LG G Pro Lite Dual - Full phone specifications
عرض للطباعة
أولا ماحدش عنده ضمير حاليا, والواحد بيخاف يشترى جديد مابالك مستعمل.
ثانيا عايز أقولك أنى أشتريت موبايلين قبل كده, واحد ال جى والتانى الكاتيل, والأثنين باظوا منى لأسباب قد أو قد لايكون أنا السبب فيها:angelwings:, واحد منهم بعد أربع ساعات من ما أشتريته.
والموبايلين دخلوا الضمان واحد أتصلح والتانى أتبدل, والأثنين على فكره كانوا soft brick يعنى لو أتنططت جنب الموبايل كل اللى معاك حتة طوبة بلاستيك وزجاج بتلمع.
لما تشترى أشترى جديد وموبايل ضمانه بجد مش لم فلوس وخلاص, حاليا معايا Xperia C ب 2200 جم, بس للأسف شايف أنى ضيعت فلوس على موبايل كان ممكن أعمل بيها حاجة تانية أفضل, حتى بعد مافحت الموبايل games, emulators, و streaming من على الكمبيوتر شايف أنه ماكانش ليه لازمة, وأى موبايل أندرويد ب 1000 هيقضى مكانه.
وحاجة بتعدى على ناس كتير, قبل ماتشترى فكر هاتشيل الموبايل فين وأزاى, لو جبت موبايل 5 بوصة وحطيته فى جيبك هيتبهدل, وممكن يبقى كبير على أيدك وتضايق تطلعه فى الشارع أو تعمل منه مكالمات.
على رغم أنى كنت بنزل custom roms وببهدل الموبايل تجارب, لكن برضه لقيت الموضوع مش جايب همه.
2200 جنيه علشان راديو و mp3 player وموبايل كتير برضه, وده اللى انا محتاجه حاليا, حتى مابقاش فيه حاجة مسلية ألعبها.
وال Xperia C كبير بغباء بالنسبة لموبايل (هو phablet أصلا), ده أنا بالبس جاكت علشان أحط الموبايل فى الجيب بتاعه :stink[1]:.
الله يرحم أيام الموبايل ال 3.2 بوصة.
الكاتيل m pop كويس جدا و تقريبا بالف او اقل