بصراحة موضوع جميل ومفيد زادكم الله من علمه
عرض للطباعة
بصراحة موضوع جميل ومفيد زادكم الله من علمه
تحياتي لك
انا كنت عملت جهاز تنظيف الرشاشات وكنت محتاج اعمل خرج 12 فولت
جبت محول زي الي معاك 5 امبير
ولم يخرج 12 فولت ثابت احتجت اركب علية موحد تيار
ورغم كدة محول واحد لم يستطيع يشغل الطرمبة والاربع رشاشات
احتجت واحد تاني 5 امبير
عملت محول علي الطرمبة ومحول علي الرشاشات
انا مش عارف الي انت عملتو لو البطارية نايمة خالص ممكن
يشحن البطارة بعد كام ساعة علشان امشي
عزرا انا لاافقة شيء في الكهرباء
إزيك يا أستاذ عمرو وأزي اهل إسكندرية على حسك
شوف ياسيدي
هبسطلك الموضوع خالص
البطارية مثلا 100 امبير
دا معناه إيه؟
معناه إن السعة التخزينية للبطارية هي 100 أمبير لمدة ساعة واحدة
أو 200 أمبير لمدة نصف ساعة
أو 50 أمبير لمدة ساعتين
خلاص كده موضوع السعة بتاع البطارية
طيب
لما تعرف إن أفضل البطارية كفاءة تشغيلها تساوي 25%
بمعنى إن البطارية اللي هى 100 أمبير كل اللي أقدر آخده منها 25 أمبير/الساعة مش اكتر
طيب لو عرفت إن المارش اللي قدرته 2 حصان (موتور 2000 سي سي) بيحتاج حوالي 130 أمبير علشان يدور
يبقا البطارية االي قدرتها 100 أمبير لو مشحونة تماما هتتحمل إن المارش يشتغل قد إيه؟
إذا كانت البطارية هتدينا 25 أمبير لمدة ساعة
يبقى هتدينا 125 أمبير لمدة 12 دقيقة
يعني البطارية هتشغل المارش لمدة 6 أو 7 دقايق وبهدها تبتدي تضعف لغاية ما تشطب
طيب لو عرفت إن الموتور المضبوط بيدور في خلال 9 أو 10 ثواني بالكتير
يبقى المطلوب 130 أمبير لمدة 10 ثواني
طيب انا لو شحنت البطارية بتيار 1 امبير يبقى هحتاج 21 دقيقة لتعويض ما يسحبه المارش لإدارة السيارة
يعني ممكن ساعة وتدور العربية
ولو سبته طول الليل على البطارية مش هيضرها
أما بالنسبة لجهاز تنظيف الرشاشات
إنت طبعا بتدي 12 فولت للطرمبة وتدي 12 فولت أو 5 فولت للرشاشات ( على حسب نوع الرشاش) علشان تفتح
المحول 5امبير كفاية
المشكلة إن المحول بيخرج تيار متردد
يعني مالوش سالب وموجب
لما عملتله توحيد خليته له اتجاه واحد يعني له سالب وموجب بس مش تيار مستمر زي البطارية
وعلشان كده تلاقى الطرمبة بتزن وبتسخن اكتر من المعتاد
الحل هو وضع مكثف ذو قيمة عالية ليقوم بعملية تنعيم التيار
ولو احتجت 5 فولت ممكن من خلال متكاملة 7805
واي خدمة انا تحت امرك
وممكن تريح نفسك خالص وتستخدم باور سبلاي بتاع كومبيوتر
هات واحد مستعمل هتلاقيه رخيص
وهتاخد منه 12 فولت و5 فولت
ما شاء الله عليك شرحك جميل ربنا يزيدك علماقتباس:
إزيك يا أستاذ عمرو وأزي اهل إسكندرية على حسك
شوف ياسيدي
هبسطلك الموضوع خالص
البطارية مثلا 100 امبير
دا معناه إيه؟
معناه إن السعة التخزينية للبطارية هي 100 أمبير لمدة ساعة واحدة
أو 200 أمبير لمدة نصف ساعة
أو 50 أمبير لمدة ساعتين
خلاص كده موضوع السعة بتاع البطارية
طيب
لما تعرف إن أفضل البطارية كفاءة تشغيلها تساوي 25%
بمعنى إن البطارية اللي هى 100 أمبير كل اللي أقدر آخده منها 25 أمبير/الساعة مش اكتر
طيب لو عرفت إن المارش اللي قدرته 2 حصان (موتور 2000 سي سي) بيحتاج حوالي 130 أمبير علشان يدور
يبقا البطارية االي قدرتها 100 أمبير لو مشحونة تماما هتتحمل إن المارش يشتغل قد إيه؟
إذا كانت البطارية هتدينا 25 أمبير لمدة ساعة
يبقى هتدينا 125 أمبير لمدة 12 دقيقة
يعني البطارية هتشغل المارش لمدة 6 أو 7 دقايق وبهدها تبتدي تضعف لغاية ما تشطب
طيب لو عرفت إن الموتور المضبوط بيدور في خلال 9 أو 10 ثواني بالكتير
يبقى المطلوب 130 أمبير لمدة 10 ثواني
طيب انا لو شحنت البطارية بتيار 1 امبير يبقى هحتاج 21 دقيقة لتعويض ما يسحبه المارش لإدارة السيارة
يعني ممكن ساعة وتدور العربية
ولو سبته طول الليل على البطارية مش هيضرها
أما بالنسبة لجهاز تنظيف الرشاشات
إنت طبعا بتدي 12 فولت للطرمبة وتدي 12 فولت أو 5 فولت للرشاشات ( على حسب نوع الرشاش) علشان تفتح
المحول 5امبير كفاية
المشكلة إن المحول بيخرج تيار متردد
يعني مالوش سالب وموجب
لما عملتله توحيد خليته له اتجاه واحد يعني له سالب وموجب بس مش تيار مستمر زي البطارية
وعلشان كده تلاقى الطرمبة بتزن وبتسخن اكتر من المعتاد
الحل هو وضع مكثف ذو قيمة عالية ليقوم بعملية تنعيم التيار
ولو احتجت 5 فولت ممكن من خلال متكاملة 7805
واي خدمة انا تحت امرك
بجد انت اضافه قويه للمنتدى احييك على شرحك السهل
موضوع جميل وقيم ومفيد جدا..
سؤال : لو البطارية مش بتقوم العربية .. ممكن أوصل الشاحن دة مباشرة بالبطارية وهي في العربية؟؟ يقومها لغاية ما يشتغل الدينامو ويشحن؟؟
أيوة عادي
تعرف إن فيه عربيات بيحطو فيها اتنين دينامو سوا على بطارية واحدة؟
تفريغ البطاريات ليس بالصورة التى ذكرتها ، هو مش عملية خطية بحيث ال100 امبير ساعة تقعد ساعة تفرغ بتيار 100 امبير و لا الكلام دا نهائى ، انما على آخر الفترة الزمنية للتفريغ بيحدث انهيار فجائى فى قيمة جهد البطارية وايضا الامبير الناتج لا تجعلها تواصل المدة الزمنية المقررة لها بعبارة تانية non linear curve
الأهم من دا كله ان بطارية العربية لا ينطبق عليها هذا الكلام تماما حيث انها من نوعية start up battery يعنى كامل قدرتها بيبقى اغلبه ثوانى معدودة و فى لحظات التقويم ، و لا يمكن تشغلها تشغيل متواصل
بطارية ال start up زى ال 70 امبير حجمها صغير مقارنة ببطاريات التشغيل المتواصل
الكلام دا ينطبق على بطاريات انظمة الاتصالات او حتى الحجر التورش بتاع العربيات اللعبة !!!
ممكن تعمل كدة بكل تأكيد لو انت مستغنى عن الشاحن
ليييييييييييييييييييييييي ييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان لحظة التقويم فى اى نوع من المواتير يصاحبه تيار بدأ عالى جدا starting current غالبا هيحرق لك الشاحن
زى لما تشغل جهاز تكييف (اساسه موتور) فى البيت و تلاقى هزة فى الاضائة نتيجة عملية البدأ
عملية البدأ التيار بيوصل فيها لغاية 10 مرات التيار العادى و لذلك فى انظمة التحكم الكهربى المحترمة و الخاصة بالماكينات بيبقى موجود دائرة مخصوصة لفصل الشاحن الكهربى لحظة التقويم فقط و يرجع لشغله تانى بعد سكون الماكينة (اثناء الدوران الدينامو طبعا شغال)
الخلاصة الموضوع مش امبير فقط الشاحن يقدر يمدك بيه او فولت طالع منه و لكن قدرة كهربية و حساب طبيعة الحمل و تصرفه فى جميع لحظات التشغيل