### لكيفية الشاي تبادل خبرات خش روق مزاجك ( اصحاب النسكافيه والفربتشينو يمتنعوا )
مساء الخير
http://wallpapers55.com/wp-content/u...ss-tea-cup.jpg
طبعا حختصر في الموضوع
مين فينا مبيشربش شاي الا القليل ودول منعرفهمش
وطبعا طقوس الشاي بتختلف من شخص للتاني
شخص يحب يشرب كوباية الشاي لوحدها وشخص تاني يحب يشرب معاها سيجاره (ربنا يتوب عليه)
وطبعا انا من الناس الي كنت بحب اشرب الشاي مع السيجارة وكان صعب اشربه من غيرها
بس دلوقتي خلاص مش فارقه D:
نيجي بقى لمراحل الشاي اليومية
كوباية بعد الفطار وديه المهم من غيرها يبقى بقيت اليوم صداع وتعب وكسل
كوباية شاي بعد الغدا وديه ضروري عشان تحبس وتهضم D:
الى اخره طبعا نيجي بقى لتبادل الخبرات
لاحظت ان اغلب الناس متعرفش الا حجات بسيطه عن الشاي يعني اخره يجيب الشاي ابو فتله وميه سخنه وشوية سكر ويشرب ولو خبير يحط نعناع ولو اكسبرت يحط حليب
نيجي بقى للمهم
حد جرب الشاي مع المراميه ؟؟؟؟ فيه كتير ميعرفوهاش مش حتكلم على فوايدها
بس طعمها مع الشاي مختلف تمامااااااااااااااااااااا اااا وده شكلها
http://19wipg66nvj3ef5nn264dcebhj.wp...9%8A%D9%87.jpg
هيا شكلها قريب من نبته كده كلنا عارفنها D: وطبعا ديه لما بتتحط مع الشاي بتخليك ريلاكس واخر روقان وبتنشط كمان (خد بالك بتخسس وتحرق الدهون جااامد)
لو ممجربتهاش من الشاي مش حوصيك جربها
تعرف ان الشاي ابو فتله ده غير الشاي الفرط؟؟؟؟ جرب كده الشاي الفرط حتلاقي الفلافور فيه اشد من الشاي العادي ده غير لما بيبقى فرط مع الميه السخنه بيطلع كل فوايده والفلافور بتاعه
طيب جرب الشاي بنكهة البرغموت ؟؟؟؟ حتقولي جربت كتير بس ولا واحد منهم عجبني
http://i00.i.aliimg.com/img/pb/300/2...226300_099.jpg
اديك بقى خبرتي في نكهة البرغموت .. انا تقريبا جربت كل نكهات البرغموت كل النكهات الي تتصورها
من الايطاليا لللامريكي للأنجليزي واغلى الانواع الخ الخ الخ كلهم
النكهه فيها خفيفه جدا ومش لاصحاب المزاج العالي
احسن نكهة برغموت ممكن تجربها في حيااااااااااااااااااااااا اااااااااااااتك كلها تعرف ايه ؟؟
احمد تي Ahmed Tea متستغربش ولو حد خبير يروح يجربه ويقولي حتلاقي لون العلبه احمر ومكتوب عليها بنكهة البرغموووووووووووت الغنيه ديه كوبايه دمااااااااااااااار جرب وادعيلي
http://www.brikcius.com/Images/AhmadTea.EarlGrey.jpg
وطبعا لو كييف شاي وحابب تجرب نكهة جامده بردوا مش حوصيك على ليبتون روسيان ايرل جراي
lipton russian earl grey ديه دماغ بردوا بس منحصش بيها في بداية اليوم ديه تنفع للي بيحب يشرب شاي بليل وخايف يحسن
يجبله ارق او يفضل سهران ديه تمزج بس ومتسهرش
http://www.swedishfoodshop.com/media...0-pack_40g.jpg
وفيه ليبتون بلاك تي ده جامد بردوا شاي انجليزي
http://static.caloriecount.about.com...earl-43254.jpg
وطبعا كلنا عارفين شاي بنعناع بس اي ورقة نعناع تتحط تمزج ؟؟ الورق الصغير الي بيبقى فوق ده بيبقى مفعوله وطمعه شديد ومهضم ومنشط للجسم
http://img4-3.myrecipes.timeinc.net/...k-223990-l.jpg
وطبعا فيه الشاي باللمون وده مفيد جدا زي المضاد الحيوي وده مش بنفتكره الا في الشتا D:
http://foodreform.org/wp-content/upl...8452_full1.jpg
واخيرا الشاي بالحليب هل جربته مع الهيل ؟؟؟ (الحبهان) جرب كده وقولي ايه رايك
واخيرا لو حابب كوباية شاي من دول فا انصحك لما تعمل كوباية الشاي غطيها باي حاجه وسيبها تعيش مع نفسها خمس دقايق وشيل الغطا واشرب وبالهنا والشفا
http://files2.fatakat.com/2012/9/13484498021815.jpg