الموضوع: بنفكر في رحلة للمنتدي لشرم الشيخ ايه رايكم ؟ادخل اعرف التفاصيل

سلام عليكم ورحمه الله
بما اننافي صيف والعيال خلصت امتحانات وبقالنا كتير بنفكر في رحلة مع بعض تستاهل تعبها
ايه رايكم في رحلة لشرم
اوتيل يكون معقول 4 نجوم واول انكلوزيف عشان منشيلش هم اكل وشرب ولا انتقالات كمان
بفكر مثلا في تيرانا اكوا بارك
ده سعر الغرفة المزودجة فيه خلال شهر مايو 570 جنيه
يعني في 3 ليالي علي فردين = 855 للفرد
قول هانحطل كمان 150 انتقالات بالجو باص يبقي النهائي حوالي الف جنيهع للفرد في الغرفة المزدوجة
ولو جمعنا عدد كويس هانخد ميكروباص او اتوبيس صغير رايح جاي عشان منشيلش هم ويبقي في نقطة تجمع واحدة
اول انكلوزيف يعني فطار وغدا وعشا وسناكس ومشروبات (بيبسي وعصير وشاي وقهوة ونسكافيه) طول اليوم فري وبين الوجبات في ساندوتشات وفاكهه وايس كريم
اوتيل كبير جدا وفيه اكوا بارك كبيرة جدا عشان منحتاجش نخرج برة
وفي قدامه حيد بحري بنروحة بالشاتل باص بتاع الاوتيل عشان اللي عايز يعمل سنوركلينج برضه مش محتاج يطلع برة الاوتيل

لو لقيت جدية منكم ممكن نشوف حجز اول يونيو مع اني متوقع الاسعار تزيد شوية بس هانحاول ناخد نفس السعر
الجميل في الاوتيل ده ان الطفل الاول لحد 12 سنة ببلاش والتني 50 % لكن ممكن نضيفه علي غرفة حد معاهوش اطفال :-)
يعني لو معاك طفلين تحت 12 مش هاتدفعلهم حاجة لكن فوق 12 هاتدفع فرد كامل
وكمان اللي بياخد اطفال ممكن ياخد سرير اضافي مجانا
لينك علي تريب ادفايزور
ومتنسوش ان السعر مقابل القيمة معقول بالنسبة لاوتيلات نزلت فيها كتير

‪TripAdvisor‬ - ‪مصر‬, ‪خليج نبق‬ فى ‪‪Tirana Aqua Park Resort‬‪ 4*‬‬ تعليقات حول فندق : ‪‪Tirana Aqua Park Resort‬‪ 4*‬‬

لو مناسب ممكن نفكر فيها بعد الانتخابات مباشرة اول جمعه اللي هي من 29 مايو الي 2 يونيو
في انتظار رايكم

تعديل بسيط في سياسة الوتيل للاطفال :

الاطفال : الطفل الاول حتى 12 سنه مجانا– الطفل الثانى من 6 الى 12 سنه 50% من سعرالفرد فى الغرفه المزدوجه

-----------------------------------------------------------------------------------------------------


يا جماعه
تروبيكانا سي بيتش اتقفل خلاص الحجوزات لحد اخر يونيو
دلوقتي احنا بنتكلم في تيرانا اكوا بارك
الاسعار اهي :

الفرد فى الغرفه المزدوجه
825

الفرد فى الغرفه الثلاثيه
750

الغرفه المفرده
1300

الاشخاص اللي معاهم فردين و 3 اطفال
رسميا ناخدلهم غرفتين سينجل الواحدة ب 1300

فعليا
هانضيف الطفل التالت علي اي حد معاهوش اطفال


الكلام النهائي
مينفعش نطلع اقل من 10 غرف عشان ناخد سعر كويس كدة
يعني 20 فرد بالغ

ولازم نكون 30 فرد عشان نعرف نطلع الوتوبيس السياحي
اخر يوم لابلاغي بالعدد والحجز يوم الاحد 11 مايو قبل 12 الظهر عشان اقدر اعمل ايداع للحجز في البنك
-----------------------------------------------