مساء الخير
بكام ممكن يوصل تنضيف الثلاجة والعلبة والسربنتينه لتكييف دايو لانوس
وها ده يحتاج اعادة شحن للفريون
عرض للطباعة
مساء الخير
بكام ممكن يوصل تنضيف الثلاجة والعلبة والسربنتينه لتكييف دايو لانوس
وها ده يحتاج اعادة شحن للفريون
تنضيف التلاجة بتاعة لانوس بيكون بغسلها
وتنضيف السربنتينة الامامية بتاعة التكييف بيكون بغسلها فى المغسلة
والموضوع دة هيفيدك جدا عشان توفر على نفسك ومحدش يشتغلك
http://www.nilemotors.net/Nile/375940-a.html
يا عم مصطفى
الفيديو ده رائع
لكن أنا مايجيليش قلب أعمل كده ... لإن الميه لو بهدلتلى حاجة فى العربية .... هاغنى ظلموه
دا غير إنى مش من هواة العمل بإيدى
لكن دا مايمنعش إن أكون فاهم عشان ماحدش يعمل ناصح عليا
الشغل ده لو فى ورشه ممكن يتكلف كام وهل الورشة بتخرج التلاجه بره العربية وتنضفها ولا بيتم التنضيف فى الداخل برضه
هل التنضيف بيحتم شحن الفريون ولا ده مالوش علاقه
نسيت أشكرك على إهتمامك
و انت فاكر انك لما تعمل الشغل فى مكان مش ممكن يغرقولك العربيه مية و يبوظلط السربنتينه و هو بيطلعها كمان؟؟
انا يشتغل بايدى ف حجات كتير فى العربيه مش لسبب انى بحب ده بس لكن مضطر ايضا بسبب ان الحجات اللى احنا بنعملها لنفسنا بنعملها صح و بمزاج - شغل المعلم لنفسه - مش كروته و طسلقة، و الصنايعى من دول بيبقى شايف نفسه معملم المعلمين و هو حمار اساسا مش فاهم حاجه و بيشتغل غلط قدامك تيجى تكلمه يحسسك انه عالم عظييم جداا و كانوا بياخدوا مشورته و هما بيصمموا العربيه و يبصلك بقرف و احتقار و إزدراء و اشمئزاز و يلملحلك كده يا تقعد ساكت يا تاخد عربيتك و تغور ،و لسان حاله يقول : ما تسيبنى ابوظ العربيه براحتى يا اخى،، انت حتقرفنى ليه ديه مش اول ولا اخر عربيه ابوظها، احمد ربنا اساسا انى وافقت انى ابوظ عربيتك.
حاجه تقرف بجد
مالك يا عزيزى ... متعصب ليه بس
أنا مابعملش حاجة فى العربية بإيدى ((ماغلطش)) .... وحتى لو شوفت الموضوع بيتم إزاى ... برضه أخاف أعمله .... أما بالنسبة للورش المحترمة موجودين فى البلد بس الواحد يدور ... أنا عاوز أعرف التكلفة ممكن تكون بكام .... دا غير إنى بسأل هل بيتم التنضيف جوه العربيه زى الفيديو اللى عامله مصطفى ولا بيتم إخراج التلاجة بره جسم العربية ويتم التنضيف
بس
انا مش متعصب عليك و لا متضايق منك لكن انا اتخنقت بجد لانى عمرى ما رحت لاى صنايعيى و لقيت شغله مظبوط فى كل حاجه و بيبوظوا فى الحجات السليمه كمان
بمناسبة الصنايعية
الميكانيكى اللى بتعامل معاه فى أكتوبر وكنت بروحله وأنا معايا فى الأول 128 ومرتاح تماما معاه
لما جبت الدايو
قولت لا ... أنا أروح المراكز الصيانة .. هوا إيه فهمه فى الدايو
وتباعا لهذا المبدأغيرت اسطوانة وديسك وبلية 3 مرات وكل بفلوس حلوه
لحد ما روحتله .... قاللى 1 2 3 ودفعت تلت المبلغ اللى بدفعه وأهو إسمه ورشه صغيره مش مركز
صدقنى المحترميم واللى بيراعو ربنا فى شغلهم موجودين بس فى الزمن ده أصبحوا عمله نادرة
انا اشتغلت سنه فى مركز صيانه ل bmw و ضوفت مهازل بمعنى الكلمه بتحصل فى عربيات و بتعدى و صحابها لو كانو شافو اللى حصل كانت حتحصل كوارث
مركز الصيانه كان شكله شيك جدا اشيك من توكيلات معتمده و معندسين استقبال و يونيفورم و شغل .
ده غير ان الواحد كان بيشوف ناس شغالين فى توكيلات تانيه سمعتها ممتازه فى مصر على انها احسن التوكيلات، فى كوارث بتحصل و محدش بيدرى بيها
اقولك مثال، مره واحد راح يغير زيت و بدون الخوض فى تفاصيل خرج بعربيته و موتورها نقص من عمره على الاقل 100 الف كيلو مشى، طبعا الراجل ماخدش باله و مشى و الدنيا تمام و ممكن يكون راح كمان قعد مع صحابه و شكر فى المكان
:stink[1]:
برضه السؤال مازال قائم
فعلا المحترم عمله نادرة جدا فى الزمن ده و انا عن نفسى لحد دلوقتى ملقتش واحد منهم
انا برضو كان معايا 128 و كنت بتعامل مع ميكانيكى و كنت بثق فيه جدا لحد ما مرة كان بينضفلى التنك و بعد ما مشيت اكتشفت بالصدفه بعديها بفتره انه مش حاطط الصاجه الحمايه بتاع التنك خالص رجعلته قالى اصلها دايبه و كانت بايظه خالص و كلها بارومه و انا كنت عارفها كويس لانى دايما بنزل ابص تحت العربيه مكنش فيها صدا اصلا مش بارومه قالى طيب حجبهالك بس اجبهالك منين دلوقتى اصلها بايظه و انا رمتها فى الخرده
فى الاخر جابهالى و ركبها، بس قرفت منه الصراحه
لسة شايف الموضوع دلوقتى على فكرة
بص ياباشا
عشان ينضفها بالطريقة العادية اللى هيحصل كالاتى لو هو صنايعى محنك
هيفك الكرسى اللى جنب السواق وهينام على ضهرة وهيقطع حتة صغيرة من العزل بتاع العربية فى الصدر وهيفضل شغال عميانة لمدة حوالى نص ساعة لحد ما يفك المسامير
وبعدين هيفضل يصارع العلبة حوالى ساعة عشان يطلعها من مكانها وبعد كدة هيغطى الكنترول بتاع العربية بكيس وبعدين هيحط طبق بلاستيك تحت التلاجة وبعدين هيششتغل بالخرطوم
موضوع ان عربيتك هتغرق مية وهو شغال فدة موضوع اكيد ومنتهى
الكلام اللى فات دة كلة على افتراض انة صنايعى مخضرم وهياخد منك ما بين 200 او 250ج
لكن لو هو صنايعى غشيم فيبقى احسن مقولكش اية اللى هيحصل
وفية صنايعية بتوع تكييف مبيرضوش يعملوها
باشا احب اشكر حضرتك على تعبك وفيديوهاتك والشرح اللى بتعمله لينا
انا شوفت الفيدو بالصدفه عل اليوتيوب وكنت عاوز ابعت اسالك ينفع نستبدل خرطوم المياه بخرطوم الهواء بتاع الكمبروسر زى اللى فى البنزيته
لانى اولا معنديش مكان اعمل فيه كده ثانيا اخاف اعمل كده الميه تدخل على الاسلاك لان عربيتى ملعوب فيها كتير وصاحبها القديم مكانش مهتم بيها فممكن اعمل حاجه ابوظ كذا حاجه
فهل ينفع انضفها بضغط الهواء
اعتقد ان المية بتدوب الطينه و تنزلها انما ده مش حيتحقق مع الهواء
اولا احييك على اشادتك بى واحب اوضح لك الاتى:
1 - الهوا عمرة ما هينضف الجلخ والطين المتجمد اللى على التلاجة لازم مية مندفعة بقوة
2 - المنطقة اللى هتشتغل فيها مفيهاش اى حاجة كهربا ممكن تتأثر طالما التزمت بكل الخطوات اللى فى الفيديو حرفيا
3 - انا متأكد من كل كلمة بقولها لانى مفكك عربيتى بايدى حتة حتة لحد ما وصلتها لكدة
http://www2.0zz0.com/2014/05/06/18/496540693.jpg
ههههههههههه انا عملت كده فى ال١٢٨ لكن اللانوس مجنيش قلب اعمل فيها كده
عاوز اقولك انا لما بشغل الهوايه بتاعه التكييف بتردم تراب والموضوع ده مضايقنى جدا
فقولت اعملها بالهواء لعدم وجود مكان اعمل فيه اللى حضرتك عملته واجيب خرطوم مياه وكده وخصوصا انى بتحرج اعمل حاجه فى الشارع وكده
وانت عارف الناس مبتسيبش حد يعمل حاجه فى حاله
حتى فى الفيديو كان فيه واحد بيقولك الحق العربيه بتنزل ميه من تحت سمعته وقعدت اضحك هههههههههههه
هههههههههههه
دة كان فية فضايح
دا لولا المونتاج اللى انا عملتة كنت سمعتك حاجات غريبة
الى يقولى العربية بتعمل حمام مية من تحت هههههه
والى يقولى انت بتحمى العربية من جوة
واللى يقولى انت قرفت منها للدرجة دى
وطبعا كلهم جيرانى ولو مكنتش عملت مونتاج كنت سمعتك احلى ردود والش وقفشات بينى وبينهم
نييجى بقة للجد
اوصفلى اللى بيحصل معاك بالظبط وانا اقولك تعمل اية
طب هى نفس الفكرة تنفع للنوبيرا 2 بنفس الخطوات
ههههههههههههههع
بص انا التكييف عندى عاوز يتشحن على كلام اللى اشتريت منه العربيه بس عارف طبعاان اكيد فيها خازوق كمان
بس انا لما بقفل الازاز بشغل المروحه للتهويه بتطلع هوا بتراب فظيع وكل مره على كده
انهارده الدنيا شتيت وقفلت الازاز وشغلتها ومن ساعتها عينى بتحرقنى من التراب
طبعا لازم احل المشكله دى قبل ما اعمل التكييف
على الوصف دة انت المكان اللى قبل المروحة والسربنتينة مليان تراب ولازم تنضيف لانك لو شحنت على كدة هيبقى التكييف بتراب وبعد كام يوم التراب هيتحول لطينة وهيسد الشرايح وهتلاقى ريحة كمكة طالعة مع التكييف وهتبقى نسبة الرطوبة عالية
انت محتاج تبص على الموضوع دة
http://www.nilemotors.net/Nile/374820-a.html
بس هو عشان طويل شوية فانت هتبدأ تقرا من عند الصورة دى
http://www8.0zz0.com/2014/05/07/10/553606702.jpg
صنايعية التكيف بيريح دماغه وهيفك التابلوه بالكامل وهيخرج السربنتينه بره وبالتالي هيحتاج شحن تاني وبتتكلف من 350 جم الي 500 حسب الصنايعي
وفر علي نفسك واعملها بايدك او شوف حد من الزملاء الي عملوها ينفذلك الفكرة
الحمدلله تمت على خير
كان عندى مشكله مع التكيف من فتره
http://www.nilemotors.net/Nile/377945-a.html
من يومين روحت لمطراوى
كشف ويمين شمال المشكله ان فى تسريب من جو
طب الحل ايه يا عم احمد قلى هنفك التابلوه ومش انهارده كمان بكره بقى
وفعلا ده اللى حصل فك التابلوه وبصراحه ممتاز رجعه زى ما كان
طبعا بقى مفيش تسريب خلاص وكمان نضف كل حاجه فى سكته والتكيف دلوقتى عشره على عشره حتى الآن والحمدلله التكلف الاجماليه 500 جنيه
سؤال بقى بعد اذن صاحب الموضوع
هل اللغى سربنتينه السخن عشان الاداء يكون افضل وافضل (عمرى ما استحدمت السخن ولا هستخدمه )
تانى حاجه هعملها بصراحه انى هعمل فلتر زى ما ا/ مصطفى علمنا بس هستنى شويه كده استفيد ب 30 % اللى هيضيعو عليا ما انا لسه بقى كله نظيف فى نظيف
فين المطراوى ده يا جماعة
أنا ساكن فى منطقتين الهرم وأكتوبر
يا ترى فى حد هناك مشهودله بالحرفية
طيب سؤال كمان لو سمحتوا
هل التنضيف يوجب الشحن مرة أخرى ولا دى عمليه منفصلة
شكرا لكل من ساهم
النتيجة مبهرة
التكلفة 280 جنيه شحن 150 جنيه فك وتركيب 90 طقم وايرات