اقتباس المشاركة الأصلية كتبت بواسطة hema_basha مشاهدة المشاركة
شكرا يا باشا علي اهتمامك بالموضوع
الموضوع لسه قيد الدراسة والموضوع كله متوقف علي حتة السعر دي لو كويس وفي متناول الجميع يبقي تمام
السعر طلع عالي نشوف حاجة تانية واصلا القطعة اللي هيستوردها دي معروف سعرها مسبقا 57 جنيه استرليني بمصاريف الشحن
والموضوع متوقف علي حاجتين عدد الاعضاء اللي هيدخلوا معانا والسعر
أحب اقول لحضرتك بردو خبرتي مع التيل بالذات لأني بغيره كتير وعلي فترات قريبة في عربيتي السيات ابيزا 99
العبرة مش التيل هيقعد قد ايه في العربية
لسببين
1- جودة الخامات
2- اسلوب القيادة والسرعات عند التوقف

يعني افرض انا كل خروجي بالعربية سفر من وإلي اسكندرية (هنفترض ذلك)
يعني مثلا همشي بالعربية حوالي 200 كم مش هدوس فيهم علي الفرامل اكتر من 10 او 15 مرة بالكتير اوي
وبالتالي ممكن اغيره علي 30,000 كم
ولو انا مشاويري كلها وسط البلد ودائري - يعني وارد اكون ماشي علي 80 واهدي وانزل علي 40 واطلع وانزل بالسرعات كتير في مسافات قليلة (من الهرم لمدينة نصر مثلا 35 كم وممكن تطلع ل120 وتنزل ل30 اكتر من 55 او 6 مرات في المشوار) وبالتالي هتلاقي استخدامي اليومي للفرامل حوالي من 120 - 150 مرة في اليوم
وبالتالي ممكن اغير تيل علي 6000 او 10,000 في احسن الظروف

اما بالنسبة للخامات
عندي في عربيتي في اكتر من خيار ابتداء من 100 ج وحتي 200 ج
وكان قدامي تيل الماني ثمنه 200 جنيه بس التاجر قالي خلي بالك دة بيخلص بسرعة مش هيكمل 6000 كم معاك
ليه يا عم
قالي دة تيل معمول عشان يخلص بسرعة بس ميزته انه بيحافظ علي الطنبورة اطول فترة ممكنة واللي هتدفعه في التيل هتوفره في الطنبورة

وطبعا الكلام دة منطقي جداً - لأن فعلا التيل الخشن اللي بيقعد سنين في العربية بيفرم الطنبورة وبدل ما هو اللي بيخلص الطنبورة هي اللي بتخلص لأنه بياكل هو منها مش هي اللي بتاكل منه
فهمت قصدي ؟؟

تحياتي مرة اخري لشخصكم الكريم
وسعيد بالمناقشة مع حضرتك

والله المستعان
،
،