الموضوع: تجاربكم مع شهر العسل

المشاركة الأصلية كتبت بواسطة minicooper20

لا يا راجل ٢٥٠٠ دولا احنا الاتنين
و شامل كل حاجه دول كام يوم

أيون...

شاكب راكب.

السعر دة للتواريخ إلي حضرتك سألت عليها بالظبط.

جرب expedia و-travelocity.

إسأل كمان في مصر عند travco و-thomascook.

المشاركة الأصلية كتبت بواسطة minicooper20

بص طيب انا عارف قرفتك بس انا اخدت قرار انى رايح الكاربيان خلاص
دلوقتى السعر ده لى rivera maya
ولا النتا رايحو كمان اسبوعين
و هل الطيران هيكون القاهره كانون هيكون فين هناك انا مش عارف لما بسرش بيقولى مفيش فنادق فاضيه فى المعاد ده يمكن انا نت عندى وحش
مشكله انى اصلن مش فى مصر لو هطلع من جده كامت بقت اسهل او من دبى
لاكن من القاهره مش عارف تتعمل ازاى

السعر دة riviera maya فعلاً وهو إلي أنا رايحه كمان اسبوعين نفس الفندق إن شاء الله.

في شهر 7 رايح punta cana بإذن الله.

الحجز ممكن من applevacations.com لو قبل ال-credit card بتاعك. أو تشوف agent من مصر.

الطيران لو stop وحدة يبقى من مصر على أوروبا ومن أوروبا على cancun.

دي لستة ال-airlines اللي بيطير ل-cancun.

Cancun Airport - Official Cancun International Airport Airline Directory Information

المشاركة الأصلية كتبت بواسطة minicooper20

حبيبى والله
اه ابيل بيقبل الكريدت بتاعتى
بس مشكله فى طيران
التكت ب ١٤ الف جنيه تقريبا يعنى ٢٠٠٠ دولار
هو ده بجد و لا انا بسرش غلط

أعتقد السعر صحيح...

لو عايز تعمل حاجة تمام...بفرض إن معاك فيزا USA تقسم الرحلة وتضربلك يومين في فلوريدا أو نيو يورك مثلاً

كدة ممكن تاخد رحلة أرخص وفي نفس الوقت تكسر طول الرحلة...طبعاً أنا أيدي في المية الباردة بس بحول أفكر معاك.

لنفس السبب أنا فكرت من الأول في إقتراح المغرب مثلاً عشان سعر الطيران.

اللي أقدر أقوله إن mexico والكاريبيان رحلة تستاهل ومش هتتنسي طول العمر.

المشاركة الأصلية كتبت بواسطة minicooper20

اقل سعر لقيتو على الخطوط الكنديه كان ٣ الف دولار كندى
كده هنعيد التفكير بقا لان لو تكت الطيران لى فردين ٦ الف دولار
دنا اعود فى المالديف لاكن
انا مش عارف اشكرك ازاى على مساعدتك دى
و ان شاء الله هبلغك بالجديد
و نتمنى حد من بتوع الطيران معانا فى المنتدى يفدنا

يا باشا تحت أمرك...

ربنا يوفقك للإختيار الصح وإن شاء الله شهر عسل سعيد.