المشاركة الأصلية كتبت بواسطة mfe
أقول لكم على قصتى الشخصية
أنا قضيت معظم سنين الشباب بره مصر ٥ سنوات فى أمريكا علشان الدكتوراه من ١٩٩٨ و من ٢٠٠٢ فى تركيا اعمل فى احد بنوك الاستثمار العالمية قبل ما ارجع عام ٢٠٠٨ اتعرفت على بنت هايلة فى أخلاقها من جنسية من شمال أوروبا كانت بتشغل متدربة فى نفس الجهة و كانت اخلاقها ممتازة الى اقصى حد و طبعا ماكنتش مسلمة بس سلوكها مشفتوش فى ٩٠٪ من المسلمين المهم عرضت عليها الجواز و اتجوزنا فى مصر و الحمد لله مكنش فيه مشلكل مادية و لكن بعد ٤ سنوات كانت النتيجة ما يلى
١ رفض تام لانجاب الاطفال لانها لا تريد لاطفالها ان يصبحوا مصريين و يعيشوا فى مصر
٢ رفضت الحياه فى القاهرة حيث عملى الحالى للاذى الذى تراه كل يوم رغم اننا كنا عايشين فى الرحاب و اضطريت اشترى شقة فى الغردقة و برضه لم تسلم من الاذى هناك
٣ اخر الكلام لم اتسرقت بالاكراه فى الغردقة و كانت رايحة تشترى حاجات من السوبر ماركت و اتسحلت فى الارض و ساعتها صممت انها ترجع بلدها تحت اي وضع
المهم انا مش قادر انسى اما كنا بنتمشى و كمية الاذى الى بنشوفها فى اي مكان رغم انها كانت ملتزمة فى لبسها اكتر من معظم الى ماشين فى الشوارع بس علشان اجنبية و برضه مش قادر انسى ساعة منزلنا فى احد فنادق الخمسة نجوم فى شارم و بعدها بيوم قالنلى يالا نمشى بدون سبب و بعد م رجعنا عرفت ان. موظف الاستقبال المحترم كان بيلاغيها علشان ترحولوا غرفته فى الفندق و طبعا ما قالتش علشان عرفانى انى ممكن اصور قتيل فى الفندق
انا الحقيقة قدرت كل ده و لغاية دلوقت احنا اصحاب و بنتكلم على الاقل مرة كل اسبوع و هى قالتلى كلمة قبل ماتسافر انا مش ممكن اعيش فى بلد مليش فيها الا شخص واحد باثق فيه و اتحايلت عليا اسافر معاها
الخلاصة انا لم اتزوج بعدها مضرب يعنى و هى فتحت عينى على كثير من السلييات الى احنا مبنشفهاش علشان اتعودنا عليها و فتحت عنيا على التدين المزيف و كانت بتحكيلى على مواقف من البنات التى اتعرفت عليهم فى مصر و فى النهاية قررت انها لا يمكن تكمل حياتها فى هذه البلد و اقسم بالله هى بتشتغل فى بلدها دلوقتى و عايشة حياة اقل بمراحل من المستوى الى كانت عايشة فيه فى مصر بس مبسوطة
انا دلوقت بلوم نفسى كل يوم انى انا رجعت و بلوم نفسى انى انا جبان علشان فضلت و ظيفتى عليها و سبتها تسافر لوحدها و كل يوم بفكر استقيل و اسافر اى بلد و ابدا من جديد لانى انا نفسى بقيت مبحبش اخرج من الى بشوفه
انا مسلم متدين و لكن الصراحة الاجنبى الى يشوف سلوك معظم المصريين و العرب هيفكر مليون مرة قبل ما يقرر يبقى مسلم