جميع الفروق بالصور و المقياس مبين الكورولا 2014 المعدلة و الغير معدلة و تجربة الثبات
بسم الله الرحمن الرحيم زملائي الاعزاء بنايل موتورز ,,, سعدت جدا بلقائكم امبارح في مقابلة القسم : http://www.nilemotors.net/Nile/419149-1-5-2014-a.html و كانت فرصة جميلة للتعارف و تبادل المعلومات و الخبرات في جميع مجالات الحياة , فقلنا بالمرة متيجي نعمل تيست درايف للكورولا 2014 المعدلة و نقارنها بالغير معدلة بما اني من ملاكها مع عربية البشمهندس محمود اللي معاه اللون الابيض ما شاء الله المعدلة . (كامل الشكر ليك يا محمود بيك) طبعا كعادة الدكتور ابوفندي بتقارير يوم الجمعة (ربنا ميقطع له عادة) قولت بما نه ناسينا بقالو كام جمعة و نسينا كمان في المقابلة و مجاش للمرة التانية علي التوالي قولت اهديله التقرير ده عشان هو حبيبي والله :argue1: 1. مبدئيا لو هنتكلم علي العفشة هل هي ناعمة و لا ناشفة ؟ بالتجربة العملية العربية ناعمة جدا , زيها زي اللي مش متعدلة . احنا محسناش بفرق و المقصود بأحنا ( باسم نجيب, وائل , والعبد لله ) يعني نفس النعومية نفس احساس المطبات و نفس احساس الطريق الغير ممهد سلسة بدون دب او ترزيع. 2. الثبات و التحكم في القيادية ؟ بمنتهي الامانة الحيادية و بعد تجربة العربية علي سرعة 100 كم/س بنجيب الدركسيون يمين في شمال بقوة حسينا الهاندلينج مختلفش ولكن الثبات حسيناه قل سنة بسيطة جدا جدا مش عارف ده احساس عشان احنا عارفين انها اعلي ولا دي حقيقة بس هو شئ لا يذكر و مش هيلاحظه اي حد الا لما يجرب العربيتين وممكن كمان ميخدش باله. في رأي العربية احتفظت بثباتها اللي بنتحاكي عليه و اللي كان بيميزها و الحمد لله . 3.اختبار فاعلية نظام الثبات الالكتروني ESP طبعا وائل باشا مرحمش العربية بتاعة محمود و صمم انه ياخدها لفة و يجرب ال ESP و يشوف فاعلية النظام بعد التعلية ,مش هقدر اقولكم هو عمل ايه (كنوع من التشويق عشان تبقو تيجو المقابلات) بس ممكن تسألو وائل او محمود. و كانت النتيجة مرضية جدا و الاختبار عدي بنجاح و فاعلية نظام الثبات الالكتروني لم يتأثر بالتعلية نهائيا . 4.الشكل الخارجي للعربيتين من الامام و الخلف الجدال الرهييب , و عشان كدة قلت اصورلكم العربيتين و هما جنب بعض . محمود كالعادة و انا برجع بعربيتي عشان اقرب العربيتين من بعض كان حاطت ايده علي قلبة لاخبط فيه بس مش عارف ليه مش واثقين فيا لاهو ولا باسم نجيب لما كنا بنجرب الاوتو بارك مع رجالة قسم رينو المقابلة اللي فاتت وانا عندي باركينج سنسور و شوهو سمعتي قدام الناس :dirol: الصورة دي من قدام , ها ؟ تقدر تقولي انهي المعدلة وانهي الغير معدلة ؟؟ انا لو مش قايل لكم ان اللون الابيض هو المعدل كنتم قولتو ان البرونزري هي المعدلة , مش كدة ؟ http://nileup.com/up/uploads/nilemotors_13990258071.jpg طيب من الخلف , ايه الاخبار ؟ اترك لكم التعليق , هل فرق ال 3 سم في الارتفاع من الخلف مخليكم واخدين بالكم منه الا لو ركزتو ؟ طيب لو العربيتين مش واقفين جنب بعض بالشكل ده , والعربية ماشية في الشارع هتعرف تفرقهم ؟ http://nileup.com/up/uploads/nilemotors_13990258072.jpg وعشان اوضحلكم الصورة اكتر , صورتلكم المسافة مبين الكاوتش و بداية الرفرف عشان نشوف الفروق قد ايه و نقارن : **من قدام : المعدلة 9 سم الغير معدلة 7.5 سم يعني فرق 1.5 سم بس !!! http://nileup.com/up/uploads/nilemotors_13990258075.jpg http://nileup.com/up/uploads/nilemotors_13990258076.jpg **من الخلف : المعدلة 10.5 سم الغير معدلة 7.5 سم يعني فرق 3 سم بس !!! http://nileup.com/up/uploads/nilemotors_13990258074.jpg http://nileup.com/up/uploads/nilemotors_13990258073.jpg هل فرق ال 1.5 سم من الامام و ال 3 سم من الخلف فرق كافي انك تشوف العربية و هي ماشية و محملة و تعرف تفرقهم , انا عن نفسي مش هعرف افرق الا لما يكونو جنب بعض و ركزت فيهم قوي واكيد تكون العربية راكنة مش ماشية . 5. الخلوص الارض من اماكن متفرقة في العربية طبعا كلكم عارفين ان الكورولا بعكس بقية العربيات فيها عدد 8 دلايات بلاستيك موزعين في كل كاوتشة دلاية امامية و دلاية خلفية . نبدأ بالدلاية الخلفية للكاوتش الخلفي : خلوص المعدلة 21 سم خلوص الغير معدلة 17.5 سم يعني فرق 3.5 سم http://nileup.com/up/uploads/nilemotors_13990258077.jpg http://nileup.com/up/uploads/nilemotors_13990260663.jpg الدلاية الامامية للكاوتش الخلفي : خلوص المعدلة 16 سم خلوص الغير معدلة 13.5 م يعني فرق 2.5 سم http://nileup.com/up/uploads/nilemotors_13990258078.jpg http://nileup.com/up/uploads/nilemotors_13990260664.jpg الدلاية الخلفية للكاوتش الامامي : خلوص المعدلة 15 سم خلوص الغير معدلة 13 سم يعني فرق 2 سم http://nileup.com/up/uploads/nilemotors_13990258079.jpg http://nileup.com/up/uploads/nilemotors_13990260665.jpg الدلاية الامامية للكاوتش الامامي : خلوص المعدلة 15 سم خلوص الغير معدلة 13 سم يعني فرق 2 سم http://nileup.com/up/uploads/nilemot...9902580710.jpg http://nileup.com/up/uploads/nilemotors_13990260666.jpg المسافة مبين العتب في منتصف العربية الي الارض : المعدلة ما شاء الله 23 سم , ومعرفتش اصورها لأن المقياس مكفاش الغير معدلة 19.5 سم يعني فرق 3.5 سم http://nileup.com/up/uploads/nilemotors_13990260667.jpg المسافة مبين الاكصدام الامامي و الارض : المعدلة 21 سم ما شاء الله الغير معدلة 17 سم http://nileup.com/up/uploads/nilemotors_13990260662.jpg في نهاية التقري اتمني اكون جمعتلكم كل التفاصيل اللي محتاجينها من العربية , وكل الشكر لمن ساهم في الاختبار العملي للعربيتين (باسم , وائل , محمود) و من ساهم في المقياس و التصوير (وائل) و من ساهم و ضحي بعربيته البشمهندس محمود .
ازاى اعرف انى العربيه اللى هشتريها من الموزعين معدله ولا لا
اقتباس:
المشاركة الأصلية كتبت بواسطة nazar muharram
تقرير رائع
ازاى اعرف انى العربيه اللى هشتريها من الموزعين معدله ولا لا و خاصة ان الغش كتير اليومين دول
