ياةةةة . وبدات ايام مبارك ترجع (التوقيت الصيفي)

السلام عليكم

لقيت خبر يضحك . (الوزراء: تطبيق التوقيت الصيفى 15 مايو وإيقافه خلال شهر رمضان)

وافتكرت ايام مبارك بك والحكومة الي مش لاقية حاجة تعملها .

........................ (نص الخبر)
قال السفير حسام القاويش المتحدث باسم رئاسة الوزراء، إنه تقرر تطبيق التوقيت الصيفى من الخميس القادم 15 مايو وإيقافه خلال شهر رمضان ثم عودته بعد انتهاء شهر رمضان.

http://www1.youm7.com/News.asp?NewsI...6#.U2qV4PmSzKM
.........................

واضح اننا هانرجع بالساعة للخلف 5 سنين . ونبدا من جديد في كل حاجة

وكأن ثورة لم تقم . وكأن نظاما لم يسقط .

بالفعل الثوره المسروقه فشلت للأسف وانتهى عصر حسنى مع جمال وعلاء وجاء عصر عبدالفتاح مع محمود ومصطفى

عمر البلد ماهاينصلح حالها
قمه التخلف
قال ايه هتيرجعو التوقيت الشتوي تاني في رمضان
ناقصين توتر ولغبطه
ناقص قرار كمان وتبقي فل الفل
الغاء سير النقل بجميع انواعه علي الصحراوي
خميس وجمعه وسبت
وتحويله للزراعي الفاضي
علشان يستمتعوا بامان الطريق الي مارينا

المشكلة فى رمضان هنفطر الساعة 8وربع المغرب
فى عز الصيف الحار يا مثبتنا على دينك يارب

سؤال ليكم كلكم تحديدا الى رابط عودة التوقيت الصيفى بايام مبارك الله يجحمه مطرح ما راح

سؤالى هوة

هل التوقيت الصيفى دة كان شىء خاص بحكومات مبارك ام انه اجراء عالمى متبع فى كثير من الدول من بيها اوروبا ؟

رجاء الاجابه على هذا السؤال

المشكلة ان الموضوع ده أثبت فشله فى توفير الطاقة على أساس أننا حنأجل فتح النور ساعة زيادة
بس قصاد كدة اللى بيحصل فعلياً إن النهار بيطول وشمس الصيف بتقعد ساعة زيادة يعنى الناس حتشغل التكييفات ساعة زيادة يعنى استهلاك كهرباء ساعة زيادة.....!!
طبعاً مع وجود شهر رمضان فى الصيف يعنى الساعة حتتغيير 4 مرات فى أقل من 5 شهور
طبعاً ده حيسبب فوضى جميلة جداً فى كل المنشآت إللى فيها أجهزة كمبيوتر أو ربط بالinternet إللى طبعاً مش حتقدر تتخيل وتتأقلم على النظام العبقرى ده إللى موجود فى مصر. بالتالي ده حيخللى فى لخبطة فى البنوك والبورصة والموانى وحجوزات الطيران والرحلات البرية والبحرية لأن الدول التانية مش فاضية للعب العيل ده، كل شهر على توقيت
بالإضافة إلى اللخبطة إللى كلنا بنعانى منها فى أجهزة الكمبيوتر والتليفون والتليفزيون وماشابه

اقتباس:

---

المشاركة الأصلية كتبت بواسطة mmtronic

سؤال ليكم كلكم تحديدا الى رابط عودة التوقيت الصيفى بايام مبارك الله يجحمه مطرح ما راح

سؤالى هوة

هل التوقيت الصيفى دة كان شىء خاص بحكومات مبارك ام انه اجراء عالمى متبع فى كثير من الدول من بيها اوروبا ؟

رجاء الاجابه على هذا السؤال

---

متبع فى كثير من دول العالم
بس ليه.....؟
علشان توفير الطاقة....ازاى؟
لانه بكده حيخللى الناس تفتح النور للاضاءة وأجهزة التدفئة ساعة متأخرة اعتماداً على نور وحرارة الشمس
يبقى إيه المشكلة. .....؟
احنا عندنا الموضوع عكس كده خالص
أوروبا عندها نقص فى الشمس والناس نفسهم فيها وحيموتوا عليها
إنما احنا عندنا الشمس زيادة والناس فى الصيف حتموت منها فحيشغلوا التكييفات زيادة بالإضافة إلى المشاكل الأخرى زى ما شرحت فى مشاركتى السابقة

يبقى تطبيقه منتهى الغباء
والغباء مرتبط بالحكومات السابقة

اقتباس:

---

المشاركة الأصلية كتبت بواسطة k.ossama

متبع فى كثير من دول العالم
بس ليه.....؟
علشان توفير الطاقة....ازاى؟
لانه بكده حيخللى الناس تفتح النور للاضاءة وأجهزة التدفئة ساعة متأخرة اعتماداً على نور وحرارة الشمس
يبقى إيه المشكلة. .....؟
احنا عندنا الموضوع عكس كده خالص
أوروبا عندها نقص فى الشمس والناس نفسهم فيها وحيموتوا عليها
إنما احنا عندنا الشمس زيادة والناس فى الصيف حتموت منها فحيشغلوا التكييفات زيادة بالإضافة إلى المشاكل الأخرى زى ما شرحت فى مشاركتى السابقة

يبقى تطبيقه منتهى الغباء
والغباء مرتبط بالحكومات السابقة

---

يعنى كل الدول الى بتطبقه عندها نقص فى الشمس طيب و الدول الغير اوروبيه عندهم نقص فى الشمس و حيموتو عليها برضو :-)

شكرا على اجابه السؤال

ظيتاااااااااا

اقتباس:

---

المشاركة الأصلية كتبت بواسطة mmtronic

يعنى كل الدول الى بتطبقه عندها نقص فى الشمس طيب و الدول الغير اوروبيه عندهم نقص فى الشمس و حيموتو عليها برضو :-)

شكرا على اجابه السؤال

---

حضرتك قرأت وجهة نظرى على بعضها فى المشاركاتين إللى كاتبتهم فوق
رأى حضرتك إيه فى النتيجة النهائية لما بنطبق الموضوع ده فى مصر.
بيوفر وﻻ بيزود الاستهلاك..؟

كل مكتسبات الثورة راحت واحده واحده
وآخرهم التوقيت الصيفى
ههههههههههههه
عليه العوض ومنه العوض

اقتباس:

---

المشاركة الأصلية كتبت بواسطة mmtronic

يعنى كل الدول الى بتطبقه عندها نقص فى الشمس طيب و الدول الغير اوروبيه عندهم نقص فى الشمس و حيموتو عليها برضو :-)

شكرا على اجابه السؤال

---

ياريت حضرتك تبص كده على ويكيبيديا وأكتب
توقيت صيفى أو Daylight saving time
وشوف الصورة والإيجابيات والسلبيات إللى مكتوبة

امريكا فيها موضوع التوقيت الصيفي

عادي يعني و اكيد الموضوع ده ليه هدف معين

اقتباس:

---

المشاركة الأصلية كتبت بواسطة k.ossama

ياريت حضرتك تبص كده رغم ى ويكيبيديا وأكتب
توقيت صيفى أو daylight saving time
وشوف الصورة والإيجابيات والسلبيات إللى مكتوبة

---

سيدى الفاضل

تطبيق الانظمه لا تكون بوجهات النظر كما هو الحال عندنا فى مصر ( هههه كل واحد فينا له وجه نظر تخيل )

انما تطبيق الانظمه تاتى بالاحتياج و النتائج و الارقام و الاحصاء و ليس الاهواء

حضرتك ذكرت ان هذا النظام عديم الجدوى فى التوفير رغم تطبيقه فى كثير من الدول - اسمحلى اسالك - ما هو مصدر معلوماتك - هل هو ويكييديا ؟

التوقيت الصيفي بقت ماؤظركة مباركية مسجلة

اقتباس:

---

المشاركة الأصلية كتبت بواسطة mmtronic

سيدى الفاضل

تطبيق الانظمه لا تكون بوجهات النظر كما هو الحال عندنا فى مصر ( هههه كل واحد فينا له وجه نظر تخيل )

انما تطبيق الانظمه تاتى بالاحتياج و النتائج و الارقام و الاحصاء و ليس الاهواء

حضرتك ذكرت ان هذا النظام عديم الجدوى فى التوفير رغم تطبيقه فى كثير من الدول - اسمحلى اسالك - ما هو مصدر معلوماتك - هل هو ويكييديا ؟

---

رغم ان السخرية فى كلام حضرتك غير مبررة.....
أنا عامة طبيب مش مهندس طاقة ولا كهرباء
ورأيى مجرد رأى مبنى على قراءة شخصية
لما المعلومات إللى مكتوبة على ويكيبيديا لها مراجع محترمة، ممكن اقتنع بها خاصة لو ماشية مع المنطق
وعلى فكرة المراجع إللى مكتوبة دى معمولة معظمها فى دول مطبقه النظام ده
بالإضافة إن عدد دول العالم اللى مطبقاه أقل بكتير إللى مش مطبقينه

اقتباس:

---

المشاركة الأصلية كتبت بواسطة mmtronic

سيدى الفاضل

تطبيق الانظمه لا تكون بوجهات النظر كما هو الحال عندنا فى مصر ( هههه كل واحد فينا له وجه نظر تخيل )

انما تطبيق الانظمه تاتى بالاحتياج و النتائج و الارقام و الاحصاء و ليس الاهواء

حضرتك ذكرت ان هذا النظام عديم الجدوى فى التوفير رغم تطبيقه فى كثير من الدول - اسمحلى اسالك - ما هو مصدر معلوماتك - هل هو ويكييديا ؟

---

العضو الفاضل k.ossama ذكر لحضرتك معلومات . شكرا له
ووضح لحضرتك ازاي تدور علي معلومات اكتر بخصوص الموضوع وذكر لك كلمات البحث عشان المعلومات تكون اوضح لك .

ممكن حضرتك تراجع مواقع كتير جدا اتكلمت عن الموضوع بأستفاضة . وبعد ماتدور وتعرف
هتتاكد ان معلوماتة سليمة

اقتباس:

---

المشاركة الأصلية كتبت بواسطة الفجر

المشكلة فى رمضان هنفطر الساعة 8وربع المغرب
فى عز الصيف الحار يا مثبتنا على دينك يارب

---

يابيه طول عمره بيتوقف فى رمضان

ومش فاهم أصلا ايه علاقة التوقيت الصيفى بالثورة ؟ هو الغاء التوقيت الصيفى كان من مطالب يناير؟

يعنى اتقال : عيش حرية ..الساعة زى ماهيه؟

ده نظام عالمى فى الدول المحترمة..والغاؤه كان افتكاسة من الفاشل عصام شرف

مش معنى ان النظام ده له فائده في اوروبا يبقى لازم يبقى مفيد في مصر لان مصر دوله حضاره 7000 سنه فطبعا مختلفه عن اي دوله في العالم انا مقتنع برؤيه الدكتور اسامه الراجل شرح وجهه نظره ياريت استاذ mmtronic يشرح وجهة نظره للإفاده بدل السخريه من كلام الاخرين

الحاجه الوحيده ال ناقصه هيا رجوع الشهداء مره اخرى ونبدا نلعب من جديد ما كله رجع على قديمه تانى حتى الساعه اشمعنا الشهداء ميرجعوش تانى

حسبي الله و نعم الوكيل فيهم . دي الحاجة الوحيدة اللي استفدنا بيها من اول الثورة. للأسف رجعنا للقهر بتاع زمان. و نرجع نصحي ساعة بدري و طول اليوم الواحد بيكون عايز ينام. انا كنت باكره الصيف عشان تغيير الساعة ده.كهرباء ايه اللي هيوفروها . ده لما يكون فيه مواعيد غلق للمحال و القهاوي فيستفيدوا من ضوء الشمس لكن احنا فاتحين للفجر.و بعدين طرق توفير الكهرباء بعدم اهدارها . يعني الشوارع المنورة صباحا و الناس شبعت نقض للموضوع ده مع كل حكومة و مفيش فايدة. بيطفوه لما بيفتكروا، و الكهرباء المسروقة للاكشاك و غيرها و طبعا بيستعمل لمبة عالية مهو مش هيدفع حاجة و كمان اضاءة المحلات و الكافيهات و المولات... ما تقل شوية و يستخدموا اللمبات الموفرة بدل الافراح اللي بيعملوها و كمان هيوفروا لنفسهم مش بس للحكومة لكن لازم يكون بقانون ملزم و تفتيش دوري. و طبعا لو حد اتكلم في مواعيد غلق المحلات هيتنسف عشان الناس اللي بتشتغل مساءا شغل تاني.يعني من الاخر ده اخيب حل في بلد فوضوية زي بلدنا

ايه الفيادة من التوقيتات دي !!

اقتباس:

---

المشاركة الأصلية كتبت بواسطة محمد يوسف

ده نظام عالمى فى الدول المحترمة..والغاؤه كان افتكاسة من الفاشل عصام شرف

---

طيب إيه تعليق حضرتك إن روسيا ودول اتحادها السابق واليابان والصين وكوريا الجنوبية ومعظم أستراليا ومعظم أمريكا اللاتينية وبعض ولايات كندا وأمريكا لا تطبق هذا النظام.
فهل هذا يعني ان كل هذه الدول غير محترمة؟
اكيد ﻷ...
هذا يعني أن النظام ده غير متفق عليه فيه ناس محترمة برضو شايفين انه مش مفيد

اقتباس:

---

المشاركة الأصلية كتبت بواسطة k.ossama

طيب إيه تعليق حضرتك إن روسيا ودول اتحادها السابق واليابان والصين وكوريا الجنوبية ومعظم أستراليا ومعظم أمريكا اللاتينية وبعض ولايات كندا وأمريكا لا تطبق هذا النظام.
فهل هذا يعني ان كل هذه الدول غير محترمة؟
اكيد ﻷ...
هذا يعني أن النظام ده غير متفق عليه فيه ناس محترمة برضو شايفين انه مش مفيد

---

هو أنا ماقلتش ان كل دول العالم بتطبقه..بس لو حضرتك راجعت لنك الويكيبيديا االى حضرتك شخصيا حطيته حتلاقيه مطبق فى روسيا واستراليا وكندا ..الخ وده يتناقض مع كلامك

والله أنا أعتقد إن الموضوع مش موضوع تغير الساعة
ولا مناسبة لينا ولا لأ
أنا شايفة إن الموضوع في حد ذاته الرجوع إلى الوراء
حتى في أتفه القرارات اللي تم إتخذها بعد الثورة
دا أنا أعرف حد ( والد صديقة لي ) كان مرشح نفسه في مجلس الشعب في 2011 ( فلول كبير ) ونجح بعد ما صرف مصاريف لياخد هذا المنصب ( أنا مش هقول دائرة أيه علشان مخسرش صديقتي لو دخلت على الموضوع بالصدفة ) ولما قامت الثورة كان بيسب ويلعن في مصر والمصرين اللي عملوا الثورة وضيعوا عليه الفلوس والحصانة واللذي منه
ثم عاد من جديد في الساحة ويستعد للإنتخابات القادمة بعد إنتخابات الرئاسة
وعائشة عبد الهادي ( وزير القوى العاملة ) على ما أذكر وقت الرئيس اللامبارك
وقيل عنها (بعد الثورة ) أنها تم تعينها رغم عدم وجود مؤهل عالي لمجرد أنها كانت على إتصال بسوزان مبارك
حصلت على جائزة الأم المثالية هذا العام
دي أمثلة ضعيفة مع موضوع الساعة الصيفية الغير مهم برضوا لإثبات بأن زمن مبارك بيتقال له حالياً ( عوداً حميداً )

اقتباس:

---

المشاركة الأصلية كتبت بواسطة محمد يوسف

هو أنا ماقلتش ان كل دول العالم بتطبقه..

---

ولا أنا قلت إن حضرتك قلت كدة....!!!

اقتباس:

---

المشاركة الأصلية كتبت بواسطة محمد يوسف

بس لو حضرتك راجعت لنك الويكيبيديا االى حضرتك شخصيا حطيته حتلاقيه مطبق فى روسيا واستراليا وكندا ..الخ وده يتناقض مع كلامك

---

ولا تناقض ولا حاجة
كل ما هنالك ان حضرتك ما اخدتش بالك كويس من الصورة
كل الدول البرتقالية كانت بتستعمل النظام و دلوقتى لا تستخدمه
فين التناقض بقى......؟؟؟!!!
http://nileup.com/up/uploads/nilemotors_13995887651.jpg

قمة الاستفزاز
عاملين زي العيال الصغيرة لما بتكيد بعضها على حاجات هايفه ساعة الخصام
ربنا ياخدهم البعده

اقتباس:

---

المشاركة الأصلية كتبت بواسطة k.ossama

ولا أنا قلت إن حضرتك قلت كدة....!!!



ولا تناقض ولا حاجة
كل ما هنالك ان حضرتك ما اخدتش بالك كويس من الصورة
كل الدول البرتقالية كانت بتستعمل النظام و دلوقتى لا تستخدمه
فين التناقض بقى......؟؟؟!!!
http://nileup.com/up/uploads/nilemotors_13995887651.jpg

---

هو أنا الحقيقة كنت قريت النص المكتوب ومابصتش ع الصورة

شكرا لحضرتك