فلتر هواء سبورت سيفك 92 كاربراتير

**MultiThreading** · 05-05-2014 02:39 PM

يا رجالة الهوندا كنت عايز أسأل منين أجيب فلتر هواء سبورت Simota أو K&N وتمنهم كام ومين بيركبوا وهل هيفرق في الأداء والصوت ولا هابقى بشتغل نفسي

**ahmed_elshafey** · 05-05-2014 04:32 PM

ما تقلب انجكشن أحسن بدل ما تجيب فلتر الهوا. أصلك يوم ما تحتاج كاربراتير مش هتلاقى خااااااالص عن تجربة. بييجى استيراد طبعا و على التجربة و معناها من الآخر مش هتلاقى سليم خالص. فباقترح لو معاك قرشين مش محتاجهم أعملها أحسن.

**MultiThreading** · 05-05-2014 04:45 PM

ماهو أنا نفسي أعمل الخطوة دي بس للأسف الموتور معايا كويس جدا جدا وناعم وملوش صوت فـمستني لما يرزع مني وابتدي اغيره...

**SAMEH_FOUAD** · 06-05-2014 11:02 AM

فلتر الهواء الاسبور للكربراتير تأثيرة يكاد يكون غير محسوس

فانت كل اللى هتعملة انك هتجيب فلتر هواء اسبور زى اللى عندك فى العمة الداخلية , وهتشيل دة وتحط دة , هيحسنلك شوية من الصوت , ومن الاداء

غير كدة ماتعملش

**SAMEH_FOUAD** · 06-05-2014 12:29 PM

شوف هو قليل شوية , بس ممكن تلاقية فى شارع دمشق , او عند الريس اللى فى اول مدخل الحرفيين اللى قدام مجدى الدسوقى

**mohandelboshy** · 08-05-2014 01:13 AM

المشاركة الأصلية كتبت بواسطة ahmed_elshafey

ما تقلب انجكشن أحسن بدل ما تجيب فلتر الهوا. أصلك يوم ما تحتاج كاربراتير مش هتلاقى خااااااالص عن تجربة. بييجى استيراد طبعا و على التجربة و معناها من الآخر مش هتلاقى سليم خالص. فباقترح لو معاك قرشين مش محتاجهم أعملها أحسن.

يا باشا انا لسه جايب كربراتير نضيف وسعره كويس جدا ومتلعبش فيه قبل كده محلول من علي ماكينة ادامي من بورسعيد كل حاجة موجودة ان شاء الله طالما العربية لسه بتمشي علي الارض

**ahmed_elshafey** · 09-05-2014 02:38 AM

المشاركة الأصلية كتبت بواسطة mohandelboshy

يا باشا انا لسه جايب كربراتير نضيف وسعره كويس جدا ومتلعبش فيه قبل كده محلول من علي ماكينة ادامي من بورسعيد كل حاجة موجودة ان شاء الله طالما العربية لسه بتمشي علي الارض

اه طبعا موجود بس مش هتلاقى سليم مية فى المية بالاضافة ان فيها لف, و بورسعيد مافيش حاجة مش موجودة فيها. المشكلة فى أى كاربراتير أن هتجيب استيراد و بالتجربة يعنى ممكن تقعدلك يومين تلاتة عقبال ما تلاقى واحد صح حتى بافتراض أنك عارف الناس الصح و فيها سفر و تعب. و دى حصلت معايا فى 92 كانت جايالنا تجارة. الانجكشن هتريح دماغك من الكلام ده خالص بالاضافة لأن النهاردة اللى لاقيينه بكرة الله أعلم هيحصل ايه.