Persona 2014 or Gen 2 2014

**Momen.H** · 06-05-2014 06:15 PM

السلام عليكم ورحمة الله وبركاته

Persona 2014 or GEN 2 2014

انا يا جماعة محتار ما بين البيرسونا والجين 2 انا الي لاحظتو لما رحت المعرض البيرسونا تختلف عن الجين في اتساع الشنطة والصالون ومثبت السرعة وشوية اكسيسوريس خارجية الهاند نيكل مثلا وهكذا والموتور بتاع الاتنين واحد فكنت عايز اعرف ايه الافضل.
انا بصراحة شكل الجين 2 عجبني بس البيرسونا شايفها عائلية اكتر وده هينفعني عشان العائلة.

ياريت اعرف عيوب الاتنين وانهي افضل كاداء ومميزات.

**kokowasfy** · 06-05-2014 06:34 PM

الموضوع يرجع عليك الاتنين واحد من حيث العفشة و المتور لكن الشكل و الشنطة ترجعلك على حسب استعمالاتك و احتيجاتك انا شايف الجين شبابية اوى و شكلها شيك و البيرسونا حلوة و عائلية

**Momen.H** · 06-05-2014 07:06 PM

منا شاب :) وعيني هتطلع علي الجين 2 لو مفيش فرق مابينها وما بين البيرسونا هجيب الجين 2 انشاء الله, بس انا سمعت ان الجين 2 مش ثابتة زي البيرسونا علي الارض في السرعة العالية يا تري فيها عيوب تانية؟

**Omar Mahmoud** · 07-05-2014 01:24 AM

المشاركة الأصلية كتبت بواسطة Momen.H

منا شاب :) وعيني هتطلع علي الجين 2 لو مفيش فرق مابينها وما بين البيرسونا هجيب الجين 2 انشاء الله, بس انا سمعت ان الجين 2 مش ثابتة زي البيرسونا علي الارض في السرعة العالية يا تري فيها عيوب تانية؟

السلام عليكم و رحمة الله و بركاته
نفس الحيرة كنا فيها في سنة 2010 وقت ما كان اخويا بيشتري و بعد كدة جاب الجين 2 هي مش ضيقة من ورة علي فكرة ساعات بيعد فيها تلاتة كبار و مش مدايقين و مش مزنقين اوي و انا و في اخويا و والدي و والدتي بنركبها و انا طولي معدي 173cm و بركب ورة و مش بخبط في كرسي السواق و مرة واحد قريبي طوله185cm و عريض قعد ورة و كان مرتاح.و اهلا بك في عالم الاشاعات انا مش قادر افهم ليه البيرسونا و الجين2 الناس مش مقتنعة انهم واحد لأن انا سمعت ان فرامل البيرسونا اوحش من الجين2 بكتير و مرة حد يقول فرامل البيرسونا احسن من الجين2 بكتير و ده كله غير صحيح لأنهم واحد في كل حاجة بما فيها العفشة و ثباتها عالي بردو و الاتنين زي بعض.
انا عندي حل للمشكلة لو محتاج عربية عائلية خليهم يركبوا الاتنين من ورة و اللي يرتاحوا فيها اكتر اشتريها و بالنسبة للشنطة انا شايف ميزة في الجين 2 ان الرف الخلفي بيتشال فكدة في مساحة اعلي للتخزين. وبالتوفيق و اسف للاطالة.