الموضوع: قوة سحب موتور الفلوينس

اخي العزيز الكلام ده انا قولته بالضبط من ٤سنين في رابطة حائزي الفلوينس
المشاركة رقم ٤٥ في الصفحة ٥ قولت الآتي

المشاركة الأصلية كتبت بواسطة bukla

[color=blue]color]

الله يبارك فيك
البتزين ال 95 اسعملتة فعلا بناء على نصيحة التوكيل
بص انا حشبهلك موضوع البنزين دة بحاجة لتقريب وجهات النظر
لما بتنزل مثلا لعبة جديدة على الكومبيوتر بس تكون لعبة كبيرة زى ال gta or need for speed or fifa بتلاقية كاتب لك ال recomended hardware and the required hardware يعنى المطلوب يكون فى جهاز الكومبيوتر بتاعك لتشغيل اللعبة بأقل امكانيات للعبة و المفضل او الافضل لتشغيلها علشان تاخد اعلى امكانيات اللعبة من صورة و 3d و كفائة
حنقول ان اللعبة هيا العربية و الكومبيوتر هو البنزين يبقى المطلوب كحد ادنى لتشغيل العربية هوة ال92 اما المفضل هوة ال 95 او ال 98 لو موجود علشان تاخد افضل ما فى اداء العربية ارجو ان تكون وجهة نظرى واضحة
بالنسبة لموضوع البنزين بالاضافة للى انا شرحتة فوق متهيألى علشان تحس بالفرق لو كنت بتستخدم ال92 و بعدين حطيت ال95 كان لازم تاخد بعض الوقت يعنى تجرب من تفويلتين لثلاثة بال 95 علشان ما يكونش فية اى اثار لل 92 فى التنك و بكدة ممكن يكون الحكم واقعى لكن انا بصراحة اختصرت الوقت و قولت استخدم ال95 من الاول

و بالرغم من كدة انا اعتقد ان سبب احساس الناس بتقل الطلعة بتاع العربية هو دواسة البنزين لانها كهرباء في الفلوينس مش على واير و ده اللي بيخلي اي حد نازل من عربية دواسة البنزين واير بيحس بالفرق ده

المشاركة الأصلية كتبت بواسطة yasser100

bukla باشا بيرد على موضوعى بنفسه ؟ :) , حصل لنا الشرف و ايه غيبتك الطويله دى ؟
اتمنى انك تكون بخير :)
الموضوع بالنسبه للفيس لفت مختلف شويه لانه لازم بنزين 95 علشان نسبة الانضغاط 10.7 للموتور . الموتور فى الموديل اللى قبله كان نسبة الانضغاط 10 يعنى اخر بنزين 92 و بداية ال 95 اما الفيس ليفت ده اعلى نقطه فى انضغاط الموتور فى استخدام ال 95 و بعدها ال 98 , يعنى الموتور هايتأثر جامد باستخدام 92
شكرا لردك و ما تغيبش عننا كتير :)

اخي العزيز بارك الله فيك
بالرغم من ظروف العمل و الحياة لكن مش ممكن اقدر أغيب عن احلي أعضاء في أحلى منتدى ده بجانب البركة فيك و باقي الأعضاء ملاك الفيس ليفت ربنا يبارك لكم فيها جميعا و يديكم من خيرها و يكفيكم شرها قائمين بالواجب و زيادة
بالنسبة لموضوعك انا طبعا متفق معك تماما لتوضيحك من الناحية العلمية للفرق ما بين معامل الانضغاط ما بين العربيتين
لكن إيه تفسيرك للكلام المكتوب في الصورة دي
http://img38.imagefra.me/i652/bukla/...2m_234d46f.jpg

بالرغم من ان معامل الانضغاط ٩.٧ لكن نوع البنزين المطلوب ٩٥
و ده بجانب اللي مكتوب على غطاء تنك العربية ٩١ او ٩٥ او ٩٨
بالتوفيق ان شاء الله

المشاركة الأصلية كتبت بواسطة yasser100

بس يا ريسنا اعتقد انه البروشور ده فيه اخطاء . ده كاتب المانيوال 110 حصان و الاوتوماتيك 105 حصان . المفروض العكس
غير كده الفيس ليفت 115 حصان علشان كده نسبة الانضغاط اعلى مع الاخد فى الاعتبار اختلاف الفتيس الاوتوماتيك كمان
هو بيكتب 91 ، 95 على تنك العربيه علشان فعلا الطرمبه متعدله على 92 يعنى ما فيش اى مشاكل محسوسه على استخدامه
اكتر من سحب العربيه لكن غلط على العمر الافتراضى للموتور و الدليل انها لما كانت بتنزل بالطرمبه الاستاندر بتاعتها عملت مشاكل
و التوكيل كان بيغيرها . يعنى فعلا ﻻزم بنزين 95 و الموتور مصمم على بنزين 95 و كل ما معامل الانضغاط بيزيد كل ما يكون الاحتياج
لاوكتين اعلى . لكن ما يقدرش الوكيل هنا يقول انه لازم 95 و الا العربيه مش هاتتباع
لو تفتكر الباسات اول ما نزلت كان ﻻزم 95 و لما كان يتحط 92 كانت بتقف و ما بتدورش ليه ؟ هل عشان الموتور كان عايز 95 فقط ؟
لا . كان علشان طرمبة البنزين و غيروها فى الباسات ل 92 علشان تقبل 92 و يتحرق الموتور مش مشكله ما هو ما فيش حد
فاهم حاجه . الفلوينس الفيس ليفت ﻻزم 95

سيدي الفاضل
اولا البروشور كلامه صحيح بالنسبة لمعلومة ألمانيوال١١٠ حصان و الاوتوماتيك ١٠٥ حصان لان الفتيس الاوتوماتيك بيقلل من horse power بتاع اي عربية
ثانيا و زي ما أشرت في المشاركة السابقة اني متفق معاك تماماً ان كل ما يعلى ال compression ratio بتاع العربية عن ١٠ بيحتاج اوكتين اعلى
لكن هل استعمال بنزين ٩٥ مفضل فقط للسببين دول طرمبة البنزين و معامل الانضغاط و لا ممكن يكون فيه أسباب اخرى في تصميم الموتور تكون سبب للتفضيل باستعمال ٩٥ و ليس واجب استعماله انا شخصيا ماعنديش معلومة بكده
لكن انا متأكد حاجتين ان استعمال بنزين ٩٥ يطيل العمر الافتراضي للموتور و انهم مش حيكتبوا كده في البروشور الا اذا كان فيه سبب مهم
انا من اول يوم استلمت العربية بحط لها ٩٥ و ان في بدايات نزول الفلوينس ٢٠١٠ عدد ليس بالقليل من حائزي الفلوينس الشكل القديم اشتكوا من تخريف مؤشر البنزين اما بالنسبة لي حصلت لي مرة واحدة وقتها كان السبب أني فولت العربية من التعاون و لكن المؤشر ظبط لوحده بعد تفويلتين من توتال و موبيل
حاجة اخيرة اعتقد كان السبب الأساسي لفتح الموضوع هو قوة سحب الموتور في الطلعة و انا لسه عند رأيي انه بسبب دواسة البنزين الكهرباء
بالتوفيق ان شاء الله