فحص طلمبة المياه

**khaled_sabry** · 04-05-2014 09:15 AM

السلام عليكم
عربيتي 504 و مغير مروحة الريداتير (على السير ) بمروحه كهرباء
و المروحه كانت شغاله معايا كويس من اول لما غيرتها
لكن دلوقتى بقيت بلاحظ ان ثرموثتات الريداتير بتقفل بدرى اوى
و العربيه بقيت تسخن اوى فوق معدلها الطبيعي رغم ان تقريبا المروحه مش بتقف !!!!
و فى نفس الوقت الميه مش بتنقص ولا حاجه

و انا حاططلها ميه خضراء و مافيش اى صداء فى دورة التبريد و لا حاجه
فانا اعتقد ان عندى مشكله فى طرمبة المياه
فإزاى افحصها بنفسى ؟ و هل فيه احتمالات اخرى للسخونه دى ؟

**samaty** · 04-05-2014 09:36 AM

فك الخرطوم اللي واصل بالرادياتير من فوق وارفعه لفوق علشان ما يوقعش مياه
هتدور العربية
لو المياه خرجت من الخرطوم تبقى الطرمبة شغالة ومجاري المياه سالكة
لو محصلش حاجة
ممكن الطرمبة ( متاكلة - مكسورة - مليانة اوساخ بين الريش)
وممكن حاجة في مجاري المياه ( إنسداد - كتمة)

**samaty** · 04-05-2014 10:02 AM

مجرد خروج المياه معناه إن الطرمبة بتقلب الميا
لما تسخن العربية شوف لو المياه سخنة برده يبقى العيب من نظام تبريد المياه ( رادياتير - مراوح - ترموستات)
لو المياه باردة أو دافية يبقى العيب من نظام تقليب المياه ( طرمبة - إنسداد في المجاري)