الموضوع: استفسار ضرورى يا رجالة ؟؟

المشاركة الأصلية كتبت بواسطة nazar muharram

اجراءات رخصة القياده

1-صور للبطاقة الرقم القومى ميقلش سنك 18 سنه

2-صور شخصيه ليك وصورة كارنيه الكليه

3-إثبات اللياقة الطبية و شهادتين طبيتين باطني – عيون مع تحديد فصيلة الدم ودول فى المستشفى العام او طبيب خاص

4-ملف رخصة خاصة من المرور وتشترى برضو طوابع شرطه خلى معاك 5

5-تدفع فى الخزنة مبلغ بسيط علشان الاختبار

اما بخصوص الزجاج الملون لا يوجد

ونصيحه متستعنش باواسطه علشان بعد كده ممكن يبقا فيها مشاكل بمعنى لما تجدد الرخصه ممكن المهندس يقولك هيا مش نازله بزجاج ملون وانتا كاتبه فى الرخصه ملون
او تعدى على كمين محترم تقيل تلقيهم سحبو الرخصه ودخلوك فحص فنى عارف ليه علشان الزجاج الفبريكه زجام ملون وليس فاميه
ممكن انتا تفيم الزجاج الامامى مش هيدققو عليه اوى

انا عندى رخصة سواقة - انا بتكلم على ترخيص العربية

متابع

ألف مبروك أنا معاك فى الجامعة على فكرة.
بالنسبة للورق و الكلام ده كله مافيش أى مشاكل خالص طالما عديت 18 زي ما الأستاذ الكريم nazer muharram قال.
مع ان فيه عربيات كتير أحسن بكتير فى نفس الفئة السعرية بتاعة الكورولا 2014 (غلت نار التويوتا) أنا أنصحك بأنك طبعا لو هتجيب عربية زيرو يبقى أكيد تويوتا لأنهم أنظف ضمان و توكيل و تعامل فى مصر و دا بالاحصائيات و ما أعتقدش ممكن حد يقول غير كده.
بس بلاش الكورولا السيدان. ما تشوف الياريس الهوت هاتش الجديدة. جميلة جدا جدا و موجودة فى التجمع و فى الجامعة برضه. أو ممكن الكورولا الهوت هاتش, أصل أنت 19 سنة يعنى ما ينفعش تركب تويوتا و تكون سيدان ما يجيش خالص الصراحة.
نصيحة أن محل اقامتك يبقى فى التجمع عشان هناك المرور لذيذ خالص. أنا عن نفسى ما أتعاملتش معاهم و لكن مافيش حد اتعامل الا و بيشكر جامد جدا و مصدومين من التعامل الخطير. مع أنى مش متأكد هما عندهم تسجيل و فحص ولا يبقى فى مدينة نصر, يا ريت حد يفيدنا فى الحتة دى.