بقالى فترة ماكنتش بادخل المنتدى من كتر مازهقت من الكلام الكتير عن الصنى وطبعا كلنا لاحظنا قد ايه العربية كانت تحت الميكروسكوب وناس كتير كانت كل مهمتها فى الحياة ابراز عيوبها ( وهى بالطبع فيها عيوب ) لكن هل هى عيوب جوهرية ؟ هل العيوب دى مش موجودة غير فى الصنى !! هل يصح ان يدخل اعضاء من غير ملاكها ينصحوا بموديلات اخرى ( مثلا البيجو 301 والسى اليزيه مع احترامى لكل ملاكها ) !! .. طيب عيوب الصنى تتلخص فى 1- تيل فرامل سىء فى بعض السيارات مش كلها .. 2- شكلها مش عاجب بعض الناس ( أذواق ) .. 3- صاج ضعيف نسبيا ... 4- كاوتش صينى كل عيبه انه بيلم زلط .. وعموما مش هاتكلم عن مزايا العربية لأنه مش موضوعنا .. اللى لفت نظرى انه نفس المشاكل وأكتر موجودة فى موديلات تانية وماحدش من ملاك الصنى دخل اى منتدى وعمل موضوع او حتى مشاركة يكره الناس فى عربياتها زى مااتعمل هنا فى منتدى نيسان وده بالمناسبة يحسب لأعضاء منتدى نيسان قمة الذوق والأحترام .. عاوز اقول لكل اللى كان بينصح ب بيجو 301 والسى اليزيه ايه اخبار التيل والطنابير !! ايه اخبار نتشة الفتيس ؟؟ هل قطع الغيار معمرة !! وأيه اخبار التوكيل ؟؟ ايه اخبار سحب العربية مع التكييف !! أكيد فيه شكاوى وعيوب بس ماحدش من نيسان دخل وعمل زى مانتوا عملتوا وحاول يخلى الناس تكره نفسها وعربياتها .. أنا باقول لأى حد عاوز تنصح او تقول وجهة نظرك يبقى عن تجربة ومقارنة علمية ويكون فى سبب انك مهتم بالموضوع وكمان اللى بيتكلم عن اى عربية يراعى مشاعر ملاكها ومايتكلمش بسخرية وأستهزاء لأن فى ناس نفسها بتقف من عربيتها والسبب كلمة من ناس لاتوزن كلامها بميزان العلم والعقل