اكتشاف مذهل : لا سمكري بعد اليوم
النهارده بعد التجربه انتقلت من التجربه السمعيه الى التجربه الواقعيه
كان عندي كام خبطه خفيفه في السقف و الرفرف جانب الفانوس و كنت مكسل اعملهم و خصوصا السقف عشان محدش يبوظ فرش السقف
المهم بعد ماكنت بسمع قولت ما اجرب موضوع سلاكه الحوض او البلاعات الكاوتش ديه
بعد التجربه في عربيتي السقف اتظبط بنسبه 70% و الرفرف 50%
و جربتها في عربيه واحد صاحبي كروز كان عندوا خبطه في الكابوت و نقره في السقف دول بقى الاتنين راجعوا فابريكه 100%
و واحد تاني معاه اوبترا الرفرف من ورا كانت تريلا واكلاه اتعدل بنسبه 50 % و للعلم منظرها قبل التظبيط شكلها كان بشع :tumb:
الطريقه:
1- حتشتري اتنين منهم مقاس كبير و مقاس صغير
2- حتبلها و تبل الصاج بمايه
3- حتضغط السلاكه الكبيره لحد ماتشفط الهوا للاخر و تشدها لفوق مره واحده جامد و حتسمع الصاج بيرود او بيطرقع
4- حتلاحظ ان النقره او الخبطه اتحسنت شويه
5- حنكرر الخطوه 4 لحد ما الخبطه او النقره تختفي او على الاقل منظرها يتحسن
6- ممكن واحنا شغالين تحسها مبقتش بتجيب تحسن حتبدأ تستعمل السلاكه الصغيره
7- تخلي السلاكه وانت بتضغطها على الخبطه مقفوله كويس من تحت عشان متسربش هوا وانت بتشدها
الاهم من ده كله انها بتظبط الصاج لكن العضم صعب اوي انها تظبطه
انا ححطيت صوره عشان تتخيلوا المنظر
بالتوفيق يارجاله و شكلنا كده حنوقف حال السمكريه :praying:
مستني تقيمكم للموضوع
http://nileup.com/up/uploads/nilemotors_13989978741.jpg
