اكتشاف مذهل : لا سمكري بعد اليوم

**FAR!D** · 02-05-2014 05:57 AM

النهارده بعد التجربه انتقلت من التجربه السمعيه الى التجربه الواقعيه
كان عندي كام خبطه خفيفه في السقف و الرفرف جانب الفانوس و كنت مكسل اعملهم و خصوصا السقف عشان محدش يبوظ فرش السقف
المهم بعد ماكنت بسمع قولت ما اجرب موضوع سلاكه الحوض او البلاعات الكاوتش ديه
بعد التجربه في عربيتي السقف اتظبط بنسبه 70% و الرفرف 50%
و جربتها في عربيه واحد صاحبي كروز كان عندوا خبطه في الكابوت و نقره في السقف دول بقى الاتنين راجعوا فابريكه 100%
و واحد تاني معاه اوبترا الرفرف من ورا كانت تريلا واكلاه اتعدل بنسبه 50 % و للعلم منظرها قبل التظبيط شكلها كان بشع
الطريقه:
1- حتشتري اتنين منهم مقاس كبير و مقاس صغير
2- حتبلها و تبل الصاج بمايه
3- حتضغط السلاكه الكبيره لحد ماتشفط الهوا للاخر و تشدها لفوق مره واحده جامد و حتسمع الصاج بيرود او بيطرقع
4- حتلاحظ ان النقره او الخبطه اتحسنت شويه
5- حنكرر الخطوه 4 لحد ما الخبطه او النقره تختفي او على الاقل منظرها يتحسن
6- ممكن واحنا شغالين تحسها مبقتش بتجيب تحسن حتبدأ تستعمل السلاكه الصغيره
7- تخلي السلاكه وانت بتضغطها على الخبطه مقفوله كويس من تحت عشان متسربش هوا وانت بتشدها

الاهم من ده كله انها بتظبط الصاج لكن العضم صعب اوي انها تظبطه
انا ححطيت صوره عشان تتخيلوا المنظر
بالتوفيق يارجاله و شكلنا كده حنوقف حال السمكريه
مستني تقيمكم للموضوع

**2CODE** · 02-05-2014 06:38 AM

فكره زي العسل والله !!!!!!!!

**ZAKI32** · 02-05-2014 07:03 AM

موضوع فخم . هنسلك بلاعات قصدى صاج العربيات بعد كدة . فكرة حلوة لكن ياترى تنفع مع صاج العربيات القديمة زى 132 131 128 واعتقد مش هنستغنى عن السمكرية بالتاكيد لان السلاكات مش هترجع الصاج مية المية فى كل نوع من انواع العربيات. وغير كدة فى جهاز شفط عند بعض المراكز بالنسبة للخبطات اللى فى كتف العربية من الخلف او السقف لازم هنحتاج للجهاز دة. يعنى شغل سمكرى .

**FAR!D** · 02-05-2014 08:25 AM

المشاركة الأصلية كتبت بواسطة zaki32

ياترى تنفع مع صاج العربيات القديمة زى 132 131 128

مافتكرش عشان مجمل و تقيل لكن اعتقد تنفع مع الجديد عشان ورق هههههههههههههه

**ادوارد** · 02-05-2014 01:44 PM

موضوع رائع
بس منين نشتريها وبكام سعرها

**lanos2004** · 02-05-2014 01:52 PM

للاسف عربيتى الانوس صاجها مصفح مينفعش فيها الكلام دة

**ادوارد** · 02-05-2014 01:52 PM

وياريت لو فية فكرة لو دكو بيتباع بنفس رقم اللون بتاع العربية ندارى القشور بدل مانروح ندفع سمكرة ودوكو بثمن شراء ماتور استيراد
هرسل صور عربيتى وياريت فكرة غير مكلفة تدارى الحاجات دى قبل الفحص