الموضوع: التحويل للغاز الطبيعي

السلام عليكم :
بالنسبه للغاز ف انت مش حتتكلف ولا مليم لما تركبه و كل ما بتروح تمون بتدفع الضعف يعني لو حتمون ب 6 حتدفع 12 عن طريق كارد و هكذا لحد ما تخلص تكلفته و مش فاكر التكلفه كام
انما انا ما انصحش بيه نهائي و ده لعده اسباب:
1.خطر جدا جدا جدا ازي تآمن علي حياتك و في انبوبه بوتاجاز و فيها غاز مضغوط كمان في شنطه عربيتك ؟؟؟ناس حتقول ما انت ماشي و في تانك بنزين في العربيه حقولك و الله الشركه هيا اللي عاملامه و محطوط في مكان اكيد آمن مش محطوط عشوائي غير كده البنزين مش مضغوط .
2.الموتور متصمم انه يشتغل بنزين ازاي حتخليه يشتغل علي الغاز ؟اكيد حيأثر في الاداء و العمر الافتراضي للمكونات,و غير كده لازم الصبح تدور بنزين معني كده انه غير قادر انه يقوم العربيه يبقي دا معناه ايه؟؟
3.لو ركبته اعتبر عربيتك من غير شنطه خالص علشان بياخد مساحه كبيره جدا.
اعرف واحد الله يرحمه مات في عربيته علشان الغاز انفجر و هو كان رابط الحزام ما عرفش يطلع من العربيه و وصلت درجه الحروق في جسمه ل 90% او 99% مش فاكر و توفي و الكلام دا من حوالي 4 سنين الله يرحمه.
الخلاصه ما تحاولش تعمل الغلطه دي و ما تسمعش كلام حد بيقولك دا حيوفر و دا اريح للموتور و الكلام دا اوعي حتبو عربيتك علي الفاضي