الموضوع: فرامل زي الزفت وعملت حادثه

المشاركة الأصلية كتبت بواسطة MR A7MED

حمدلله على سلامتك والحمدلله على كل حال
ناس كتير مفكره ان ال abs بيقلل من وقت توقف العربيه والكلام ده غلط بل العكس صحيح
كل وظيفته انه هيمكنك من المناوره بالسياره وانت بتفرمل
يعنى فى حالتك هنا لو معاك abs كنت برضه هتلبس لو ما ناورتش بالعربيه وبعدت عن العائق اللى قدامك فهو كان هيسمحلك انك تقدر تتفاده بسهوله

بالنسبة لمسأله تركيبه اظن انها صعبه حتى لو ركبته عمره ما هيبقى بالكفاء المطلوبه زى ما يكون راكب من الأول فى العربيه


تحياتى ليك
والف سلامه

كلام حضرتك مضبوط لكن الكلام ده وقت ما انت تكون مقدر الفرامل و شايف اللي قدامك و قدرت تستوعب الموقف , بتبقى رجلك عالفرامل تعرف توقفها من غير ما تسحف و فعلا بتقف قبل ال abs

لكن في حالات بتلاقي رجلك اتشالت و اتهبدت عالفرامل في موقف انت مبتبقاش حاسبها , الخضه هي اللي بتخليك تعمل كده , هنا بقى ال abs بيسعف لانك لو قضيت المسافة زحف عمرك ما حتقف قبل ال abs
و دي حصلت معايا لما عربية قطعت الطريق اللي جاي و دخلت قدامي قاطعة طريقى انا مستوعبتش جاية منين انا محستش الا برجلي واقفة عالفرامل و الحمد لله العربية وقفت
تحياتي لحضرتك

حالة الكاوتش هتعرفها لو بصيت عالنقشة. واضحة ولا ممسوحة شوية ( منحولة زي مابنقول ).

وعلي فكرة ال abs مش بيقلل حوادث ولا حاجة.