرة كنت في بلد عربي في عمل
وجالي فنيين صيانة مصريين يصينوا حاجات في مشروع
وطبعاً دردشوا معايا بقلب مفتوح بقه
وحكولوا إزاي نصبوا على واحد كان رايح يقدم في معهد في تلك البلد
وهما كانوا بيعملوا صيانة داخل المعهد
إفتكرهم مسئولين
فسألهم على التقديم
فقالوا له تدفع لنا كذا مصاريف تقديم وبعدين تروح تسأل في المكان الفلاني (أي كلام)
وأخدوا منه الفلوس
وكانوا مبسوطين قوي وهما بيحكولي
وأنا كنت في نص هدومي وأنا بسمعهم
نحكم عقلنا نهاجر كلنا
في الخارج إعرف مصريين أو عرب لكن لا تأمن لهم ولا تتعامل معهم إلا للضرورة إلا لو تأكدت يقيناً من معدنهم
وطبعاً تحرس من الأجنبي برضه
لكن حرص من المصري أكثر عشان القفا من ناحيته بيطرقع
ـ
ـ
:crying1:
شئ يزعل والله