استفسار من ملاك الليبرتي المخضرمين

**Hazeeeeem** · 05-05-2014 10:12 AM

السلام عليكم الاخوه الكرام
باذن الله بفكر جديا في شراء ليبرتي ..
وارجو الاستفسار عن :
احسن موديل اجيبه ؟
اسعار قطع الغيار (ودي اهم حاجه)
اسعار الكاوتش ؟ لاني سمعت ان الطقم بتاعها بيعمل 15000 !! وطبعا هو لو كده فعلا تبقي كارثه :)
الضريبه بتكون كام تقريبا ؟
مدي قوة تحمل عفشتها ؟ لاني سمعت برضو ان الليبرتي بالتحديد عفشتها مش قويه !!!

وتحياتي للجميع

**Hazeeeeem** · 05-05-2014 08:43 PM

اين عشاق الليبرتى والجيب :)

**FAR!D** · 06-05-2014 02:05 AM

الموديل:2004
الضريبه: من 2004 وانت نازل حوالي 600 (شرط فرق 10 سنين ولا حتتشنبر في الضريبه)

**eleanor** · 06-05-2014 09:58 AM

الكاوتش على حسب النوع يعنى فى طقم بيعمل 2400 جنيه وفيه طقم بيعمل 6000 جنيه فبيبقى ليك حريه الاختيار مابين2400 وانت طالع
اما عفشه الليبرتى فهى بالفعل اسوء عفشه من شركه جيب حتى الان
وقطع الغيار فى منها تايوانى وامريكى بس مش اصلى بيبقى سعره كويس اما الاصلى موبار بيبقى نفخ

**eleanor** · 06-05-2014 02:51 PM

هى عفشتها مش ناشفه قوى زى الموديل اللى قبله بس مش معمره فعلى حسب طبيعه استخدامك

**جوزيف** · 07-05-2014 03:50 AM

تحية لكل انسان محترم هنا هجاوب بسرعة على موضوع الكاوتش مثلا السعر يبدا من 800 جنية للفردة الكومهو الفيتنامى فردة ممتازة جدا وناعمة وكتابة بارزو ونقشة ناعمة او جوود ييير 1100 الفردة صناعة المانى نفس النقشة بريللى 950 رومانى دول 3 انواع مستحبين فى اليبرتى الاسا التركى بيعمل صوت وناشف موضوع العفشة انها مستهلكة كلام مش صحيح خالص الموديل 2002 و 2003 فية عيب اتزان واتعالج فى نهاية 2003 و 2004 العفشة ممتازة لانها قوية وطرية لانها على مقص خلفى بيسموة طيارة او سبعاوى وعلى شدادات ويايات ورا ادام كل جنب مقصين زى سيارات النقل الخفيف الميكروباص والمينى باص مقص ثابت ومقص متحرك العفشة عموما حمالة اسية بس اللى بيبوظ فيها ممكن جلب المقصات اللى ورا من المشى فى الزحكة الجلب بتتطرى فتعمل دبة لانة عزم الموتور شديد انتة بدوس وتسيب وكدة بياثر على الجلبة بس مش علطول كل فين وفين انتة مش ركب 28 مثلا انا شخصيا بحب اطلع بعربيتى على السلالم طبعا انا بتكلم بجد ودة دايما بعملة عندنا فى بورسعيد على كورنيش البحر بعربيتى بالنسبة للضريبة هيا 1060 ل 2004 بالنسبة مثلا لموديل 97 هيا مثلا 1160 لانها 4000 سى سى هما ليهم حسبة كدة غريبة مفيش موضوع 600 جنية دة خالص قطع الغيار متوفرة فى القاهرة صقر قريش بكثرة واسعار حلوة جدا ممكن تركب تيل ب 120 جنية وتركبر ب 650 جنية حسب امكانياتك وانا تحت امركم فى اى سؤال معلومة اخير الموتور والعفشة الامامية من موديل 2002 لغايت 2013 واحد لان فية عضو محترم بيقول انها اسواء عفشة كلامى كلة عن تجربة لان معايا 2004 وشكرا ليكم

**Hazeeeeem** · 07-05-2014 09:38 AM

مشكور جدا استاذ جوزيف ..
يعني كده اتوكل علي الله واجيبها ؟ علما بان استخداماتي ليها هتكون حمولات ومشي في مدقات !!
هي معاك بقالها اد ايه يا باشا ؟ ويا ريت لو تقولي غيرت ايه فيها وبكام علي سبيل المثال وليس الحصر ..
وشاكر ليك مره تانيه