السلام عليكم
يارب تكونوا كلكوا بالف صحة وعافية ويديمها عليكما يارب
انا يا جماعة عندى مشكلة قرفان منها اوى ومش هلاقى غيركوا يقولى عن حلها او حتى افكر فى اية عشان احلها
ان الحتة ما بين عصاية الفتيس والهاند بريك (الكونسول) بعد مشوار مثلا من المعادى لمصر الجديدة او اى مشوار عادى تانى
بلاقى الحتة ديه فى سخونة وصهد رهيب من الحتة ديه ماسك عصاية الفتيس وعصاية الهاند بريك والحتة اللى مابينهم
والسخونة ديه بتتنقل على الجناب شوية لدرجة انى بحس من كتر الصهد ان فى حد بيشوى فراخ جنبى ومولع فحم والجو اليومين دول ميتوصاش
وانا عايز اعمل تكييف العربية واصلحه عشان الصيف بس عايز اعالج الحجات ديه لو متعملتش مش هاحس ولا بتكييف ولا اى حاجة
لان السخونة مش عادية سخونة لو حطيت ايدك على حتة الحديدة اللى متغطية بكوفر جلد على الهاند بريك ممكن تتلسع من سخونتها
فانا مش عارف ده اية مشكلة عزل من تحت ولا مشكلة خرم فى الشكمان فبيسرب سخونة على جوه ولا اية بس
العربية طبعا سيات قرطبه 1997 1800 cc
وشكرا ليكوا
ولكم كل التقدير والاحترام
المفضلات