يا رجالة الهوندا كنت عايز أسأل منين أجيب فلتر هواء سبورت Simota أو K&N وتمنهم كام ومين بيركبوا وهل هيفرق في الأداء والصوت ولا هابقى بشتغل نفسي
عرض للطباعة
يا رجالة الهوندا كنت عايز أسأل منين أجيب فلتر هواء سبورت Simota أو K&N وتمنهم كام ومين بيركبوا وهل هيفرق في الأداء والصوت ولا هابقى بشتغل نفسي
ما تقلب انجكشن أحسن بدل ما تجيب فلتر الهوا. أصلك يوم ما تحتاج كاربراتير مش هتلاقى خااااااالص عن تجربة. بييجى استيراد طبعا و على التجربة و معناها من الآخر مش هتلاقى سليم خالص. فباقترح لو معاك قرشين مش محتاجهم أعملها أحسن.
ماهو أنا نفسي أعمل الخطوة دي بس للأسف الموتور معايا كويس جدا جدا وناعم وملوش صوت فـمستني لما يرزع مني وابتدي اغيره...
فلتر الهواء الاسبور للكربراتير تأثيرة يكاد يكون غير محسوس
فانت كل اللى هتعملة انك هتجيب فلتر هواء اسبور زى اللى عندك فى العمة الداخلية , وهتشيل دة وتحط دة , هيحسنلك شوية من الصوت , ومن الاداء
غير كدة ماتعملش
الف شكر يا سامح على اهتمامك بس اقدر اشترى الفلتر السبور الي يركب على الاستوك منين
شوف هو قليل شوية , بس ممكن تلاقية فى شارع دمشق , او عند الريس اللى فى اول مدخل الحرفيين اللى قدام مجدى الدسوقى
ألف شكر يا سامح هانزل كده شارع دمشق وألف عليه
اه طبعا موجود بس مش هتلاقى سليم مية فى المية بالاضافة ان فيها لف, و بورسعيد مافيش حاجة مش موجودة فيها. المشكلة فى أى كاربراتير أن هتجيب استيراد و بالتجربة يعنى ممكن تقعدلك يومين تلاتة عقبال ما تلاقى واحد صح حتى بافتراض أنك عارف الناس الصح و فيها سفر و تعب. و دى حصلت معايا فى 92 كانت جايالنا تجارة. الانجكشن هتريح دماغك من الكلام ده خالص بالاضافة لأن النهاردة اللى لاقيينه بكرة الله أعلم هيحصل ايه.