الموضوع: Bridgestone turanz GR 90

السلام عليكم
حبيت اشارككم تجربه شراء كاوتش جديد
كنت ناوى اغير عجل العربيه كله مقاس 195/60/15
وكان قدامى حلين يا اما اشترى يوكاهما وكان سعر الواحده 525
ا و بريدجستون تورانزا gr 90ودى سعرها 720 (الوكيل fit-fix)
المهم قررت اجيب 2 بريدجستون مؤقتا وكمان شويه اشترى اتنين كمان
اتصلت بكذا حدا وعرفت اقل سعر -نزلت الدقى وجيبت فردتين من اولاد بيومى الواحده ب 670 انتاج الاسبوع الاول من 2014 وخدت فاتوره واتكلمت معاه على موضوع الضمان وقالى اشتريها من التوكيل وخد منه الضمان بس انسى لو جرى حاجه للعجله انه يبدلها وانا مقتنع بكدا لان طرق مصر ماشاء الله.
ورصصت وظبت زاويا ونيتروجين ب 120 جنيه
المهم انا كان راكب عندى MICHLAN Energy saver
made in Germany
195/60/R15
88H
TRACTION A
TEMPERATURE A
TREAD WEAR 400
دلوقتى bridgstone turanza gr 90
made in jaban
88v
traction a
temp a
treadwear 260
ورجعت اتنين ميشلان ورا (كان نفسى اشترى ميشلان بس ماكنتش لاقى نفس النقشه وكان فى انجليزى ب 560 )(الميشلان الى راكب فى العربيه حالته 50-60% ومافيهوش لحام او خوابير بس انا بحب ابقى مطمن وانا ماشى )
المهم انا مرتاح جدا باختيارى حتى ندمت انى ماشتريتش اربعه مره واحده
العجله صوتها هادى جدا والفرامل اتحسنت بشكل ملحوظ وحاس العربيه انعم انا ماكنتش متصور تغير العجل يعمل كدا.
نصيحه :
-لو العجل عايز يتغير غيره فورا مش لازم تستنى لما يتملى خوابير ولحام
-شكل العجله من بره لايدل اطلاقا على حالتها لازم تفك وتشوفها من جوه
-كلمت تاير مانيا فى مدينه نصر وقالى العجله ب 740 مع التركيب والبلف المعدن والترصيص (تانى احدث جهاز فى العالم )والنيتروجين (ناس محترمين جدا جدا وناى اتعامل معاهم بعد كدا حتى لو اغلى حاج بسيطه بس الاحتراف بتاعهم باين حتى من مكالمه التليفون )

معلش طولت عليكم

المشاركة الأصلية كتبت بواسطة ahmed_elshafey

لو مافيهاش تقل ممكن أرقام تاير مانيا و مكانهم؟ مش لاقي على النت غير المكان؟ هما فى شارع عبد الرازق السنهورى برضه؟

ألف شكر مقدما

https://www.facebook.com/TireManiaEgypt