هو ده طبيعى ولا ايه ؟؟

**SHEVA11111** · 08-05-2014 07:14 PM

العربية لانسر بومة 2014 ولسه فى فترة التليين عامل 500 كيلو بيها .. بس انا ملاحظ ان انا اول مابدور ولسه متحركتش ال rpm بيبقى على واحد ؟؟ فهل ده طبيعى ؟ وامتى ينزل للزيرو اصلا ؟

**limo81** · 08-05-2014 07:40 PM

هو ما بينزلش للزيرو الا و العربيه مبطله switched off
ثانيا ف بدايه التشغيل. و. العربيه بارده بتلاقي ال rpm اعلي من 1000 وبعد كده بينزل تدريجي لما العربيه تسخن لغايه تقريبا 750 و مش. اقل من كده ، ويفضل هذه الطريقة ف تسخين العربيه

**abogoda** · 08-05-2014 07:54 PM

أولاً الف مبروك وربنا يباركلك فيه ويحفظك من شرها .....

بالظبط زي ما قال الاخ limo81 لازم العربية اول ماتشتغل يوصل الـــ RPM لـ 1000 لفة في الدقيقة وعلي فكرة ممكن يوصل لـــ 2000 لو الجو برد جداً والعربيه مشتغلتش من مده ... ده تقدر تسمية سلانسيه الكتروني حسب درجة الحرارة بيظبط نفسه وبينزل تدريجي لحد مالعربية تسخن بعد كده يفصل والسلانسية الطبيعي للعربيه يكون شغال علي 750 او اكتر شوية ولو أخدت بالك لو انك شغلت التكييف هتلاقي الـــ RPM يعلي معاك شويه علشان الحمل الزياده للتكييف

**seven777** · 08-05-2014 07:55 PM

مينفعش ال rpm ينزل زيرو حضرتك هو كدة طبيعى انا فى اللانسر كان بيبقى على 2 اول ما بدور الكلام ده لما بيبقى الجو بارد و بعد كدة زى ما الاستاذ قال لحضرتك بينزل تدريجى ل 1