اين يوجد مرور الاميريه ؟

**EGYPTIANDR** · 03-05-2014 06:25 AM

من فضلكم يا شباب انا رخصتى انتهت يوم 8/4/2014 وهى مرور الاميريه وعايز انقل العربيه مرور الزقازيق يا ترى ما هى الخطوات وهل فعلا فى شهر سماح حتى 8/5/2014 واين يوجد مرور الاميريه اصلا؟

شكرا جزيلا

**aymanshebl** · 03-05-2014 09:53 AM

شوف الموضوع ده

http://www.nilemotors.net/Nile/17119...post3872956977

**abo hosen** · 03-05-2014 12:40 PM

مرور الاميرية فى شارع امتداد ولى العهد متفرع من شارع السواح الشارع على ناصيته محطة بنزين مصر -
--- هل الرخصة المنتهية لك ولا رخصة السيارة

**sameh_se** · 04-05-2014 08:55 AM

بسم الله الرحمن الرحيم

الاقرب لك تاخد الصحراوى لغاية كوبرى بلبيس و بدل ما تطلع الكوبرى تاخد يمين من تحت الكوبرى و تاخد طريق مسترد على اخرة هتلاقى كبرى الاميرية و هتكون قريب قولى من المرور لو سالت اى سواق تاكسى هيقلك المرور مع قسم شرطة الاميرية الطريق سهل بس تعرفة اول مرة .
اما بالنسبة للاجراءات :
1 - من مرور الزقازيق هتروح على الشهر العقارى تنقل الملكية .
2 - بعد كدا تبدا فى إجراءات الترخيص بانك تروح على الخزنة تسحب ورق ترخيص و فحص .
3 - و تدخل بعد كدا على مرحلة الفحص هتلاقى الفحص ورا ادارة المرور عند مشروع الرصف هتروح للمهندس و هيبعتك
للعامل الى بره هياخد البصمة .
4 - بعد كدا هتروح على مرور الاميرية على شان تطابق البصمة من الملف هتخش على المرور على ايدك اليمين بعد ما تدخل نت الباب اول شباك على ايدك الشمال هتديلة الورق و تقولة عايز اطابق البصمة هيجيب الملف و يكتب الجواب للمرور و تيعتك للمهندس برة يمضى و بعدين تدخل المرور تانى تختم من الظابط وكدا اوضيت من مرور الاميرية .
5 - ترجع بقا لمرور الزقازيق تكمل الفحص و تعمل الاستعلام الامنى و تجيب المثلث و الطفاية و تعمل التامين الاجبارى و تدفع الضريبة ان كان عليها و تستلم الرخصة .
كان الله فى عونك على المشوار دة و ربنا بفك كرب البشرية و يرحمنا من قرف االمرور دة امين يا رب .
اتمنى انى اكون قدرت افيدك و لوفى اى نقص ممكن الشباب يقولولنا .