تغيير سير التقسيمة وحساس الباور فى اللوجان

النهارده رحت التوكيل أعمل صيانة ال 40000, بعد ماكنت محتار أعملها بره التوكيل ولا فى التوكيل عشان الضمان خلص خلاص.

المهم فوجئت بالمهندسة اللى فى فرع العامرية بتقول لازم تغير طقم السيور عشان قفلت 3 سنين, وأنا كنت لسه قارى فى المانيوال إن سير التقسيمة بيتغير بعد 60 ألف كم أو 4 سنين.

إيه رأيكم يا جماعة أغير السيور دلوقتى ولا بعد 4 سنين؟

وبعد شوية رجعت قالت لى حساس الباور بايظ -بيسرب زيت- وعايز يتغير, سألتها بكام قالت 380 جنيه, وأنا بصراحة عامل حسابى على تكلفة الصيانة بس -بالمناسبة الصيانة بقت ب 1000 جنيه- فرفضت أعيره.

حد يعرف حساس الباور ده بكام بره وتركيبه سهل عند أى ميكانيكى ولا لازم فى التوكيل؟

صحيح لما رفضت أركبه المهندسة قالت لى بس ده ممكن يبوظ الدينامو لو الزيت جه عليه, إيه رأيكم فى الكلام ده؟

سيور ايه ؟
هتغير سير التقسيمه والدينامو
والاتنين كل واحد فيهم تقريبآ ب 120 جنيه
وهتروح لحد شغال فى الرينو هيغيرهم بدون مشاكل نهائيآ
لان تركبهم سهل
وهياخد مصنعيه فى حدود 200 جنيه
اما حساس الباور ده معرفوش بصراحه بس انت شايف ان فيه زيت بيسرب عندك ؟ بصيت فى الكابوت ؟ تحت العربيه ؟

طلمبة الباور فوق الدينامو
ممكن نستنتج ان كلام المهندسة صح بخصوص انه بيسرب زيت على الدينامو بالتالى ممكن يبوظه

تغيير طقم السيور وبلي للسيور يتكلف بالمصنعية عند برازيلي عندك في اسكندرية 1400 بالزيت وفلتر زيت ممكن تكلمة
سعر طقم الكاتينة توكيل 670 جنيه
01001164880
01147663310

اقتباس:

---

المشاركة الأصلية كتبت بواسطة super_star_h

سيور ايه ؟
هتغير سير التقسيمه والدينامو
والاتنين كل واحد فيهم تقريبآ ب 120 جنيه
وهتروح لحد شغال فى الرينو هيغيرهم بدون مشاكل نهائيآ
لان تركبهم سهل
وهياخد مصنعيه فى حدود 200 جنيه
اما حساس الباور ده معرفوش بصراحه بس انت شايف ان فيه زيت بيسرب عندك ؟ بصيت فى الكابوت ؟ تحت العربيه ؟

---

أيوه فيه زيت بيسرب فعلاً أنا شفته, فى زى خرطوم كده راكب فى حساس الباور وعليه زيت شبه متجمد, مش حاجة بتسيل يعنى.

مش بلاحظ أى تسريب تحت العربية الحمدلله
بس على فكرة سير التقسيمة مش ب 120 جنيه, الأصلى فى حدود 700 جنيه من التوكيل

أنا عايز أعرف بس التغيير يبقى على كام كم؟ أو كام سنة؟

اقتباس:

---

المشاركة الأصلية كتبت بواسطة hisham farrag

طلمبة الباور فوق الدينامو
ممكن نستنتج ان كلام المهندسة صح بخصوص انه بيسرب زيت على الدينامو بالتالى ممكن يبوظه

---

أنا رحت لميكانيكى هنا معرفة يبص عليه, قلت له بس إن فى تسريب زيت مش عارف من إيه, مارضيتش أقوله على مشكلة حساس الباور عشان أعرف رأيه هو, قال برضه حساس الباور بيرشح وعايز يتغير.

إن شاء الله أجيب واحد جديد وأروح له يغيره

اقتباس:

---

المشاركة الأصلية كتبت بواسطة semsem8080

تغيير طقم السيور وبلي للسيور يتكلف بالمصنعية عند برازيلي عندك في اسكندرية 1400 بالزيت وفلتر زيت ممكن تكلمة
سعر طقم الكاتينة توكيل 670 جنيه
01001164880
01147663310

---

الله يكرمك يا سمسم :praying:, أنا أول مرة أعرف إن برازيلى فى اسكندرية :tumb:
طيب إنت غيرت طقم الكاتينة ولا لسه؟ ولو غيرته غيرته على كام كم أو بعد كام سنة؟

على فكرة أنا سألت فى التوكيل قال طقم الكاتينة ب 770 مش ب 670.

انا أيضا مرت على العربية 3 سنوات، و فى توكيل العبور مهندس الاستقبال قالى انه لازم تغير مجموعة الكاتينة اما على 60000 كم أو ثلاث سنوات و تكلفة تغييرة 1400 جنيه.
نصيحة غيره فى التوكيل لضمان التركيب و قطع الغيار و خاصة انها سيور الموتور.

اقتباس:

---

المشاركة الأصلية كتبت بواسطة mabdelaziz

أيوه فيه زيت بيسرب فعلاً أنا شفته, فى زى خرطوم كده راكب فى حساس الباور وعليه زيت شبه متجمد, مش حاجة بتسيل يعنى.

مش بلاحظ أى تسريب تحت العربية الحمدلله
بس على فكرة سير التقسيمة مش ب 120 جنيه, الأصلى فى حدود 700 جنيه من التوكيل

أنا عايز أعرف بس التغيير يبقى على كام كم؟ أو كام سنة؟

---

سير التقسيمه ب 700 جنيه لييييييييييييييييه ؟
انا كنت شاريه بحوالى 100 وحاجه فى اللوجان 2010
وركبته وميه ميه
انزل عند حد بتاع قطع غيار اصليه للرينو واشترى منه سير التقسيمه الاصلى وركبه بره متقلقش الموضوع مش صعب ولا حاجه
واللى هيركبهولك فى التوكيل ميكانيكى زيه زي اي حد مش خواجه جاي من رينو فرنسا

اقتباس:

---

المشاركة الأصلية كتبت بواسطة super_star_h

سير التقسيمه ب 700 جنيه لييييييييييييييييه ؟
انا كنت شاريه بحوالى 100 وحاجه فى اللوجان 2010
وركبته وميه ميه
انزل عند حد بتاع قطع غيار اصليه للرينو واشترى منه سير التقسيمه الاصلى وركبه بره متقلقش الموضوع مش صعب ولا حاجه
واللى هيركبهولك فى التوكيل ميكانيكى زيه زي اي حد مش خواجه جاي من رينو فرنسا

---

هو ده اللى قاله بتاع قطع الغيار فى فرع العامرية

بس فى سؤال هنا, تقصد إيه بقطع غيار أصلية من بره التوكيل؟ لو أصلية يعنى بتاعة شركة رينو يبقى مش هيكون فى فرق فى السعر, ماهو مش معقول شركة رينو هتدى لمحل بره بسعر أقل يخسر فروعهم ويوقف حالهم, وده فعلاً اللى لقيته لما رحت سألت فى محل الوشاحى عن قطع الغيار الأصلية, لقيت البوجيهات مثلاً فيها زيادة 10 جنيه عن التوكيل حتى بعد إضافة الضريبة.

لو أصلية لها معنى تانى ياريت تفهمنى عشان أستفيد

تحياتى

اقتباس:

---

المشاركة الأصلية كتبت بواسطة city_ct

انا أيضا مرت على العربية 3 سنوات، و فى توكيل العبور مهندس الاستقبال قالى انه لازم تغير مجموعة الكاتينة اما على 60000 كم أو ثلاث سنوات و تكلفة تغييرة 1400 جنيه.
نصيحة غيره فى التوكيل لضمان التركيب و قطع الغيار و خاصة انها سيور الموتور.

---

ماهى دى بصراحة حاجة تحير يا باشمهندس, يعنى إيه المانيوال يبقى مكتوب فيه 4 سنين أو 60 ألف كم, والمهندسين فى التوكيل يقولوا 3 سنين؟
فى حد فيهم مش فاهم, ماعتقدش إن المهندسين فى التوكيل فاهمين أكتر من اللى صنعوا العربية

هذا ما قاله مهندس التوكيل و لما قرأت فى المانيوال الخاص بالصيانة وجدت انه يتم التغيير على 64000 كم أو كل 4 سنوات حتى قى ظل التشغيل قى بيئة متربة و ظروف غير اعتيادية، و بالتالى لم أطلب تغيير مجموعة الكاتينة لكنى للأسف لم أتناقش مع المهندس لفهم سبب التنويه على التغيير.

ناس كتيرة عملت عند برازيلي وهو كان شغال في التوكيل والناس كلها علي الجروب بتشكر فيه وان شاء الله هعمل عنده صيانة ال 60 الف

اقتباس:

---

المشاركة الأصلية كتبت بواسطة city_ct

هذا ما قاله مهندس التوكيل و لما قرأت فى المانيوال الخاص بالصيانة وجدت انه يتم التغيير على 64000 كم أو كل 4 سنوات حتى قى ظل التشغيل قى بيئة متربة و ظروف غير اعتيادية، و بالتالى لم أطلب تغيير مجموعة الكاتينة لكنى للأسف لم أتناقش مع المهندس لفهم سبب التنويه على التغيير.

---

بالظبط كده هو ده المكتوب فى المانيوال, حتى فى ظروف التشغيل الخاصة زى الأتربة وغيره, بيتم التغيير على 4 سنين.

بس أنا استفسرت من المهندسة هبة عن سر الاختلاف ده ومفيش جواب غير إنها لازم تتغير على 3 سنين! عشان كده انا رفضت أغيرهم دلوقتى.

السلام عليكم
انا كنت عايز اسئل على موضوع حساس البور ال الميكانيكى قال لحضرتك انه لازم يتغير هو مكان التسريب كان فين لان انا بلاحظ عندى فى العربيه ان فى خرم صغير فى الفطاء الخاص بزيت الباور ساعات بلاقى طالع منه زيت بس لما المنسوب قل شويه مبقاش بيطلع فهل ده هو المكان ال انت لقيت فيه زيت لان و انا فى التوكيل و سئلتهم قالولى ان المنسوب كان اعلى من ال max وده سبب خروج الزيت وقلله وقالى ان كده تمام بس لقيت بردوا الزيت بيطلع بس قليل.

انا كنت عايز اسالكم يا جماعة اللي غير السيور في التوكيل ادوكم السيور القديمة ولا لا ؟ علشان انا لما غيرتها ملقتش السيور القديمة في العربية زي ما متعودين اي حاجة تتغير بيسيبوا القطعة القديمة في العربية ؟

اقتباس:

---

المشاركة الأصلية كتبت بواسطة amintaha

السلام عليكم
انا كنت عايز اسئل على موضوع حساس البور ال الميكانيكى قال لحضرتك انه لازم يتغير هو مكان التسريب كان فين لان انا بلاحظ عندى فى العربيه ان فى خرم صغير فى الفطاء الخاص بزيت الباور ساعات بلاقى طالع منه زيت بس لما المنسوب قل شويه مبقاش بيطلع فهل ده هو المكان ال انت لقيت فيه زيت لان و انا فى التوكيل و سئلتهم قالولى ان المنسوب كان اعلى من ال max وده سبب خروج الزيت وقلله وقالى ان كده تمام بس لقيت بردوا الزيت بيطلع بس قليل.

---

مكان التسريب عندى بعيد عن علبة زيت الباور, دى صامولة متركب فيها قطعة بلاستيك من تحت, هى مكانها فوق الدينامو وأمام البوجيهات.

اقتباس:

---

المشاركة الأصلية كتبت بواسطة mabdelaziz

مكان التسريب عندى بعيد عن علبة زيت الباور, دى صامولة متركب فيها قطعة بلاستيك من تحت, هى مكانها فوق الدينامو وأمام البوجيهات.

---

شكرا على الرد وطمنتنى

لأى حد متابع وتحصل معاه مشكلة حساس الباور دى
أنا اشتريت حساس باور تركى من عند الوشاحى ب 130 جنيه, ورحت للميكانيكى ركبه فى 5 دقايق وأخد 20 جنيه.

تركيبه سهل جداً عكس ماكنت متوقع, أنا توقعت إن هيبقى فى زيت بيقع بقى ومحتاج تغيير زيت والكلام ده, كل اللى عمله الميكانيكى شال الفيشة من الحساس القديم, وفكه بمفتاح 13 تقريباً, وركب الجديد ورجع الفيشة مكانها تانى, ونضف مكان الشغل بشوية بنزين, وجربنا الباور بكسر العجل يمين وشمال عشان نتأكد إن مفيش تسريب تانى.

الحكاية بسيطة خالص وممكن الواحد يغيره بنفسه مش محتاج ميكانيكى ولا حاجة.

كده التكلفة شاملة التركيب 150 جنيه, فى التوكيل كانوا عايزين ياخدوا 380 جنيه!!!
لما سألت على تمن الأصلى كان 286 جنيه من غير الضريبة, يعنى بالضريبة يبقى 314.6 جنيه, يبقى مصنعية حاجة بسيطة زى دى 65 جنيه, ليه؟!!!